Marjye Alrwili

[Marjye Alrwili @MAlrwaili]

يا بكرتي روحي درجي
درج القطاة الخلاويه

البارحة العين يا مرجي
يعرض لها النوم ومعيه

وجدي على الحب والهرجي
والا العرب مالهم نيه

راعي الهوى دايماً يرجي
يرجي يما ينلعن حيه

[Marjye Alrwili @MAlrwaili]

لي فاطرن رجلها خمله
مهي عن البيت منزاحة

لاواهني من جمع شمله
وتحمد الله على الراحة

كم واحدن واااقشر عمله
يفرش له الرب طراحة

[Marjye Alrwili @MAlrwaili]

بطن حمرا فوقها لابس الجبة
جافلن عقب المطاريد وفزوعي

[Marjye Alrwili @MAlrwaili]

ماتصير مصيبتن غير له سبة
صابني من جملة البيض مربوعي

صابني بالعين والخد واللبة
صابني ابو دواوير وردوعي

ياعيون اللي تذير مع الخبة
ريّض عطني من ثناياك قرطوعي

ريّض عطني من ثناياك لي حبة
من ثمانن حبهن يغدي الجوعي

ليه قلبي ياريش العين تلعبه
مابقي غير المعاليق وضلوعي

[Marjye Alrwili @MAlrwaili]

عين الوحش وامها (رده)
ربي عن الشر ياقاها

مهي من اللي لهن حده
ولهو غليظن محقاها

يا ريحة المسك والنده
مدوّكٍ في ثناياها

[Marjye Alrwili @MAlrwaili]

قلبي على صاحبي جضي
جضة محاحيل سنايه

ابي اقعد واشوف عن حضي
ان ما ادركك ما به عباية

تسان هو صفا ماك ما خِضي
انت النقذ وانت مسقايه

[Marjye Alrwili @MAlrwaili]

ياونتي ونيتها من خوا الراس
من لاهبن بالتسبد لون السعيرة

أو ونة من رجله غدت تقل مقواس
يجض تالي الليل يشكي جبيره

على حبيبن سارين هجعة الناس
متنحرن درب ٍ عسى فيه خيره

الله يفكه من بلى سو الاتعاس
ومن شر ضيمات الليالي تجيره

[Marjye Alrwili @MAlrwaili]

فرقا الغلا للعرب عادة
اقفت وانا اقفيت ملقوعي

هي تدعج العين لريادة
وانا ادعج العين بدموعي

كلن منامه على وسادة
وانا منامي على كوعي

[Marjye Alrwili @MAlrwaili]

تسانك يا بنت مزكومة
الله يفكك من القحة

الطير ماله عن الحومة
طيري تميح وانا انحه

البيض عقبك طعم ثومة
والا انتي سمنٍ على سحة

تسان هو وفا منك مقسومة
خطو الولد يقرده شحه

[Marjye Alrwili @MAlrwaili]

@kh1l11 التين
الاعلى
الاخلاص

[Marjye Alrwili @MAlrwaili]

انتي قضيتي لنا حاجة
من قبل تبدي لنا نية

تري مهي بس بلاجة
وانتي على الزين بخنية

تمايم القيض وهاجة
عن الضما ودنا روية

والنفس للزين منعاجه
مهي شفاتن على الميّه

اللي زهى النور بحجاجه
ليت الولي يقسمه ليه

[Marjye Alrwili @MAlrwaili]

ابيات من قصيدة …..

لقيت انا طارف الحفر مثلوم
وجار الدلال المتعبات الشوامي

هذي مرابط خيلهم دايمن دوم
حقب العيون مربعات الهوامي

محال نجعٍ شرقوا هلّة التوم
تغازوا المعبار والشط زامي

[Marjye Alrwili @MAlrwaili]

اللي عزمني والرب يزيد
لااايمال الخير والقوه

ياعين خشفن جفل ويعيد
وصغيرن ما بقم توه

الخد يا بارقن تركيد
يا كرهبن شارقن ضوه

يابنت قلبي ورِد توريد
ورِد الضوامي على جوه

[Marjye Alrwili @MAlrwaili]

يمحلا الفنجال من قبل يبنون
مزول كلن لاهين ما يجي له

مزول كثيرين المشاغل يحطون
كلن يركض بالحطب للحليله

[Marjye Alrwili @MAlrwaili]

هنيكم ياهل القلوب المريحة
يادالهين ياللي على بركة الله
هنيكم بقلوبكم مستريحة
ياليت قلبي كل ماجاه ينساه
ينسى هواجيس الضمير المشيحة
ويرضى على غوّال حلقه ليا ارخاه
خطو الولد يرضى العلوم القبيحة
ويقفي ويقبل كالهنوف المرضّاه
انا دليلي ما يطيع النصيحة
ياناس عياني دليلي وانا انهاه

[Marjye Alrwili @MAlrwaili]

انا تفطنت بالعربه
مالي لا دينه ولا قاله

بناتنا كلهن قربه
اللي بنتاخي واللي خاله

لو قيل عند العرب سربه
ماغير ثنتين وهلاله

[Marjye Alrwili @MAlrwaili]

يابو علي ليه ماتصلي
العمر لابده مولي
كم واحدن بالخلا خلي
عليه طير الهوا حامي

يابو علي ليه ما تديّن
عايزك شي وهو هيّن
طريقن على العرب بيّن
يفرق الكفر من الاسلامي

دنياك تر غيبها قريب
لوهو يبين لنا يشيب
وويل اللي ماعمله طيب
لو هو ولى نجد والشامي

[Marjye Alrwili @MAlrwaili]

@alkhad3_95 ماشاءالله …الله يبارك

[Marjye Alrwili @MAlrwaili]

اسمعو حرف الكلام
تركنا درب الغنام
مع طويلات السنام
نقفي والقلب يعزاه

اسمعو حرف القصيد
ماعلى الفطّر بعيد
يعطنك على ماتريد
لوتبي حمص وحماه

تر البل راعيها حر
كل الليالي مع بر
شغلته تشميل وصر
وتوقيفٍ مع الفلاه

البل راعيها مبسوط
كل الساعات مغبوط
صميله مهو مصفوط
ويعزم الضيف لياجاه

[Marjye Alrwili @MAlrwaili]

البارحة في منامي حافني حايف
يامن خَبِر حايفن للقلب يسري به

يا من له قلبن عيوف وعاشقٍ عايف
عيا لايطيع العذالا وش اسوي به

مدري هو باغي اللي من ورا الطايف
والا سعود العرافه هو واجانيبه

والله يالولا الحيا ومن العرب خايف
لااا انهب عشيري واخلي الهجن تقفي به