الذكريات اللي يلاعبني هواها كل حين
على مرارة قسوة الدنيا ماهيب محلّيه
احس باحساس مْتقلّب لا سعيد ولا حزين
واعيش .. وظروف الحياة معلّيه ومدلّيه
تمرني لحظات آردد: " تالي الدنيا تزين "
وتمرّني لحظات اقول : ان الامور مولّيه
-
أشوفك فالنسيم وفالشجر والغيّم والأطلال
مع إنك غبت لا زال المكان فـ حضرتك آهل
قديم الود وأيام الصبا والحلّ والترحال
أعرفك مثل نظرات الوله في عين متجاهل
تمهّل لا تغافلك الليالي والسنين طوال
أنا للحين أغني في عيونك وأنت تستاهل
•
أفهق قراراتي ، لـ " بكره وبعدين "
و الوقت من يضمن قرارات شرعه !
مات الشغف مدري فقدت الموازين
وش يرجي الفلاح ، لا مات زرعه ؟
صرت متردد ، .. و أكره الأختيارين
مع أن بعض أصوات الأقدار جرعه
لو طاح حظي في يديني و هو زين
عجزت لا أختاره ، و سويت قرعه !