وقـاد

جعل جنات الولي داري ودارك .

[وقـاد @MN_qtr9]

شفني على كثر مانيب أعشقك صابر
إلين من قسوة عنادك نحل جسمي

رد الميانه مثل —ماكنت ، أنا خابر
إلى متى والتعامل— بيننا رسمي

لا تستحي كل— ماتشتاق وتكابر
اشّر بيمناك — ولا نادني بسمي "

[وقـاد @MN_qtr9]

كيف الأيام تنصفني من الراحلين
اللي أخذوا شبابي من يدي ورحلو

صاير اشتاق للماضي لو انه حزين
وصاير اخاف حتى من الكلام الحلو ..

[وقـاد @MN_qtr9]

بيني وبين وصالها مثل الشهيق من الزفير
ماتت مشاعر خافقي لوصالها واحييتها

اللي يقول ان الزمان بخير .. ودنيا بخير
يشوف حالي .. كل مامريت شارع بيتها

[وقـاد @MN_qtr9]

ياكل الكلام اللي يجي عقب لو وليت
وش الحل من بالٍ يطرّيك له مده

أنا ماتخيّلت بـحياتي ولا ظنيت
يجي يوم وتصدين والصده الصدّه ..

[وقـاد @MN_qtr9]

كلام العيون . . يبرر الواقع اللي صار
عطاك الزمن عدة خيارات واخترتي

ورحتي وأنا من يوم رحتي غريب أطوار
من الضيق صرت آدور في نفس دايرتي

يا ليت الكلام اللي حبسته ورى الاسوار
مجرد " رسايل عالقة " في .. مذكرتي

على كثر ما كانت ، ليال الوصال قصار
على كثر ، ما كانت " طويلة " بـ ذاكرتي

[وقـاد @MN_qtr9]

حسبي على اللي بيني وبينك يحول
قمنا على حساب المحبه نجامل

حتى لو ان وصلك من الحول للحول
على بقايا الحب للحين صامل

قدرت احبك يوم شفتك على طول
ولا قدرت انساك في عام كامل ):

[وقـاد @MN_qtr9]

وين انت ياللي تسبب غيبتك تكه
ادمنت حبك تقول ادمان متعاطي

ياللي جديلك تلمه فوق ، وتفكه
تقول موج البحر يصفق على الشاطي

لا يدخلك من محاريف الهوى شكه
ويضيعك فالمساري فهمك الخاطي

يحرم علي مثل حرم الصيد في مكه
نسيان من فالمحبه يدمح أغلاطي .

[وقـاد @MN_qtr9]

ياموقد النار فيني رمّدت نارك
وآلفت فرقاك لو جرحك موالفني

يمّمت وجهي من اللهفة على دارك
وأثرك على زلّة الماضي مخالفني

اللي بقى من بقايا الحب مقدارك
أبيه حولي على شان يغفى جفني

يؤسفني إني ما عاد أبرر أعذارك
ويؤسفني إن قلبي المشتاق يؤسفني

[وقـاد @MN_qtr9]

لا تخليني كذا بين ضرس وبين ناب
الظروف تلفّني و الغياب يلفّني

حايرٍ بين التقدم وبين الانسحاب
ردّنني من حفّة البير والا دفني

[وقـاد @MN_qtr9]

احفظ لها قيمة غلاها ، وانتظرها من شمال
واذا نستني .. هذي الدنيا وهذا حالها

امّا اني انساها نسى الله من نسى ذاك القبال
يا صب روحي صب دلتها على فنجالها

- مدغم ابو شيبه

[وقـاد @MN_qtr9]

راح وتركني حزين وقال لا تحزن
ليته تركني حزين وقال تستاهل ..

[وقـاد @MN_qtr9]

خلّيتني للجفا … وأنا ما خلّيتك ..
في كل ليله : تخاشر بالي مخاشر .!

علّقتني في هوى حبك : وحبيتك ..
فجأه تخليني لحالي ( عسى ماشر ) .!

[وقـاد @MN_qtr9]

قلبي اللي اختار حبك على الناس اجمعين
لو خلق له ربي لسان، بالحبّ اعترف

مير يمكن ترضي غرور قلبك كلمتين
لـ بدويٍ غير كلمة "أحبّك" ماعرَف

اما اعيش وحبّنا ماتغيّره السنين
ولا اموت بدون ماجرحك واموت بشرف

- محمد مناور

[وقـاد @MN_qtr9]

من خذا قلبي وتفكيري و خرّب طبعي
لين صرت آدنى مايظهر دمعتي من تالي

لا تغرّه ضحكتي مع آصدقاي و ربعي
عادني ببكي عليه من الوله بـ لحالي

- سعود بن مبارك

[وقـاد @MN_qtr9]

نسيتي حبّنا ؟ ولّا نسيتي نظرة الإعجاب ؟
تذكرتي زمان الطيش ؟ ولّا ما تذكرتي ؟

تلدّين العيون وتسرقين القلب والالباب
ياليتك يوم قالوا لك كبرتي ما تكبرتي

ابطلع من حياتك بسّ دلّيني طريق الباب
بعد ما جارت الدنيا علي وقطّعت كرتي

[وقـاد @MN_qtr9]

استباح الشوق .. نسناس الهوى واحتله
والجروح اللي بقت بعدك من يداويها

و الغياب اللي خذا زولك .. وخلى ظله
ليه يحرمني من عيونك ونفسي فيها ؟

- فهد بن بجاد .

[وقـاد @MN_qtr9]

اللي تعذب في غرامك سنوات
الله يعصمه بـ الهدى والهدايه

مشكلتي ان قلبي رهين البدايات
مهما حصل مايعترف بـ النهاية

-سعود مبارك

[وقـاد @MN_qtr9]

حفظت أماناتك وطيفك , وذكراك
الـي تسـليني ... ليّـا مني أشتقـت

أن كنت مستغرب عشان اتحـراك
حتى أنا مستغرب ، شلون فارقت !

_ سالم حمد

[وقـاد @MN_qtr9]

صحينا مِن الحلم الحقيقي وكنه كذبّ
تشتت " غلاً " وش يجمعه عقب تفريقه ؟

تمرّ الحياه الفانيه . . مال وصله دربّ
و أنا عايشً " ما بين كذبه" و تصديقه

لو إني عرفت أنسى مثل ما عرفت أحبّ
ما حملني القلب الشقي فوق ما طيقه !

_ بندر الدويش

[وقـاد @MN_qtr9]

ياللي لك الشوق لا بعده ولا قبله
الله يسهل طريقك وين ماكنتي

اليوم بعد السحاب اللي انتثر وبله
مباقي من الصباح الفاخر الا انتي .

⁃رفعان العرجاني