ابومشعـل

[أ.د سلطان بن بدير العتيبي @aboalwaled10]

قل ما شئت في الدنيا !
وستكتشف في الآخرة نوع قولك ؛
أعدلٌ هو أم ظلم ؟!
وعند الله تجتمعُ الخصومُ .

[العوازم من عتيبه @awazm_com]

يالله بدعوة مؤمنٍ مستجابه
ياللي شفيت أيوب تشفي أبو ذيب

فيصل من أغلى ربعنا والقرابه
يشفيه ربٍ يعلم السر والغيب

والطيب هو وراعيه فـ اول شبابه
فيه السخاء والدين راعِ التراحيب

ركن الشمال وركن ربعه عتابه
ترفع له الراية بعال المراقيب

كلمات : ضبيان بن وصل الله بن مسفر

[ناحي بن عساف بن محيا 🇸🇦 @nahimuhaya]

ايها الاخوة من رواه ومؤرخين وكتاب من قبيلة عتيبه تاريخ عتيبة معروف في الماضي والحاضر ليس بحاجة الى مزايدات ومهاترات بمنصة اكس ومواقع التواصل الاخرى شيوخها معروفين عند ولاة الامر ويحضون بالتقدير والاحترام وعلو المكانه لديهم حفظهم الله والجميع من شيوخ واعيان وافراد هذه القبيلة العريقه وسائر القبائل بمملكتنا الغالية في اعناقهم بيعة لولاة امرهم وولائهم لهم الى ان يرث الله الارض ومن عليها فاتركوا عنكم اثارة النعرات القبلية المقيته وعليكم التكاتف والتواد والعمل الجاد لمافيه خدمة دينكم ثم مليككم ووطنكم واحسنوا العلاقات بينكم سخروا اقلامك للدفاع عن وطنكم فوالله لن تغيرو من التاريخ شي ولن تجدوا من هذه المهاترات الا البغضاء والكراهية واسأل الله لنا ولكم الهداية وان يغير الاحوال لماهو احسن ولكم مني جميعا كل التقدير والاحترام .

[عبدالله الطلحي الهذلي @talhi_abdullah]

ٰ
اذا عرفت اللي يناسبك سوه
لاتستشير الا .. بشيٍ محيّرك

الناس كلٍ له مزاجه ، وجوه
هذا يحول بك ، وهذا يطيٌرك

#عبدالله_الطلحي

[عبدالرحمن بن مساعد بن عبدالعزيز🇸🇦 @abdulrahman]

أبيات من أجمل ما قيل في الكرم ،والرائج أنها لأبي تمام وينسبها كُثر لأبي بكر الشبلي ..

تعوَّدَ بسط الكفِّ حتى لو انّهُ

ثناها لقبضٍ لم تُطِعْهُ أنامِلُهْ

ترَاهُ إذا ما جئتَهُ متهللًا

كأنَّك تُعطيهِ الذي أنتَ آمِلُهْ

هو البحرُ من أيّ النواحي أتيتَهُ

فلُجّتُهُ المعروفُ والجودُ ساحِلُهْ

ولو لم يكن في كفِّهِ غيرُ رُوحِهِ

لجاد بها فليتقِّ اللهَ سائلُهْ

[اخو هيا-عبدالله بن جنيدب @jenaideb]

ودك تمرجل والمراجل صعيبه ..
اصعب على الكسلان من قومة الصبح ..

الذيب لا منه عوى يندريبه ..
والكلب ينبح لين انه يتعب من النبح ..

سامع يا #السربوت_صحفي_الغفلة
يا #همل_الجبل

[فهد شارع @39fahd]

هذا الصحيح ان كان تبغون الصحيح
وفى الشعر ماهمه كبير ولا صغير

[لافي الغيداني @lafihmud]

