من أكثر أنواع الأفلام اللي بحبها، وبحب أعملها، هو نوع (coming of age)، بالعربي بيسمى أفلام النضوج، أو البلوغ أو الخروج من مرحلة عمرية.
أفلام مشهورة ومن أفلامي المفضلة في النوعية ديه:
Cinema Paradiso / Almost Famous / Hands Of God
والأفلام العربية المميزة من النوع ده: بحب السيما / بيروت الغربية / أوقات فراغ / فرق خبرة
أنا شخصيا عملتها في: لامؤاخذة / برا المنهج / شيخ جاكسون
وديه نوع أفلام عن إزاي شخص بيكبر ويعدي من مرحلة عمرية للثانية وما يصاحب ده من مشاعر، والأفلام ديه لما بتتعمل حلو بتتعمل حلو علشان صادقة - وغالبا إن ما كانش دائما بتكون مستوحاه من حياة صانعها - وبتأثر في المتفرج جدا وبتخرجه بشحنة عاطفية كبيرة.
وده اللي حصل بشكل مميز ومؤثر وصادق وجميل في فيلم (إذما).
فيلم ببساطته تقدر بسهولة تحس بصدقه، بسلاسة الفيلم يأثر فيك، ومع إني شوفته مرتين، في المرتين بكيت في نفس المشهدين، وخرجت بشحنة عاطفية كبيرة جدا بكون عايز أقعد أتأملها.
بهني صناعه كلهم وخصوصا الكاتب محمد صادق، لإنه قدر زي بطل فيلمه يجري ورا حلمه، وبحييه إنه قفز قفزة الثقة وقرر يخرج مش بس يكتب، لإننا كسبنا مخرج هيكون من أهم المخرجين.
هذا مسلسل العيد جوي وأجواااءي عن شعلة كاتبة ومفكرة وداعية تركية أول من دافع عن حقوق المحجبات وعملت على نشر الدين ونقد الفكر العلماني متحمسةةةةة جداً أشوفه🫂
عمرو سعد يستحوذ على حقوق عدد من روايات الأديب العالمي نجيب محفوظ، من بينها: صدى النسيان، أولاد حارتنا، واللص والكلاب، تمهيدًا لتحويلها إلى أعمال تلفزيونية وسينمائية لصالح شركة الصباح 🎬