محمد بن عبدالعزيز

اللهم أحسن خاتمتي واصرف عني ميتة السوء ولا تقبض روحي الا وانت راضٍ عنها

[محمد بن عبدالعزيز @M7md_A_]

@shgran_9 امين وياك عقبال تكمل ان شاءالله مع ابو تياقو🩵🩵

[بين الوسمي @bauenalmutairi]

لا تقبلين القِل وأنتي كثيره
ولا تطلبين الحل وأنتي الأجابات

[محمد بن عبدالعزيز @M7md_A_]

ازهلي حرب الذخاير واستحليني تراني
مستعد احارب الدنيا عشان اكسب وصالك

[محمد بن عبدالعزيز @M7md_A_]

ضايق واحس الضيقه اكبر من بكاي
والضيق يستاهل و عيني كريمه

ويا ليتها من ضيقة الخاطر و جاي
حتى الهوى الليله خنقني نسيمه

[محمد بن عبدالعزيز @M7md_A_]

شوفك نهار العيد في ذمتي عيد
يا محلى عيدي و مزين نهاري

عيدك مبارك ياعديم المناقيد
ماشفت للمنقود عندك طواري

في كل عام يمر حبي لك يزيد
غلاك من بين الشرايين جاري

في ذمتي ما ارضى بدالك وتأكيد
حتى لو طال الامل وانتظاري

[محمد بن عبدالعزيز @M7md_A_]

مايعالج جرحي المدفون طب ونفث راقي
الا يوم يمر طيفك وسط بالي يا فلانه

[محمد آل شواي @mohamd__mobarik]

عنفوان الشاعريه والقصيد الضارب
من مصافيط الخيال اللي ثقيلٍ وحيه

عقلي ايقول استرح ويقول قلبي حارب
كل مستشعر بدون شعور يدرج لحيه

ايتلايم صدري ويكرب ضلوعي كارب
من يذكّرني العصير بـ وجنة المستحيه

كل لونٍ في عيوني للسواد ايقارب
لا ذكرت الحاجه اللي ماهي بـ منمحيه

ماكلٍ من حالي الجرح القديم وشارب
وجعته وجعة رفيق و شرهته منتحيه

لا انزلت فـ اللحيه ولامن رقت فـ الشارب
ليتني ( احيان ) مالي شارب ولا لحيه

[محمد بن عبدالعزيز @M7md_A_]

طلتك فيها فرح صبح تحرير الكويت
وصدتك تعطي عن الموت نظره شامله

والله ان شوفك جميلٍ حفظته ماحييت
والله ان طيفك لا مر الخيال ايقام له

[محمد بن عبدالعزيز @M7md_A_]

💙🇺🇸

[محمد بن عبدالعزيز @M7md_A_]

تجارب العمر سوّت في حياتي فريق
والحلم واقـف وساعات الزمان اتعدي

الضيق من داخل اسوار الحنايا يويق
واللي خذل صادق احساسي ماهوب اجودي

ياقو صبر الوفاء صامد وجرحه عميق
كفه نديّه وقلبه بالمشاعر ندي

الوصل في عاتي امواج التجافي غريق
لا لاح برق الموادع يالهموم ارعدي

[محمد بن عبدالعزيز @M7md_A_]

يالصغيّر من حجاجيرك الى الخطّابه
وش اسوي وانت كنك الظبي فالمحميّه

خلني في حالي من بعد الجفا واغيابه
ان قعد حالي كذيّا بكتب المرثيه

الزمن مشاكله من عالمٍ كذابه
يجحدون الصادقين ويدخلون النيّه

[محمد بن عبدالعزيز @M7md_A_]

الشعور اللي فصدري ماعرفت اسبابه
الله يستر لايسبب سكتتن قلبيّه

آخ من قلبن مانيب ادري وش اللي صابه
مايبي الا سجّته والراحه النفسيه

مالعب في حسبته والله يا كون احبابه
جابو فيه العيد كله قبل عيد اضحيّه

من يسلّم للهوى قلبه ويفتح بابه
دحدر وحدّر مع طريق ابو حدريه

[محمد بن عبدالعزيز @M7md_A_]

ادور لي في حلقةٍ ماكنها الا حرف ميم
مدري وش الخيره ولا ادري وين درب المصلحه

اي والله اني من سببها اونس وجعها فالصميم
اتقول صدري فوق وقاد الغضاه مفوّحه

لكن عسانا مانزل من الطريق المستقيم
نحفظ مبادينا لو وجيه السنين مكلحه

[محمد بن عبدالعزيز @M7md_A_]

الليل وفجوج الخلا والحب والبيت القديم
مفعولها شرٍ على الانسان مثل الاسلحه

معها يهيم اللي من اول يحسب انه مايهيم
ويطيح معها اللي ظروف الوقت عجزت تطرحه

احيان ماينجي من اكبر مشكله غير الغشيم
وهو مايسمع كلمة العاقل ولا احدٍ ينصحه

[محمد بن عبدالعزيز @M7md_A_]

قلبي مثل قلب اليتيم وخاطري خاطر يتيم
ما كل شي يفرح قلوب الاوادم يفرحه

اقبل على الاطلال واعود وانا حالي سقيم
حتى المكان يشتت التفكير من حين المحه

يوم اتذكر مامضى كني من اصحاب الرقيم
والا استفيق الا ليا مني قطعت المسبحه

[محمد بن عبدالعزيز @M7md_A_]

كم لي عن الفرحة وانا عروقي حيام
وكم لي وانا كبدي تولع سعاير

[محمد بن عبدالعزيز @M7md_A_]

ضاقت بي الدنيا وضاقن الانسام
والنوم جافل من عيوني وذاير

واحس في صدري تفاجير والغام
قتلى معَى جرحى مع رصاص ثاير

السالفة ماهي ترا حب وهيام
جاير علي من الصواديف جاير

اكافح الغبنه من شهور واعوام
اكتم كلامي قبل هل العباير

تلاشت الفرحة وضاعن الاحلام
اطعمت تال الوقت غبن وعزاير