د کور او ښار جوړولو وزارت - وزارت شهرسازی و مسکن

Committed to Social and Economic Growth & Environmental Protection

[د کور او ښار جوړولو وزارت - وزارت شهرسازی و مسکن @MUDH_AF]

د جوزجان ولایت د کور او ښار جوړولو ریاست تخنیکي انجنیرانو د کرنې، اوبو لګولو او مالدارۍ ریاست د دوکانونو د ودانیزې پروژې له روانو چارو څخه څارنه او ارزونه ترسره کړه.
د څارنې پر مهال د یادې پروژې د درېیم پوړ د سلب کانکریټ اچونې بهیر له نږدې وڅارل شو او د کار کیفیت یې وارزول شو.
همداراز د قراردادي شرکت مسؤلینو ته لارښوونه وشوه چې د پروژې ټولې چارې د منظور شوې نقشې، د کار د حجمونو د اټکل، تدارکاتي شرطنامې او انجنیري معیارونو سره سمې پلې کړي.
سربېره پر دې، د پروژې د کیفیت او اغېزمنتیا د لا ښه والي په موخه د څارنې مسؤل انجنیر له لوري لازمې تخنیکي سپارښتنې هم وړاندې شوې

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د رسېدنې ریاست تخنیکي ټیم د کابل ښار د څلورمې ناحیې د کلوله پشته سیمې له بېلابېلو ساحو څخه څارنه ترسره کړه.
یاده څارنه د ښاري تخلفاتو او د ښار د ساحو د کارونې د څرنګوالي د ارزونې په موخه ترسره شوه.
د څارنې پر مهال څرګنده شوه چې په یوه شنه ساحه کې یو شمېر دوکانونه په غیرقانوني ډول جوړ شوي دي، سره له دې چې څو ځلې اړوندو مسؤلینو او مالکینو ته سپارښتنه شوې وه چې خپل قانوني اسناد او مدارک د ارزونې لپاره دې ریاست ته وړاندې کړي، خو هغوی د اسنادو له سپارلو ډډه کړې وه.
له همدې امله یاده ساحه له نږدې وڅېړل شوه او د قانوني اسنادو د نه وړاندې کولو او په شنه ساحه کې د غیرقانوني فعالیتونو د دوام له امله یاد دوکانونه د نظارتي ټیم له لوري مهرولاک شول.
همدارنګه کارګران له ساحې څخه وایستل شول، ودانیز فعالیتونه ودرول شول او د اړوندو مراجعو تر وروستۍ پرېکړې پورې د کار بهیر وځنډول شو.
د یادونې وړ ده چې د ښاري تخلفاتو د مخنیوي دوامداره څارنې د پلان له مخې به دا لړۍ په نورو ناحیو کې هم دوام ولري او د کابل ښار بېلابېلې ساحې به تر پوښښ لاندې راشي.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د مخنیوي ریاست تخنیکي ټیمونو د خپلو دوامداره څارنو په لړ کې د کابل ښار په درېیمه ناحیه کې د یو شمېر ساختماني پروژو ارزونه ترسره کړه.
د دغې څارنې پر مهال هغه ودانۍ او پروژې وکتل شوې چې د ښاري پلانونو، نافذه قوانینو او د ګاونډیانو د حریم د نقض احتمال په کې موجود و.
همداراز د هغو پروژو چارې ودرول شوې چې د نافذه مقرراتو خلاف روانې وې او له یو شمېر مالکینو څخه وغوښتل شول چې خپل قانوني اسناد او جوازونه د اړوندو مراجعو له لارې وړاندې کړي.
د یادې څارنې موخه د ښاري پلانونو سم تطبیق، د ښاري سرغړونو مخنیوی، د ساختماني کیفیت لوړول او د ښاري نظم ټینګښت دی.

