مزيد العتيبي

[العوازم من عتيبه @awazm_com]

شيلة اوبريت حفل زواج : خالد بن زايد بن عايض العازمي

كلمات : فهد عمران العازمي
اداء المنشد : فهد مدرهم

https://t.co/Wb6jXqfOTa

[مزيد العتيبي @M6000Vip]

#عيد_الفطر_١٤٤٧ه

السلام عليكم ورحمة الله وبركاته
عيدكم مبارك..🌙
تقبل الله منا ومنكم صالح الاعمال
واعاده الله عليكم اعواماً عديدة وازمنة مديدة وانتم بصحة وعافيه وأمن وآمان

#كل_عام_وانتم_بخير

[مزيد العتيبي @M6000Vip]

رمضان مبارك، كل عام وأنتم بخير.

[لافي الغيداني @lafihmud]

يامكثرين الهرج لا اسمع ولا اجيب
تريحو من فضلكم واسمحو لي

تريحو لا تلاحقون المشاهيب
على الردا ماني شفوقً عجولي

بالصبر والعقل ادب النفس تأديب
ولا لها مده تصول وتجولي

انا لاقلت ارتب القول ترتيب
حتى يجي كيً على فك قولي

لارسلت لأفكار القريحه مناديب
ترايعً من عقب ماهن جفولي

[عبدالله السراهيد @Alsraheed]

لا تغرّك .. ضحكة الوجه الحياوي
عادة اللي " يعتريه الشوق " يبحل

ما بقى غير إنّي - آسوق الخطاوي
جعلني ماآكون من هالحال وآنحل

السبب في مشكلة موت الهقاوي
نظرة عيونك .. ما عاد تْقدّم الحل

لا تساورك الشكوك إن كنت ناوي
اختلق عذر الرحيل أرجوك وارحل

[جرّاح العتيبي @AL___9999]

لو يهب النود فالصبح ولا فـ العصير
صرت ماعاد أتضايق و قلبي مايخاف

ياعشير ٍ راح وقته يدوّر له عشير
اختصر وقتك وجهدك و دوّر لك لحاف

المحبه مالها أمان فـ الوقت الاخير
والمشاعر ما تحمّل و صايبها جفاف

انشد اللي جرب الحب من قلب وضمير
وانجرح عشرين مره من أحبابه و عاف :)

[لافي الغيداني @lafihmud]

ماهو بخاسر من دفع شي لله
ولاهو عليه بمثل هاالامر نادم

من قدم لنفسه عمل خير يلقاه
نهار ينشف ريق حلق البنادم

ولا دايم الا وجه ربً عبدناه
يفنى العمر والمال والموت قادم

#لافي_الغيداني

[رشيد مدرهم @rshaed_511]

الحسد والحقد والغل إن تراكم
يجعل الإنسان في ذل ومهونه

ياهل الحقد المركب وش بلاكم
كل ناجح في مجال تحاربونه؟!!

مرزوق مفرح المزيني

[عبدالله السراهيد @Alsraheed]

خمسة حروفٍ : ( باقيه ) - ولا تزال
في صفحة -التاريخ- والمجد البكِر

من دونها اللي : في نِزال وفي جدال
ما تنغلب .. في ( فعل ) ولا في فكِر

جمايل أهل الصيد في روس الجبال
واجد على أهل الصيد فالماء العكِر

حتى اللي ما له ذكر من بين الرجال
يطرّي « عتيبه » - ويطلع له - ذكِر

[جرّاح العتيبي @AL___9999]

يارفيقي و الوفاء دين و المعروف دين
والليـالي تجربه و الحيـاه مخاطـره

خابر ٍ صدرك شمالي وعزمك ما يلين
و الشطاره لعبت أهل العقول الشاطره

أتحـاشى منك كلمه و أمـشّي كلمتين
لين مشروهك تزبّر و سـمّـى ماطره

ليه تجرح خاطري وانت خابرني حزين
والحزين ادناة موضوع يجرح خاطره :)

[سلطان بن بتلاء @sbinbtlaa]

الحياه اللي تشوفونها .. ساعة مقيل
ومغريات العمر هذي مثل ظل شجره

رحلة الانسان وابليس معناها الاصيل
في مقاييس الزمن ذا : تحدّي مقدره

واحد ٍ مايحزم النفس بالصبر الجميل
يبشر بخسران عمره ، وفي كسر اظهره

يالله بعلم ٍ يجمّل قبل يوم الرحيل
وتوبة ٍ ترضيك عني وعفو ومغفره !

[عناد الشيباني @enadm1]

عديت ربعي فـ الرخا و أتعبوني !!
من كثرهم / مجّمل عددهم يهوّل

و عديتهم و قت القسا و أحرجوني
لقيتهم زادو عن ( الرقم الأول !! )

[سمان الهرج @fahad33931]

يادكتور ماعندك لـ دبل الكبود علاج
ترا الكبد من هرج اكثر الناس مندبله

والله مايغث البال ويسبب الاحراج
الا الخبل يوم يدربي الهرجـه الخبله

ولا يجعل العاقل يعاني من الازعاج
الا فاقد الاحساس والثور والابلـه/
م

[العوازم من عتيبه @awazm_com]

طوّل عليك الليل يا جفنٌ مجافيك المنام
مدري متى تقدر يودعك السهر وتودعه

ابيات من كلمات الشاعر : متعب بن مرزوق العازمي

[جرّاح العتيبي @AL___9999]

اعتزلت الناس من فتره ورحت لحالي
واسترحت من المجامل و الوجيه الودره

صاحبك ياصاحبي ماهوب دايم سالي
صايرٍ من فتره ادنى ما يضيّق صدره

قل منسوب الثقه عند العرب من تالي
لين صار العاقل المحسوب ماله قدره

وانت غالي يا رفيقي والرفيق الغالي
الليالي ما تحنّه و الظروف تغدره :)

[عبدالله السراهيد @Alsraheed]

يا ساعي بما فيه الكفاية - متى ترتاح
مع أهل القلوب الحاسدة لا تدوّرني

لو الله عطاك شويّ من نظرة اللمّاح
لقيت الشيَم من كل جانب تسوّرني

لاشفت العباد اللي تحرّك بدون أرواح
شكرت الله .. اللي بـ المبادي منوّرني

يا كم واحدٍ يفرح على صاحبه لا طاح
وأنا والله إن ( طيحة عدوّي ) تعوّرني

[مزيد العتيبي @M6000Vip]

كل عام وانتم بخير

[مزيد العتيبي @M6000Vip]

سبحان الله والحمدلله

[صالح النشيرا @saleh_neshaira]

كنك .. تنب المحاني بـ رمح الغيهبان
يوم .. اشوفك .. كل .. تالي نهار تنبّني

شاغل بالي لزومك من هلال رمضان
دلني .. باب .. المعاذير .. ولّا سبني