المدرَك

شاعر، ودوسري جديد على عالم x

[المدرَك @Lmdr_k]

ادركت ب اني غـــــديت وماني بخبرك
راحت مطاليب حـــــــلمي كلها خلافي

الوقت محسوب من عمري ومن عمرك
مـعاد يحــتاج نخــــــــسر عمرنا كافي

يعشقك من سمع عنك وهام في ذكرك
ياكيف من شــاف ذاك المبسم الصافي

عقبك مسحت اســمي وخليته المدرك
مدرك عذاب الغـــــرام وحضنه الدافي

-المدرك.

[المدرَك @Lmdr_k]

الـحـزن مالـهـا لـيـا مــن جــيـت طـاري/
انت ياخي تخجل الاحزان ياوجه المـسرّه

كن ربي حط وجهك للظروف وللــطـواري
يبتسم من وجهك المملوح يالمملوح مرّه

-المدرَك

[المدرَك @Lmdr_k]

الوداع وطاري الفـرقا وتـــلــويح المـهاجـر
كل ماتاتي على الانـسان جو الضــيّق خـمّـه

من يلوم الي يلــوم الــشخص لهلّ المحاجر
خلّه يهلّ الدموع ايــلــيـن يملى الدمع كمّه

قد سعت من خوفها بين الصفا والمرو هاجر
خايفه لايفقد الطــفـل الرضــيــع رعـاية امّه

- المدرك

[المدرَك @Lmdr_k]

يجيبها الي فوق سبع السماوات
مافيه شيٍ غايب عـن مـقـامه

جلا جلالة فوق كل المقامات
رب الحياة ورب يوم القيامة

رب العصور الحاضرة والقديمات
تركع له اصحاب الكبر والزعامة

تتصدع عظام الجبال المنيفات
تخشع ليا مـنــه تنزّل كلامه

ذنب البنادم والزلل والخطيات
تلجأ بغادق رحمتك والسلامة

[المدرَك @Lmdr_k]

يجيبها الي فوق سبع السماوات
مافيه شيٍ غايب عـن مــقـــامه

[المدرَك @Lmdr_k]

في رجاء الي في يدينه تنتهي المعموره
لاتــبــيــد ولا نمـوت الا وراضــيٍ عـنا

[المدرَك @Lmdr_k]

اعلنت نوحت حمام الدوح في قاصي ضميري
كل من عاف المقام الـدون يســعـى للمعالي

من بغى العلياء يكف اللوم ويحث المـسيري
قمة الامجاد تبغي من يجــيــدون الـنـزالــي

- المدرَك

[المدرَك @Lmdr_k]

ياصباح اصبح عـــسـى فــالــي سـفـايــر
جعل مامديت جزل وجعل ماقدمت وافي

[المدرَك @Lmdr_k]

ياظلام الليل لاهب النسيم
لاتشتت جملة افكاري ، كفى

انت يالمجهول يالليل العتيم
تكرم الضيفان قرطوح الجفا

كل ماخيّطت لي جرحٍ قديم
جيت تفتق جرحي الي ماشفى

ليه تجهدني ترا حالي سقيم
اطلبك ياراعي الظلم العفا

ما دريت انك على قلبي خصيم
لين هايف داير الشمس وخفى

- المدرَك

[المدرَك @Lmdr_k]

ينبيك عـن جـود الفتى مـدت يديه
ولايحط الطـــيّـــب لنــفسه عذَار

يطيــب لـو انّ الزمن يقـسـى عليه
ويعد ميـلات الزمن وقــت اخـتبار

اما نــجــح حـتى تفاخر بــه ذويـه
ولا صقط والي صـقط مــاله وقـار

الطيب فطره والنشاما تحـتـــميه
والي يبي العلياء "يداحم" باختصار.

- المدرَك

[المدرَك @Lmdr_k]

ترا القصيد ان لامس قلوب العباد
يكفيك روّاي الـــعــرب عن قولته

[المدرَك @Lmdr_k]

وان عوكست على الـرجال الطيبين
دايم كذا ســـود الــــيـالي للرجال

وان ما دحمها راعي الجنب المتـين
ياكيف يقوى دحــمـها قاصـر حبال

يدحم صعيبات الزمن خطل اليمين
يوم الهلايم لاتـــعــيل ولا تـــعــال

- المدرَك

[المدرَك @Lmdr_k]

اكثر انواع الرجال الي معايبهم قليلة
مايجيدون الغرور ولا يسبون المقفي

[المدرَك @Lmdr_k]

اسوء شعور يمر به خاطر انسان
خيبة الامل في من تهقوا بطيبة

[المدرَك @Lmdr_k]

وضع المزاج اليوم ماهوب مانوس
حاديه من بعض الصواديف حادي

[المدرَك @Lmdr_k]

ان بدا لي وجهه الــــي في مطله قمرا
اتفاها واطلق حجـاجي واحب الشاشة

العيون السود معـــــــها خدتينه حمرا
وش بقى من زين وجه المترفه ماحاشه

- المدرَك

[المدرَك @Lmdr_k]

ياشمس العصير الله يعافيك لاتمشين
معي ضيــقــتــن لاقــرّب الليل تاتيني

تمثنى الضلوع العوج وتهل منها العين
وش اقسى من دمًوع الرياجيل ياعيني

- المدرك

[المدرَك @Lmdr_k]

الدروب العوج وعلوم الوضاعة
مكسب عيال الرخوم الي تبابي

ودك السجّان ياخذهم وداعه
وان صحوا ولا عساهم للحرابي

مجدهم لا لاع راع الطيب لاعه
فرحهم لامن وزا الطيب خرابي

جعلهم في تاليت دنة بضاعة
وش لنا في كل لاش وكل هابي

للردي من قسوة الدنيا مناعة
ليتها للطــيّب الي مايعابي

- المدرَك

[المدرَك @Lmdr_k]

الرابح الي ماعــرف مـــعنى الوعي
بعض الوعي ممكن يوردك الجنون

تخاطب الصـادق تحس انه دعــي
من منــطــلق لا للــثـقه ولا تمون

تصير تركض في حـــيــاتك، ماتعي
وتعاقبك سـود الهــقاوي والظنون

- المدرَك

[المدرَك @Lmdr_k]

غديت في حلمي معزى وماجور
جعل العوض في مقبلات الليالي

لابد من عقب الدجى يطلع النور
وعقب المحال اروي ضمايا جمالي

- المدرَك

[المدرَك @Lmdr_k]

ودي افرش لك ضلاعـيــني زوالي
واكسي رقبتك من عــروقي قلادة

شوفتك فيها الحيــاة وراس مالي
جعلني ما افقدك ياوجه السعادة

- المدرك