[د کور او ښار جوړولو وزارت - وزارت شهرسازی و مسکن @MUDH_AF]

د هلمند ولایت د کور او ښار جوړولو ریاست د ښاري تخلفاتو د مخنیوي تخنیکي ټیم د خپل دوامداره څارنې په لړ کې د لښکرګاه ښار د شپږمې او اوومې ناحیې اړوند له بېلابېلو ساحو څخه نظارت ترسره کړ.
په یاده څارنه کې د نهر سراج مېنې او د مهاجرینو ساحو له ودانیزو پروژو څخه لیدنه وشوه او د ښاري پلانونو د تطبیق وضعیت له نږدې وڅېړل شو.
د نظارت پر مهال له یو شمېر پروژو د مالکینو څخه وغوښتل شول چې خپل رسمي اسناد او د ودانیزو چارو جوازونه د هلمند ولایت د کور او ښار جوړولو ریاست ته د ارزونې لپاره وړاندې کړي، ترڅو د هغوی د قانوني وضعیت په اړه لازمې څېړنې ترسره شي.
د هلمند ولایت د کور او ښار جوړولو ریاست د ښاري تخلفاتو د مخنیوي تخنیکي ټیم ټینګار کوي چې د منظور شویو ښاري پلانونو د تطبیق او د احتمالي سرغړونو د مخنیوي په موخه به په بېلابېلو ناحیو کې د ودانیزو پروژو دوامداره څارنه روانه وي.

[د کور او ښار جوړولو وزارت - وزارت شهرسازی و مسکن @MUDH_AF]

