ENG . MOHAMAD ALRASHIDI

و ما تدري نفسٍ بأي أرض تموت 💙

[ENG . MOHAMAD ALRASHIDI @M7_28a]

لو تدري الأرض بإنك مندفن فيها
قالت يا كبر الجميل اللي ملأ بطني

[ENG . MOHAMAD ALRASHIDI @M7_28a]

ياحبيبي يمرض الشوق في بعض الليال
أبعد الله … عني و عنك تأثير المرض

ودي أسلى .. لكن شلون والسلوة محال
بعد زادت حلكة الليل والعارض عرض

مكتفي باللي يجي منك من باب الوصال
إن عجزت تسوي الصعب سوي المفترض

أرسل … إن عيت عليك الظروف الاتصال
الرسايل بعض الاحيان توفي بالغرض

[ENG . MOHAMAD ALRASHIDI @M7_28a]

اللـهم اجعـل هذا البلـد آمنـاً 🇰🇼

[ENG . MOHAMAD ALRASHIDI @M7_28a]

يا رب اجعل صوت صفارات الإنذار
برداً وسلاماً.. وأمنٍ يملأ سما الكويت.🇰🇼

[ENG . MOHAMAD ALRASHIDI @M7_28a]

أنا مقصّر .. وأنت حسنك تام
والقلب يشكي .. والشعور يلحّ

مالك شبيه من اليمن لـ الشام
ومْن الخطا لين الصحيح يصحّ

معذوره ( الاوراق - والاقلام )
وش ذنبها دام الحروف تشحّ

صدّقني حتى ريشة الرسّام
مهما تحاول .. ماتجيبك صحّ

[ENG . MOHAMAD ALRASHIDI @M7_28a]

لك ثلاث أيام و الشرح في عينك يطول
ودك تفضفض ولا أدري وش اللي عايقك
ٰ
أبتسم مال الحزن في سنا وجهك قبول
ولا تضيق الله يضيّق على من ضايقك .

[ENG . MOHAMAD ALRASHIDI @M7_28a]

نحلم نعيش المراحل كلها فـ الحيـاه
ما ندري ان الحياه بكبرهـا مرحله.

[ENG . MOHAMAD ALRASHIDI @M7_28a]

أحس إني كبرت وبيّن بـ طبعي مدى التغيير
فلا هذا هو إحساسي ولا هذي هي أطباعي

غديت أودع المقفي ولا أحب أسمع التبرير
أشوف إن التفاصيل الكثيره مالها داعي

[ENG . MOHAMAD ALRASHIDI @M7_28a]

في متاهات الخيال أسج بـ العمر المولّي
يوم أشوف إن الحياه إرهاق والواقع دعايه

[ENG . MOHAMAD ALRASHIDI @M7_28a]

ماعاد انا واقعي يــ الواقع الجاحد
اضحك للايام والواقع يبكّيها

لله درّ الخيال يخلي الواحد
يسوّي اشياء مايقدر يسوّيها !

[ENG . MOHAMAD ALRASHIDI @M7_28a]

كل الكلام الي تمنيت اقوله
ماظن لنصاف البشر يمكن يقال

اشتقت لك ماهي بتأبا الرجوله
الي ماهو يشتاق ماهو برجال

[ENG . MOHAMAD ALRASHIDI @M7_28a]

لو اكتب احساسي بدون احساس
بعض الكلام ، يموت في صدري

مـاتدري انك غير كل ... الناس
اذا انـت ماتدري ،،، منو يـدري

[ENG . MOHAMAD ALRASHIDI @M7_28a]

وجُهت وجهي شمال وخاطري بالجنوب
وايقنت ان العقل ما يحكم العااطفه

بجد ودي اتوب ولكن ازريت اتوب
قارب نجاتي عجز لا ينطح العاصفه

ان قلت يا نفس يكفى كل هذي ذنوب
تقول دامـي اشـوفه آسـفه آسـفه

[ENG . MOHAMAD ALRASHIDI @M7_28a]

مـا طلع نورك و لاتغنّى طير
حسّت الأرض واللي عليها حس

كل صبحٍ يجيبك صباح الخير
وكل صبحٍ بدونك صباح وبس

[ENG . MOHAMAD ALRASHIDI @M7_28a]

الضيقه .. الي وافقت يوم فرقآك
منها عرفت إني م عمّري تضايقت

[ENG . MOHAMAD ALRASHIDI @M7_28a]

ماشلت هم الظروُف القاسيه والسنين
اللي على العبد يسبق شرها خيرها

راضي بما يكتبه ربي و عندي يقيّن
الحاجه اللي تروح . . يعوضني غيرها

[ENG . MOHAMAD ALRASHIDI @M7_28a]

تعال بين دقات الفؤاد .. و نشوة التفكير
يا واقعٍ أزين منْ مدى فكري وتخميني .

[ENG . MOHAMAD ALRASHIDI @M7_28a]

سبحان من حط القبول بـ ملامحك
وجهك هو اجمل وجه شفته بـ دنياي

[ENG . MOHAMAD ALRASHIDI @M7_28a]

مالي غناة ٍ عنك يامال الغناه
انت الحياه اللي اهيم بحبها

شفهم لاقالوا لي انت تحب الحياه
اتذكرك واقول , اييي والله احبها

[ENG . MOHAMAD ALRASHIDI @M7_28a]

حيث انه اول شخص يسقط من عيوني مرتين
وانا عيوني من سقط منها ،، ،، مـاعاد تعبره

[ENG . MOHAMAD ALRASHIDI @M7_28a]

وينك فقدتك يا عسى منت محدود
على الفراق الي معكر ،،، ضرووفك

ليل و شتاء وامطار و بروق و رعود
مـاينقص بهالجو يـا غير شووفك