waحeed

do what you need before you die 😉 life is short 😉
ahly❤
74+20❤

[waحeed @M_w7eed]

صحيح الضحكة غابت بس حسن الظن بالله موجود...

[Ibrahim Cris‎ @HimaCris]

جيرمي دوكو غادر تدريبات بلجيكا بسبب شعوره بإنزعاجات

نفسي أعرف الشيخ اللي محمد هاني بيشتغل معاه

[‏النادي الأهلي @AlAhly]

أليو ديانج 🗣️

كان شرفًا لي ارتداء قميص الأهلي.. شكرًا لكل الجماهير والأهلي سيظل دائمًا في قلبي ❤️🦅

[waحeed @M_w7eed]

مين هيحاسب علي الفضايح دي يا مجلس مأحبن ابن أحبه
يا اوسخ اداره علي مدار التاريخ
#الاهلي
#الخطيب_ضيع_الأهلي

[Ibrahim Cris‎ @HimaCris]

أسهل حاجة في الكورة على الأندية الكبيرة إنك تعمل فرقة وتهد تيم وتعمل غيره عادي، بس الصعب فعلًا إنك تدمر إرث وعادات وتقاليد نادي كبير، وده اللي قدر الخطيب يعمله في الأهلي.

لما تروح بمنتهى الحقارة تحط إيدك في إيد المصري وتجيب منهم لاعب بمزاجك ورضاك عشان تجامل كامل أبو علي صاحبك على حساب جمهور الأهلي.
لما تطلع أجيال ناكرة للجميل بسبب حملات تشويه كنت بتعملها ضد مدربين تاريخيين عدوا على الأهلي وكانوا سبب بقائك على كرسي النادي، ويبقى كل هدفك تشيلهم الإخفاقات وتتصدر أنت المشهد في الإنجازات.
لما تنفرد بالقرارات، وفرقة الكورة ميحصلش فيها صفقة ولا أمر غير منك لوحدك، بعد ما كان بيقعد أساطير في الأهلي قبلك على الترابيزة ويتفقوا على اللي فيه مصلحة الأهلي.
لما تضيع حقوق الأهلي في كل مكان وتخلينا ملطشة للي رايح واللي جاي، بس الدنيا تتقلب لو حد جاب سيرتك أنت.
لما تعمل عقود كارثية مشبوهة وتفتح المجال للكلام عن الذمم المالية لمسؤولين في النادي وتخسرنا ملايين الدولارات.
لما تقعد تتفرج على مدرج الأهلي وهو بيتحول لمسخ وتشارك في كده عشان أنت مستفيد من غياب جمهور الأهلي الحقيقي.

لما تعمل كل ده يبقى أنت ضيعت النادي وإرثه اللي اتبنى في عشرات السنين عشان خاطر نفسك بس.

#الخطيب_ضيع_الأهلي

[Ibrahim Cris‎ @HimaCris]

العويل بعد ما طفش كولر الموسم اللي فات ودفعله 8 شهور شرط جزائي راح جاب كل الصفقات اللي كولر كان عايزها و جاب مدرب باكستاني متوحد محدش يعرفه غير أبوه و أمه وضيع على الأهلي فرصة الصعود للدور التاني في كاس العالم للأندية و ضيع بداية كويسة للموسم في الدوري فراح مشى ريبيرو و رفع علينا قضية في الفيفا و جيه عماد النحاس بسر الدعا والسجدة رجعنا في الموسم تاني يتعظ بقى ويتقي ربنا في النادي اللي عمله ؟ لأ ده عمل مسرحية التنحي عشان الناس تقوله كمل يا بيبو راح مكمل و جاب مدرب عمله عقد فضيحة قاعد في النادي يخسرنا بطولات و يفشخ الفرقة ويروح يصيف ويقبض لأ ودلوقتي بعد ما ضيع الكاس و أفريقيا و الدوري و هودينا كونفدرالية لو لحقناها بيقولك الشرط بتاعه مينفعش يمشي غير أول الموسم ,, عقد ثوروب ده المفروض كل اللي شارك فيه يتحبس مش يمشي بس لأنه أكبر الفضايح الإدارية في تاريخ الأهلي و ما أكثرها في عهد العويل

[Ibrahim Cris‎ @HimaCris]

بس عاجبني في حوده أنه لقى الموسم خربان راح ملبس ياسين وسيد في البيانات الرسمية قدام الجمهور و سابلهم خازوق عقد ثوروب و قضاها حفلات فطار وسحور و أفراح و طهور و لما فرقة سيدات ١٤ سنة تكسب ماتش بالية مائي يقولك الخطيب يهنيء هناء و شيرين بالبطولة

[Omar Ashraf @omarashraf90]

يعني محمد شريف نسي الكورة شكلها إيه من قلة اللعب وعايز يلعب كورة على الطاير.. فلازم يبقى خميس كاكا

[Omar Ashraf @omarashraf90]

إحنا مشوطناش شوطة حتى نحطها بالأبيض والاسود على فيديو تيك توك ونكتب ياااااه على الكورة لما تديك ضهرها

[Omar Ashraf @omarashraf90]

والله ياطاهر يعني كتر خيرك.. حقيقي ربنا يجبر بخاطرك 😂

[KARIM @karim_alharby]

خلي بالك علشان أكبر نعمة بتنساها وإنت بتقريف من ضغط الشغل .. إن ربنا عافاك من قهر اللي بيدور على الشغل الفترة دي. الظروف صعبة عالكل فهونها تهون.