د غور ولایت د کور او ښار جوړولو ریاست د ښاري تخلفاتو د مخنیوي او د پروژو د تطبیق د څارنې عمومي مدیریت تخنیکي ټیم د غور ولایت د مقام اړوند د مېلمستون د ودانیزې پروژې له روانو چارو څخه نظارت ترسره کړ.
د نظارت پر مهال د پروژې بېلابېلې برخې له نږدې وکتل شوې او د ودانیزو چارو عمومي وضعیت د تخنیکي معیارونو له مخې و ارزول شو.
همدارنګه د خښتکارۍ د چارو پرمختګ او د ساختماني فعالیتونو بهیر د منظور شویو نقشو مطابق وڅارل شو.
په ساحه کې د کار د چټکتیا او مؤثریت لپاره د ساختماني موادو لېږد او تنظیم هم تر څارنې لاندې ونیول شو، او اړوند مسؤلینو ته لازمې سپارښتنې وشوې.
د یادونې وړ ده، چې د ودانیزو پروژو د کیفیت د تضمین او د معیاري تطبیق په موخه د نظارت لړۍ په دوامداره توګه روانه ده.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د لابراتوار ریاست تخنیکي ټیم د کابل ښار په صدارت څلورلارې سیمه کې د روغتون د ودانیزو چارو له روان بهیر څخه تخنیکي څارنه ترسره کړه.
د څارنې پر مهال د پروژې په بېلابېلو برخو کې د کانکریټو د اچونې بهیر له نږدې وڅېړل شو، چې په کې د پنځم پوړ د د لومړۍ برخې د موټرو د تمځای ودانۍ بنسټیزې ستنې، د هماغه ودانۍ د پنځم پوړ سلب شامل وو.
تخنیکي ټیم د کانکریټو کیفیت، د انتقال او اچونې طریقه، د مخلوط یوشان جوړښت او د تخنیکي اصولو د رعایت کچه د پروژې د مشخصاتو مطابق وارزوله او د تطبیق بهیر یې له نږدې وڅاره.
همدارنګه د کار د کیفیت د ساتنې او د ودانیزو معیارونو د ښه تطبیق په موخه اړوند اجرایي ټیم ته لازمې تخنیکي سپارښتنې ورکړل شوې.
د ترسره شوې ارزونې له مخې، د کانکریټو د اچونې چارې د تخنیکي نظارت لاندې په منظم ډول روانې دي او د پروژې تطبیقي بهیر د منظور شویو معیارونو مطابق پر مخ وړل کېږي.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د مخنیوي ریاست تخنیکي ټیم د کابل ښار د دولسمې ناحیې اړوند د احمد شاه بابا مینې څخه څارنه ترسره کړه.
د څارنې پر مهال څرګنده شوه چې د دیارلسم بلاک اړوند د څلورمې کوڅې په مسیر کې چې عمومي سرک ته وصل کېږي، د ښاروالۍ له لوري یو لوری تړل شوی او یو شخص ته د فعالیت اجازه ورکړل شوې وه، یاد شخص په دغه مسیر کې د دوکانونو د جوړولو چارې پیل کړې وې او د کوڅې د تګ راتګ لاره یې بنده کړې وه.
یاده ساحه له نږدې وڅېړل شوه او د دوکانونو له مالک څخه لیکلې ژمنه واخیستل شوه، څو د ټاکلې نېټې تر ټاکلي وخت پورې ټول غیرقانوني جوړښتونه تخریب کړي او د کوڅې او سرک مسیر بېرته خپل اصلي حالت ته راوګرځوي او د خلکو د تګ راتګ لپاره یې آزاد کړي.
یاده څارنه د ښاري تخلفاتو د مخنیوي د دوامدار پلان له مخې ترسره شوه او د کابل ښار په نورو ناحیو کې به هم دوام ومومي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د ښاري چارو محترم معین شیخ مدارعلي کریمي بامیاني په مشرۍ، د یاد وزارت د اړوندو ریاستونو استازو او د کابل ښاروالۍ مسؤلینو په ګډه د پنځم مکروریانو د اصلاح شوې نقشې او د دې سیمې د سړکونو په اړه ناسته ترسره کړه.
په دې ناسته کې د موجوده نقشې د ستونزو او نیمګړتیاوو په اړه هر اړخیز بحث او نظرونه تبادله شول.
ټینګار وشو چې په اوسني پلان کې یو شمېر ستونزې او تخنیکي نیمګړتیاوې موجودې دي، نو اړینه ده چې د کور او ښار جوړولو وزارت او کابل ښاروالۍ له لوري داسې مناسب حل وموندل شي چې د خلکو لپاره عام المنفعه، اغېزمن او اوږدمهاله ګټې ولري.
د ناستې ګډونوالو پخوانی او اوسنۍ اصلاح شوې نقشه وکتله او خپل نظرونه او وړاندیزونه یې وړاندې کړل، او ویې ویل چې اساسي هدف باید د افغانستان د ټولو خلکو خدمت وي.
په پای کې پرېکړه وشوه چې یاد پلان به د دواړو اړوندو ادارو د سکتوري مسؤلینو له لوري په دقیق ډول له سره وڅېړل شي، او د کور او ښار جوړولو وزارت او کابل ښاروالۍ د مشرتابه په حضور کې به د وروستۍ پرېکړې لپاره وروستی تصمیم ونیول شي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت په مشرۍ د دایمي مېشتېدنې او د ځمکو د وېش کمېټې، د تیرې یکشنبې په ورځ په پنځو ولایتونو کې ۸۰۶ راستنو شویو مهاجرو کورنیو ته د استوګنیزو ځمکو نمرې ووېشلې.
د دغه وزارت د محترم مشرتابه الحاج مولوي نجیب الله حیات حقاني باور دا دی چې دغه چاره د راستنو شویو مهاجرو د دایمي مېشتېدنې او د ژوند د مناسبو اسانتیاوو د برابرولو په موخه ترسره کېږي.
راستنېدونکو مهاجرو کورنیو ته د استوګنیزو نمرو د وېش په لړ کې دا ځل هم، په ننګرهار، فراه، فاریاب، هلمند او نیمروز ولایتونو کې سلګونه راستنې شوې کورنۍ د استوګنیزو ځمکو له نومرو برخمنې شوې.
په ننګرهار ولایت کې ۳۰۸، فراه ولایت کې ۲۲۲، فاریاب ولایت کې ۱۴۰، هلمند ولایت کې ۷۷ او په نیمروز ولایت کې ۵۹ راستنو شویو مهاجرو کورنیو ته د استوګنیزو ځمکو نمرې ووېشل شوې.
د یادونې وړ ده، چې تر دې مهاله په ټول هېواد کې د استوګنیزو ځمکو د نومرو د وېش شمېر ۴۴ زره او ۹۸۶ کورنیو ته رسېدلی او د راستنو شویو مهاجرو د دایمي مېشتېدنې بهیر په چټک او منظم ډول دوام لري.
د کور او ښار جوړولو وزارت محترم وزیر الحاج مولوي نجیب الله حیات حقاني وایي، د راستنېدونکو هېوادوالو لپاره د سرپناه په موخه د ښارګوټو ډیزاین کول او د هغوی د ټولنیز او اقتصادي ثبات تأمین، له مهمو موخو څخه ګڼل کېږي او هڅې روانې دي چې د ځمکو د وېش او دایمي مېشتېدنې بهیر لا پراخ او ګټور شي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د سروی او جي ای ایس ریاست تخنیکي ټیم له لوري د بلخ ولایت د نهرشاهي ولسوالۍ اړوند د سیاه ‌ګرد په سیمه کې د مهاجرینو د ښارګوټي لپاره د ۱۴۵۲۵ جریبه ځمکې توپوګرافي سروې ترسره شوه.
یاده سروې د عصري بې ‌پیلوټه الوتکې (ډرون) په وسیله ترسره شوې، چې موخه یې د مهاجرینو د استوګنې لپاره د معیاري او منظم ښارګوټي د جوړولو په منظور د تفصیلي پلان د ترتیبولو لپاره د اړینو تخنیکي معلوماتو راټولول دي.
د دې سروې له پایلو څخه به د سیمې د جغرافیایي او تخنیکي ځانګړتیاوو په پام کې نیولو سره د ښارګوټي د پلان جوړونې په بهیر کې استفاده وشي.

