ميثم الحمدي

(الحياة حرب. حرب مع نفسك، وحرب مع ظروفك، وحرب مع الحمقى الذين خلقوا هذه الظروف)

[ميثم الحمدي @MaithamAlRasid]

إي صحيح غدر سبايكر كشف لنا
حقيقتهم وشلون((( احتضنوا )))
ولدنا ورحبوا
بيهم بالورود…
والله يا دوني
لو يرجع بيهم الوكت والله العظيم
هاي التوثية اللي بإيدك
يخلوها بيك …

[ميثم الحمدي @MaithamAlRasid]

هي اخر الخيوط في مقتل
أحمد العلواني….. ؟

[ميثم الحمدي @MaithamAlRasid]

الشماغ موروث نحترمه لكن هيبة العراق لا تصان بالعنتريات ولا كرامة أهله بالشحن الطائفي وضجيج الإعلام الأصفر
وأنت تتابع هذا الخطاب تصل إلى قناعة بأن أصحابه لا يعنيهم نسيج اجتماعي ولا سلم أهلي بل يتربصون بكل حادثة ليحولوا وجع الناس إلى وقود للكراهية وكأن البلد يحتمل المزيد من الحرائق
وحين يغيب القانون وتفلت أصوات التحريض من المحاسبة يصبح استقرار العراق رهينة بيد تجار الفتنة فكيف يستقر بلد يترك لمن يشعل النار حرية العبث ثم يطالب الناس وحدهم بإطفائها؟

[ميثم الحمدي @MaithamAlRasid]

والله وأنا أتابع الأحداث يعتصر قلبي الألم
قوات ضحت وقدمت دماء ثم يكون جزاؤها الشيطنة والتخوين وإلصاق أبشع التهم بها بلا دليل ملموس

ألم يحسب من أوصل الأمور إلى هنا عواقب التصادم لا سامح الله بين أبناء المذهب الواحد؟
ألم يفكر أن نقل الخلاف إلى الشارع قد يفتح بابا للفتنة ويبدد القوة ويمزق الصف ويضيع البوصلة؟

أقولها للإخوة من قلب محب وموجوع
اتركوا هذه الأرض وانسحبوا حفاظا على دمائكم ودرءا للفتنة
فبعض من ضحيتم لأجلهم قابل الوفاء بالجحود والتضحيات بالتشويه
ومؤلم أن يستمر نزفكم فيما يستمر غيركم بالتسقيط والطعن بكم

دماؤكم غالية وليس من العدل أن تدفعوا الثمن في الميدان ثم تدفعوه مرة أخرى في سمعتكم وكرامتكم

[ميثم الحمدي @MaithamAlRasid]

سوزان منصور تعلق على مقتل أحمد العلواني:
أكو موت يرفع الراس وأكو موت
ينزّل الراس…. .

[ميثم الحمدي @MaithamAlRasid]

الخبير الأمني أبو رغيف يتناول شخصية العلواني بالتفصيل ويصفها بأنها
شخصية جدلية

[ميثم الحمدي @MaithamAlRasid]

جدل حاد بين عصام حسين
والداااعشي عبد القادر النايل
النايل: ندعو الأمن الوطني لاتخاذ الاجراءات ضد عصام حسين…
حسين يرد: خطابات احمد العلواني ضد المكون مصورة…عبد القادر النايل داااااعشي وتاريخه لا يختلف عن العلواني…

[ميثم الحمدي @MaithamAlRasid]

يا أيها الطائفيون المتطفلون كربلاء أعظم من أن تجعلوها عكازا لخطابكم المفلس ودم الحسين أقدس من أن تستعيروه لتسويق اتهاماتكم وتصفية حساباتكم
من يملك دليلا يقدمه ومن يعجز عنه يختبئ خلف التاريخ ويحمّل طائفة كاملة جريمة لم يثبت مرتكبها
استحوا من كربلاء فالحسين واجه الظلم وأنتم توظفون اسمه لظلم الأبرياء

[ميثم الحمدي @MaithamAlRasid]

