محمـد

[محمـد @MHK1_]

يارب اخشى ان اموت فجأه دون ان ارتب توبه في صدري، يارب إغفر لي اذا مت وسخر لي من يدعو لي دون ملل واجعل ما يبقى مني اثر طيب يترك ابتسامه 💙

[محمـد @MHK1_]

يارب عن زلة الأقدار تعتقني
بالعفو و العافيه و الستر و الجنة

[محمـد @MHK1_]

من علـق اماله العظمى بـ ربٍ عظيـم
ماشال حمل الليال السود مهما جرى

[محمـد @MHK1_]

النفس محتاجه رضاء الرب عنها
ماهي بمحتاجه لعطف المخاليق

والنفس خيل ومن يهمّل رسنها
جابت عليه الهم والغبن والضيق .

[محمـد @MHK1_]

لا طاح معكاز الهقاوي على القاع
اثبت على ساق الصبر في محلك

[محمـد @MHK1_]

يا الله وأنا عبدك اللي طامعٍ في رضاك
وأحيان أضيّع . . دروب الحق وأدلها

لا جيتك بـ دعوةٍ فيها شعور إرتباك
أفتح لها أبوابك اللي في السماء كلها

[محمـد @MHK1_]

النفس من رزقها ماهيب محرومه 
لامن دعينا ف رب الكون سامعنا

ما دام الارزاق عند الخلق مقسومه 
اللي رزق " غيرنا " ماهوب مانعنا .

[محمـد @MHK1_]

أليا حصل من اقرب الناس تقصير
بالطيب جاز وبالردى لاتجازي

[محمـد @MHK1_]

اكبر ثقه قولة مقدر ومكتوب
واعظم قناعاتي ليا قلت خيره

[محمـد @MHK1_]

جعل سيرتنا ليا ذعذعت منها هبوب
من رياحين الثنا والقبول .. مطيبه

[محمـد @MHK1_]

" اتتقّى خلف عقلي ماكشفت اوراقي
العقل شيخ المشاعر والظروف مسفّه "

_ ناصر الحمادين

[محمـد @MHK1_]

ياجعل عينه ماترى فـ الزمن مكروه
تهون الأمور الباقيه . . لا سلم راسه

[محمـد @MHK1_]

عيدكم مبارك
وكل عام وانتم بخير
وتقبل الله منا ومنكم صالح الاعمال

[محمـد @MHK1_]

خل النوايا الطيّبه نصب عينك
من أخلص النيّه لربه توفّق .

[محمـد @MHK1_]

ماينكسر عزمٍ مقرّه على ساس
لو يلحقه من لوعة الوقت خله

[محمـد @MHK1_]

من يزرع الود بـ أرض مالها ساقيّ
يجنى ثمار الجفى في سلة أحزانه.

[محمـد @MHK1_]

لا شان وجه الوقت و الحقني شقاه
ما شان وجهي فـيّ وجيه الطيبين .

[محمـد @MHK1_]

ياليت عيني عن بعض العرب عميا
ولا أشوف شي من الغالين يحزنّي

[محمـد @MHK1_]

من لا يعس الـدرب من قبل ممشاه
يطيح في جمرٍ غطاه الرمادي

ومن لا تركـد بالهـدف قبـل مرمـاه
ترميه ناسٍ رميها بالركادي

[محمـد @MHK1_]

صافح وسامح واترك القال والقيل
خلك نظيف القلب ،، والعمر مره .