[د کور او ښار جوړولو وزارت - وزارت شهرسازی و مسکن @MUDH_AF]

د ښاري تخلفاتو د مخنیوي او د ساختماني پروژو د تطبیق د کنټرول عمومي ریاست اړوند د ښاري تخلفاتو د رسېدنې ریاست تخنیکي ټیم د کابل ښار د څلورمې ناحیې د کلوله پشته سیمې له بېلابېلو ساحو څخه څارنه ترسره کړه.
یاده څارنه د ښاري تخلفاتو او د ښار د ساحو د کارونې د څرنګوالي د ارزونې په موخه ترسره شوه.
د څارنې پر مهال څرګنده شوه چې په یوه شنه ساحه کې یو شمېر دوکانونه په غیرقانوني ډول جوړ شوي دي، سره له دې چې څو ځلې اړوندو مسؤلینو او مالکینو ته سپارښتنه شوې وه چې خپل قانوني اسناد او مدارک د ارزونې لپاره دې ریاست ته وړاندې کړي، خو هغوی د اسنادو له سپارلو ډډه کړې وه.
له همدې امله یاده ساحه له نږدې وڅېړل شوه او د قانوني اسنادو د نه وړاندې کولو او په شنه ساحه کې د غیرقانوني فعالیتونو د دوام له امله یاد دوکانونه د نظارتي ټیم له لوري مهرولاک شول.
همدارنګه کارګران له ساحې څخه وایستل شول، ودانیز فعالیتونه ودرول شول او د اړوندو مراجعو تر وروستۍ پرېکړې پورې د کار بهیر وځنډول شو.
د یادونې وړ ده چې د ښاري تخلفاتو د مخنیوي دوامداره څارنې د پلان له مخې به دا لړۍ په نورو ناحیو کې هم دوام ولري او د کابل ښار بېلابېلې ساحې به تر پوښښ لاندې راشي.