[‏أنا كبهير أنبهرت @alyelbassel]

الشاب عنده 35 سنة، شغال سواق، كان عايش "بطوله" في الدنيا من 15 سنة بعد ما أبوه وأمه اتوفوا و دخل ف حاله نفسيه صعبه بعدهم

مكنش ليه حد، والوحدة نهشت فيه.. كان بيهرب من وجعه بالقعاد على كوبري المظلات بالساعات عشان يصطاد، بس الحقيقة إنه كان بيحاول يصطاد شوية "راحة بال" وسط الزحمة اللي في قلبه.

في الآخر، الوحدة والتعب النفسي غلبوه، ومقدرش يكمل المواجهة لوحده، فقرر ينــ،،، هي حياته من فوق نفس الكوبري اللي كان بيصطاد من عليه.

الوحدة صعبة، والسكوت كان أتقل من إنه يتحمله.

ربنا يرحمه ويغفر له.. وساعات بتبقى "كلمة حلوة" أو "سؤال بسيط" على حد وحيد هي اللي بتخليه يتمسك بالحياة، خدوا بالكم من بعض.

[Ibrahim Cris‎ @HimaCris]

حتى نقيب الإعلاميين طلع زملكاوي ؟ أحنا إزاي غفلناهم في ٤٥ دوري

[‏النادي الأهلي @AlAhly]

توجيه الشكر للجان التخطيط والاسكاوتنج والتعاقدات 🔴

[Ibrahim Cris‎ @HimaCris]

رحيل أسامة هلال و إدارة الاسكاوتنج بشكل كامل وتوجيه الشكر لمختار مختار و زكريا ناصف مع إلغاء لجنة التخطيط في الأهلي

[Ibrahim Cris‎ @HimaCris]

الأهلي بيتحول لنادي مخصي بقاله فترة و ده جاي من العويل اللي فوق
هتلاقي كله بيستخبى وقت الخسارة و بيظهر وقت المكسب
هتلاقي النادي حقوقه بضيع في كل مكان برة و جوه و بينزل شوية بيانات عبيطة لتهدئة الجمهور و بتترمي في أقرب زبالة
هتلاقي مدرج محكوم بهتافات معينة متكررة عشان تضمن استمرار العويل في مكانه
فكرة أن الأهلي يخسر ٣ ماتشات ورا بعض من فرقة زي طلائع الجيش و الترجي العيان ياخدك رايح جاي وتلاقي كله مستسلم للأمر الواقع عادي والناس كانت متوقعة الخروج ده من توابع الاخصاء اللي حصل للأهلي

[waحeed @M_w7eed]

خروج يليق بالعك اللي بيحصل
من ادارة وجهاز فني ولعيبه مقرفه وتصرفات الجمهور في ماتش الذهاب اتمني البيان المقرف اللي بينزل بعد كل فضيحه يا عالم يا وسخه من كبيركم لصغيركم يكون فيه رحيل مجلس الإدارة بالكامل وتتحملو الشروط الجزائيه بتاعت السباكين اللي بتجيبوهم يدربو دول
#الاهلي

[shenawy @shno74]

محمد بركات : فيه موسم ف الدوري كنت انا وابو تريكه أد بعض ف الاهداف وبننافس علي هداف الدوري المهم كنا بنلاعب انبي وجت ضربه جزاء والمتخصص الاول عمك ابو تريكه دخل سجلها جول وبقا أزيد مني وانا طول الماتش مش راضي اباصيله عاوز اسجل انا كمان وربنا رزق وجيت مسجل جول وبقينا أد بعض والماتش قرب يخلص قولت الحمد لله انا راضي

جه الحكم سمير عثمان حسب ضربه جزاء لابو تريكه ف اخر دقيقه وجيت رايح كده بيني وبينه وقولتله علي فكره الكوره من بره ياكابتن وبحاول اقنع فيه انها بره احنا كسبانين 3 مش محتاجينها المهم حسبها جيت رايح لجوزيه قولتله ابو تريكه بيقولك خليني انا اشوطها جه موافق وقال بركات اللي يشوطها وانا واقف بضحك وماسك الكوره خلاص هبقي هداف الدوري ونجم الموسم

دخلت اشوطها لقيت الحارس نط ع الكوره وصدها ورجعت لعمك ابو تريكه كمل عليها وسجلها جول وبقي هداف الدوري وجري يحتفل وانا من الصدمه روحت قولت للحكم اوفسايد ياكابتن سمير😂😂😂😂😂😂😂😂😂😂😂😂😂😂😂😂😂😂

[Ibrahim Cris‎ @HimaCris]

ال ٧ بطولات أفريقيا اللي بيفتخر بيهم المصريين جابهم اللاعيبة المحلية بدراعهم قدام عتاولة زي أيتو و دروجبا و أسامواه جيان في عز مجدهم من ساعة ما عرفنا طريق المحترف الفشيخ وبقينا ندافع ونعتمد عليه قدام مشوفناش بطولة

[Ibrahim Cris‎ @HimaCris]

اللاعيبة المحليين مبوظين المنتخب خالث