@IA_GOV كيف استأنف شكوى تم إغلاقها للأسف منكم بسبب موظف يطلب مني تقرير خلال ساعتين مع العلم اني انتظرتكم عشان تنظرون في شكواي 15 يوم و خلال يوم يتم اغلاق الشكوى ؟
عـيدك مبارك ياجرح الخاطر وطبه
اول مـاعايدت ابــوك الـعود وعياله
في مسجد العيد يوم انه طلب ربه
قـدام من فـوق راســه يرفع عقاله
عايدته وفـوق خشمه مهديً حبه
وعزم لكن مجلسه من جاله لـ جاله
ابــوك كــلً يــحبـه وانـتي السبه
وانا ابـغي ابـوك يسـمع مني لحاله
مصبوبة الحسن توعدني وتنساني
وانا من العيد للـ العيد اتحراها
غيـداً ملكني غلاها مــا تعــداني
لو تكثر ظروف وقتي مـا اتعداها
تقول ودي بـ شوف�� مير ماامداني
والفرصه إلي على الجوال ما القاها
مشغولة ً فـ ضحايا ابوي واخواني
ماتدري اني بـ كبري من ضحاياها
لا تدانت طيحة الشمس قدام الآذان
اقبل الضيق يتبجح ويعرض ويهجد
كن من بين المعاليق مومية العنان
ركضها من راحة البال ياخذ ما وجد
فوقها الي يحذف الشره من بنت الحصان
مثل حذفه فـ الصيانا قعادين ونجد
قبل لا اسجد بـ الجوارح واهلل بـ اللسان
للولي لي عقل هلل ولي قلب سجد
تجـاريـب وقـتك ركضها بين كر وفر
على صهوة احداثً تصاهل وسل ظروف
يطيب الشجيع ان مرّها لو تجرّع مر
ورى كلمته يخفي مصادم وكسب شفوف
تحلاّ بـ صبر بعير واقلط بـ مخلب حر
ورمح الشجاعه سمّره فـ وريد الخوف
لـ قدمت لك معروف خله مع الله سر
لكن لـ تخلي سر صدرك يجي معروف
دايم هذور المجالس لـ لقى له مكان
سوالـفه فـي مـياديـن الـكـلام تعرج
كنه على واقع الأحداث شاهد عيان
ياخذ من الكذب لـ دروب النذاله درج
السانه ابو محـاله دون صمام امان
لا تامنه لـ نشدته طحت لك فـ حرج
الله خلق له سمو�� وخالقً له لسان
من شان ينصت ويسمع زين قبل يهرج
سجين الكلام الي سنه من ورى الاضلاع
حبيس الـظلوع يلاوع الوجد فـ سجنه
رمى شف باله فـ نحور الليال وضاع
ضياع اليتيم الـي دمـوعه على الوجنه
هـقاويه ظمـيا والــروابع تـوّن جياع
ولا سـرّجـت خيله ولا ضمـّرت هجنه
لكن في رجا رحمة كريم العطا طماع
وعفو رمضان يمر بـ اسمه على اللجنه
مع الكاعب الي بالتواصيف شيخة غيد
رمـعة الغـلا واثـر الغـلا مـايجي رمعه
اهلها مـع مـعزي تحت رايـة التوحيد
خذوا من سنام الطايله طيّب السمعه
كبير الـبخت قدام ثـوب العياد يبيد
مـاخلا عيون الـشعر للـوجد و الدمعه
بعد ماتسمّع خطبة العيد يوم العيد
خطبها من ابوها قبل خطبة الجمعه