[د کور او ښار جوړولو وزارت - وزارت شهرسازی و مسکن @MUDH_AF]

د کندهار ولایت د کور او ښار جوړولو ریاست د کیفیت د کنټرول او د ښاري تخلفاتو د مخنیوي مدیریت تخنیکي ټیم د ریاست د کندهار ښار د یوولسمې ناحیې اړوند د عینو مېنې ښارګوټي څخه نظارت ترسره کړ.
د نظارت پر مهال څرګنده شوه چې د مرکزي پارک په یوه برخه کې د هوټل د جوړولو چارې او همدارنګه په شنه ساحه کې د یوې درمل جوړونې فابریکې ودانیز کارونه روان وو.
د ښاري اصولو او نافذه مقرراتو د سرغړونې له امله د یادو پروژو ټولې ودانیزې چارې ودرول شوې.
همدارنګه اړوندو ادارو او قراردادي شرکت ته د کار د درولو او د ودانیزو فعالیتونو د ځنډولو په موخه رسمي مکتوبونه واستول شول، ترڅو تر وروستۍ ارزونې او قانوني پرېکړې پورې په ساحه کې هېڅ ډول ساختماني فعالیت تر سره نه شي.

[د کور او ښار جوړولو وزارت - وزارت شهرسازی و مسکن @MUDH_AF]