حسب رواية زوجته اللي اتصل بصاحبكم وطلب منه السفر واحد من جماعتك فليش تقفز فوق هالكلام وتوزع اتهاماتك على كيفك؟ وقبل ما تظهر نتائج التحقيق بديت بالسب والشتم وتصيح للعشائر تنتفض… تنتفض على منو وبأي دليل يا محراث الفتنة؟
دم "المرحوم" مو حطب لنارك وأبناء العشائر مو وقود لتصفية حساباتك. تريد الحقيقة لو تريد جنازة تفتح بيها باب اقتتال؟
نطالب الجهات الأمنية بتوثيق هذا الخطاب ومحاسبة صاحبه وفق القانون. البلد مو ساحة لأحقادك وأرواح الناس مو ثمن لشهرتك.

[ميثم الحمدي @MaithamAlRasid]

امرأة تناشد الدولة تحميها من عصابة. شنو ذنبها حتى تعيش بهالخوف؟ حماية الفقير واجب الدولة، وحقّه ما يتوقف على تدخّل السيد أو غيره. طبّقوا القانون على الكل وحاسبوا اللي روّعوها، مهما كانت أسماؤهم ومناصبهم.

[ميثم الحمدي @MaithamAlRasid]

من الثول والارتباك ضربوا ثلاث طيارات أمريكية بالغلط وهذا طالع يفتخر ويگول طيحناهن لأن اخترقن السيادة. ههههههه حتى من تخربطون تسووها بطولة!

[ميثم الحمدي @MaithamAlRasid]

إي والله لعنة على كلمن احتواهم
وقربهم وساعدهم ومكنهم
وعطاهم قيمة وجاملهم على حساب
كرامة العراقيين.

[ميثم الحمدي @MaithamAlRasid]

نعم نختلف معه ببعض الإجراءات التي نراها ظالمة بحق إخوتنا ونطالبه بتصحيح الخطأ وإنصاف الجميع حتى نستطيع أن نقف معه ونسانده في أداء مهامه فالمساندة تحتاج إلى عدالة وإجراءات لا تحكمها المجاملات والمحاباة والقانون يجب أن يطبق على الجميع دون استثناء

أما موقفه اليوم تجاه الدول العربية وإن جاء متأخرا فهو مهم للغاية وعسى أن يدفعها إلى مراجعة حساباتها وإن رفضت فالتعامل بالمثل يجب أن يكون موقفنا الواضح

[ميثم الحمدي @MaithamAlRasid]

يبدو أن الأمور دخلت بأزمة مفتوحة وتطورات خطيرة بين سحب القوات والتلويح بتعيين مسؤولين مقابل كل منصب يفرضه الطرف الآخر
هذا التصعيد يوحي بأن الخلاف يتجه نحو انقسام إداري وسياسي أعمق وقد يمهد لانفصال فعلي بين مناطق نفوذ الطرفين إذا استمر كل طرف بفرض قراراته

[ميثم الحمدي @MaithamAlRasid]

أكثر من 400 ألف توقيع ضد حليف إسرائيل.. مارك روفالو يقود حملة لمنع حكيم جيفريز من رئاسة الكونغرس

[ميثم الحمدي @MaithamAlRasid]

بحسب التقديرات المتداولة بلغت إيرادات تذاكر حفل ماجد المهندس في بغداد نحو 40 مليار دينار خلال ساعتين فقط أمام جمهور قيل إن عدده بلغ 100 ألف شخص.
ساعتان فقط.
مؤلم أن تقرأ عن تذكرة لحفل في بغداد يصل سعرها إلى أربعمئة ألف دينار وتفكر في أم تحسب ما بقي معها لشراء دواء طفلها وفي طالب يقضي شتاءه في صف يتسرب إليه المطر وفي شاب يؤجل زواجه سنة بعد أخرى لأنه لا يقدر على إيجار بيت.