خبرتیا
د کور او ښار جوړولو وزارت د چارو ادارې عمومي ریاست، د اداري اصلاحاتو او ملکي خدمتونو ریاست، د تعییناتو د آسانتیاوو برابرولو او ولایتونو د چارو د همغږۍ ریاست په همکارۍ، کار وړ اشخاصو ته د سپارلو او یوې سالمې او مسلکي ادارې د رامنځته کولو په موخه، خپل (۲) رتبه (۷) مرکزي خالي بستونه له ۲۴/۰۳/۱۴۰۵ څخه تر ۳۱/۰۳/۱۴۰۵هـ ش کال چې د ۲۸/۱۲/۱۴۴۷ څخه تر ۶/۱/۱۴۴۸ نېټې سره سمون لري اعلانوي.
پۀ شرایطو برابر نوماندان کولای شي، د غوښتنليک فورمه له لاندېني لینک څخه ترلاسه او د ډکولو څخه وروسته د (Pdf) په بڼه چې حجم یې تر (MB ۵) ډېر نه وي، دغه برېښنالیک ([email protected]) ته واستوئ.
همدا راز پۀ شرایطو برابر نوماندان کولای شي د غوښتنلیک فورمه د کور او ښار جوړولو وزارت د کارکوونکو چارو ریاست د استخدام آمریت څخه چې په دریم مکروریان کې د ازادي مطبعه ته مخامخ موقعیت لري، او د اداري اصلاحاتو او ملکي خدمتونو ریاست، د تعییناتو د آسانتیاوو برابرولو او ولایتونو د چارو د همغږۍ ریاست څخه چې په پنځمه ناحیه قرغې سړک، د ښوونې او روزنې پوهنتون څلور لارې او د قمبر څلور لارې ترمنځ د دیوان بېګي درې لارې مخامخ، د ملکي خدمتونو انستیتوت – کابل کې موقعیت لري، ترلاسه او له ډکولو وروسته یې بېرته وسپارئ.
د یادونې وړ ده غوښتونکي دي په یوه بست کې د غوښتنلیک فورمه په هم مهاله توګه په آنلاین او حضوري ډول د استولو څخه ډډه وکړي ترڅو د غوښتنلیکونو له تکرار څخه مخنیوی وشي.
یاددښت: د غوښتنلیک فورمې سره د تابعیت تذکرې، تحصیلي او کاري تجربې اسنادو کاپي وړاندې کول حتمي دي.
------------------
آگهی
وزارت شهر سازی و مسکن به همکاری ریاست فرآهم آوری تسهیلات تعیینات و هماهنګی امور ولایات، ریاست اصلاحات اداری و خدمات ملکی، ریاست عمومی اداره امور به منظور سپردن کار به اهل آن و ایجاد اداره سالم و مسلکی اینک به تعداد (۷) بست رتبه (۲) کمبود مرکزی خویش را از تاریخ ۲۴/ ۰۳/ ۱۴۰۵ الی ۳۱/ ۰۳/۱۴۰۵ مطابق تاریخ ۲۸/۱۲/۱۴۴۷ الی ۶/۱/۱۴۴۸ به اعلان می‌سپارد.
کاندیدان واجد شرایط می توانند فورم درخواستی را از لینک ذیل به دست آورده، بعد از خانه پری به شکل PDFکه حجم آن بیشتر از MB ۵ نباشد به ایمیل آدرس ([email protected]) ارسال نمایند.
همچنان کاندیدان محترم میتوانند فورم کاریابی را بشکل حضوری از آمریت استخدام ریاست امور کارکنان وزارت شهرسازی و مسکن واقع مکروریان سوم مقابل مطبعه آزادی و از ریاست فرآهم آوری تسهیلات تعیینات و هماهنګی امور ولایات ریاست اصلاحات اداری و خدمات ملکی واقع ناحیه پنجم، سرک قرغه، بین چهار راهی پوهنتون تعلیم و تربیه و چهار راهی قمبر، ایستګاه سه راهی دیوان بیګی، انستیتوت خدمات ملکی - کابل اخذ نموده و بعد از خانه پوری دوباره تسلیم نمایند.
قابل ذکر است از ارسال فورم درخواستی به صورت آنلاین و حضوری خوداری نموده تا از تکرار فورم درخواستی در یک بست جلوگیری صورت گیرد.
نوت: ضم نمودن کاپی اسناد تحصیلی، تجربه کاری و تذکرۀ تابعیت با فورم درخواستی حتمی میباشد.
د اړیکو شمېرې: ۰۲۰۲۱۴۳۰۵۸ / د کور او ښار جوړولو وزارت: ۰۷۸۹۶۵۰۵۰۶
د اعلان شویو بستونو د جدول لینک:
https://t.co/gfM1o79IMw
په پي ډي اف ډول د غوښتنلیک فورمې لینک:
https://t.co/UsmRxXqnN2
د ورډ په شکل د غوښتننلیک فورمې لینک:
https://t.co/nuKX58KwAP

[د کور او ښار جوړولو وزارت - وزارت شهرسازی و مسکن @MUDH_AF]

د سرپل ولایت د کور او ښار جوړولو ریاست تخنیکي ټیم د ولایتي روغتون د رغنیزې پروژې له روانو چارو څخه څارنه ترسره کړه.
د څارنې پر مهال څرګنده شوه چې قراردادي شرکت خپلې چارې د منظور شوي پلان او تخنیکي مشخصاتو له مخې په منظم ډول پر مخ وړي دي.
د یادې ودانۍ د نل‌غځونې چارې بشپړې شوې او د رنګمالۍ کارونه هم تر ډېره بریده پای ته رسېدلي دي. دا مهال یوازې د برېښنا اړوند ځینې چارې پاتې دي چې د بشپړېدو په حال کې دي.
همدارنګه د ولایتي روغتون د تشنابونو او اداري خونې د رغنیزو چارو بهیر هم روان دی، چې د نل‌غځونې او رنګمالۍ اړوند کارونه یې بشپړ شوي دي.
د کور او ښار جوړولو ریاست د رغنیزو پروژو د کیفیت د تضمین او معیاري تطبیق په موخه د دوامدارې څارنې پر اهمیت ټینګار کوي.