كم مريضا كان يمكن أن نخفف عنه لو تكفلنا بعلاجه؟
وكم طفلا كان يمكن أن نوفر له مدرسة تليق به؟
وكم عائلة كان يمكن أن نرفع عنها هم الإيجار ولو لشهر واحد؟

في بلد يعلمنا دينه أن نسأل عن حال جارنا يحزنني أن تضطر عائلة إلى نشر صورة طفلها المريض حتى تجد من يساعدها في ثمن العلاج. والأشد وجعا أن تمر مناشدتها أمام أعيننا ونمضي.

حسبنا الله ونعم الوكيل.

[ميثم الحمدي @MaithamAlRasid]

عمي يا أهل الديوانية ويا أهل الكوت شبيكم على الشيوعي حامد جلوب صبي فخري كريم؟ خلوه يكمل التحليل… بعده ما گال شلون العراقيين خسروا ترامب وهو ولا واحد منهم صوت بأميركا.. ههههه

[ميثم الحمدي @MaithamAlRasid]

رئيس حكومة أونتاريو من كندا يگول ما أگدر أكون أسعد من هيچ
وجماعتنا بعدهم يستكثرون على العراقي يفرح بخسارة حزب ترامب…
عمي هذا بكل بلد خلى ناس تتمنى أحد يحد من تهوره. يوم رسوم ويوم تهديد ويوم حرب وبعدين تستغربون ليش الناس فرحانة؟ شتريدون يعني نفتح دفتر عزاء على قبعتكم الحمرة؟

[ميثم الحمدي @MaithamAlRasid]

بعد ما نشر هذا الشخص المقطع اللي ظهر بيه الطفل وصارت اعتراضات على محتواه وعلى حركة اليد توقعنا الجهات المعنية تراجع ظروف التصوير والنشر وتحاسب إذا ثبتت مخالفة.

اللي شفناه بعدها إنه دخل مكتب وزير الداخلية وبعده مكتب وزير الدفاع. ووصلت الحفاوة لدرجة إنه طلب من الوزير يوقف يمه للصورة والوزير وقف.

هذا الشخص ما عنده منصب رسمي. منو سهل دخوله لمكتبين وزاريين وعلى أي أساس؟ اللي يرتب هالاستقبال يعرف زين شنو توحي بيه صورة وحدة ويا وزير. الناس راح تقراها على إنها دليل نفوذ.

جربوا خلوا مواطن عنده شكوى يجي للوزارة بلا واسطة وبلا كاميرا. يگدر يوصل للوزير ويحچي عن شكواه خمس دقايق لو يرجع من الباب؟

يا مسؤولين الدولة إذا صاحب الشكوى يرجع من الباب وصاحب الكاميرا يوصل لمكتب الوزير فإنتو بإيدكم تقللون من قيمة المنصب وتخلون طريقة إدارتكم إله مادة للسخرية. راجعوا هالنهج واحترموا المناصب اللي تتولونها. هيبة الدولة تبدي من تصرفاتكم ومن طريقة تعاملكم ويا المواطن اللي يطرق بابكم.

[ميثم الحمدي @MaithamAlRasid]

ولك وين المحتفلين بفوز الديمقراطيين؟ دلينا عليهم خل نشوفهم. هو كل واحد ضحك على خسارة حزب ترامب صار مؤيد للديمقراطيين؟
هواي ناس بأوروبا وأمريكا الجنوبية ارتاحوا لخسارة حزب ترامب بسبب سياساته بالحروب وقراراته بالرسوم الجمركية وتهديداته وتصريحاته عن ضم أراض تابعة لدول ثانية. وفوق هذا كله أسلوبه بالتنمر على شعوب وإهانتها ووصف بلدانها بالقذرة.
وبخصوص بايدن الناس تتذكر شصار بغزة ولبنان وأوكرانيا خلال عهده. الارتياح لخسارة حزب ترامب ما يعني تأييد بايدن أو سياساته.
وبعدين ليش كل هالعصبية على العراقيين؟ هم علقوا على النتيجة والناخب الأمريكي هو اللي صوت. إذا زعلان من النتيجة عاتب الناخب الأمريكي… لو هو هم صار من محور المقاومة؟ 😎