[د کور او ښار جوړولو وزارت - وزارت شهرسازی و مسکن @MUDH_AF]

د پکتیا ولایت د کور او ښار جوړولو ریاست تخنیکي ټیم د روحاني بابا ولسوالۍ د اداري ودانۍ د ودانیزې پروژې له روانو چارو څخه څارنه ترسره کړه.
د څارنې پر مهال د پروژې په بېلابېلو برخو کې د خشکارۍ، کیندنې او د احاطې د جوړولو چارې روانې وې، چې د تخنیکي ټیم له لوري د کار د کیفیت، پرمختګ او د انجینري معیارونو د رعایت څرنګوالی وارزول شو.
همدارنګه د پروژې د چارو د لا ښه والي او معیاري تطبیق په موخه اړوند تخنیکي پرسونل ته لازمې سپارښتنې وشوې او ټینګار پرې وشو چې ټولې چارې د منظور شویو نقشو، تخنیکي مشخصاتو او انجینري اصولو له مخې ترسره شي.
د کور او ښار جوړولو ریاست د ودانیزو پروژو د کیفیت د تضمین او معیاري تطبیق په موخه د دوامداره څارنې پر اهمیت ټینګار کوي.

[د کور او ښار جوړولو وزارت - وزارت شهرسازی و مسکن @MUDH_AF]

د کور او ښار جوړولو وزارت د سروې او جي ای ایس ریاست تخنیکي او مسلکي ټیم له لوري د بغلان ولایت د ډنډغوري ولسوالۍ اړوند د راستنېدونکو مهاجرینو د ښارګوټي د لومړۍ پراختیايي برخې د توپوګرافي سروې چارې بشپړې شوې.
په یاده سروې کې شاوخوا ۱۱۵۰ جریبه ځمکه تر پوښښ لاندې ونیول شوه، چې موخه یې د راستنېدونکو مهاجرینو لپاره د معیاري او منظم ښارګوټي د جوړولو په پار د تخنیکي معلوماتو راټولول او د اساسي پلان د ترتیب لپاره د لازمې زمینې برابرول دي.
د توپوګرافي سروې له بشپړېدو وروسته به د سیمې د اړتیاوو، تخنیکي معیارونو او ښاري اصولو له مخې د ښارګوټي پلان چمتو شي، ترڅو د یادې سیمې د پراختیا او د استوګنیزو خدمتونو د تنظیم لپاره لازم ګامونه پورته شي.
دغه اقدام د راستنېدونکو هېوادوالو د دایمي مېشتېدنې، د مناسبې سرپناه د برابرولو او د ژوند د بنسټیزو اسانتیاوو د رامنځته کولو په برخه کې مهم ګام بلل کېږي او د مهاجرینو لپاره د معیاري استوګنیزو ښارګوټو د جوړولو بهیر پیاوړی کوي.

[د کور او ښار جوړولو وزارت - وزارت شهرسازی و مسکن @MUDH_AF]

د غزني ولایت د کور او ښار جوړولو ریاست تخنیکي ټیم د غزني تخنیکي پوهنتون اړوند د مسجد شریف د ودانیزې پروژې له روانو چارو څخه څارنه ترسره کړه.
د څارنې پر مهال د مسجد شریف د بنسټیزو پایو د سیخ بندۍ چارې روانې وې، چې د تخنیکي ټیم له لوري یې د کار کیفیت، د انجینري معیارونو رعایت او د پروژې د تطبیق بهیر وارزول شو.
همدارنګه قراردادي شرکت ته لازمې تخنیکي سپارښتنې وشوې او ټینګار پرې وشو چې ټولې ودانیزې چارې د منظور شویو نقشو، تخنیکي مشخصاتو او انجینري اصولو له مخې په معیاري ډول ترسره کړي.
د کور او ښار جوړولو ریاست د پروژو د کیفیت د تضمین او معیاري تطبیق په موخه د دوامداره څارنې پر اهمیت ټینګار کوي.