لولاي فبيوت القصيد اتسلا
واضحي اسج مع المغاتير وعصير

يجوز عن بعض الامور اتخلا
واقصر قدم رجلي كرامه وتقدير

ماكل من رحب بوجهك وهلا
صادق معك وبداخله يضمر الخير

عزالله ان اكثر هل الطيب ولا
راحت بهم دنيا الفنا والمقادير

قامو يقلون الرجال الاجلا
شواربً كفو الشحم والمباهير

اللي وحدهم لانخيته تجلا
ومنك يتعذر لو ماجا منه تقصير

كم صاحبً تكفى نطحها بكلا
ولاقاني العلبه سليل المناعير

اقفى ماكنه من رجالً تعلا
في كل علمً زين روس الشناضير

واليا ذكرت اللي عليه اتصلا
ان اخرتها تطير في هالمعاصير

بالعزم والصبر الجميل اتحلا
واحاول القى لخطاء الاصحاب تبرير

من طاب طبنا معه لاوالله الا
وماراح ماتعبنا وراه المداوير

[لافي الغيداني @lafihmud]

انا اعتبر نفسي هنا بالنيابه
عن حرب ربعي بني سالم ومسروح

سلام يالهيلا قبيلة عتابه
سلامً اسوقه من الروح للروح

الطيب ياعتيبه لبستو ثيابه
حقايقً ماهي بقاويل ومزوح

تدرون من أولى لبعض في شبابه
برقا وروق وبني سالم ومسروح

[عبدالله الطلحي الهذلي @talhi_abdullah]

#بس_حبيت_أقول
انت ويش انت ؟ يوم انك تنمر
ترفع الصوت .. وتهاجـم وطنا

صار ودك .. على اسيادك تأمر
وانت مسيود .. والأسياد حـنا

عيش واقعك واصبر .. لاتذمر
من تذمـر .. من الواقـع .. تعـنا

من يعمّـر لك .. البيت المـدمر
يوم .. شفت الهمل .. منا ومنا

حطو اسمك على الباب المسمر
واقتنعت انك .. استغنيت عنا

رحـت ترقب حطبهم يوم جمر
لين رمٌـد .. وقلبـــك .. ماتهــنا

يوم حصلت لك .. قرصٍ مقمر
جيت تبغى العسل والسمن منا

تدري انا .. هل الجيش المضمر
سعد عين الدخـيل .. اليا زبنا

#عبدالله_الطلحي

[بندر بن رشيد الزلامي @Bandar_alzlami]

#رشيد_الزلامي
اللهم أرحم والدي و أسكنه فسيح جناتك

لا تنسونه أحبتي من صالح الدعاء ...

[قروب اشعار @aShi3ar]

استروهن لا تلومون الشباب
مشيهن بالسوق بالمكسي خطاء

من وراء مفتوح لـ السيقان باب
والنحر مفتوح ما فوقه غطاء

استروا عوراتكم يا اهل الثياب
وارفعوهن فوق عن درب الوطاء

اعقدوا لـ العز نيّه واحتساب
وعالجوا جرحٍ بواقعنا سطاء

لا تخلطون الشياه مع الذياب
افرقوعن لا يصيرن اخلطاء

قلت رايي يا عزيزين الجناب
وادري ان الراي فيه اخذ وعطاء .

[ناصر 🎖 @4HF_B1]

ــقحـ ـاب التواصل الاجتماعي‼️…

رأيك بطرح المستشار/يحيى الشهراني/الدائر حول قحاب ومخانيث التواصل الاجتماعي اليوم وفي عهد النبوة؟‼️…

[ابراهيم بن عطاالله @ibharbi]

تعبت واتعبت فكري في تفاكيره
اللي لها داعي واللي مالها داعي

اللي لها في جليل الملك تذكيره
في تالي الليل يوم الناس هجاعي

من ضاع له شي لو كثرت تحاسيره
قد قيل مايحيي الميت بكاء الناعي

يامل قلب تقل في داخله نيره
مافيه عرقٍ متين وغض ماماعي

امسى مثل وادي خضراء نواويره
واصبح مثل وادي مافيه مرباعي

حطيتني يازمان الغدر في حيره
ضيعتني بين مدخالي ومطلاعي

الهم دقيت في كبدي مساميره
سم الافاعي تجرعني تجراعي

الغيب لغز ولا يعلم بتفسيره
ياكود من ترقد العالم وهو واعي

الملك بـ يدين راع الملك تدبيره
مايملكه لاملك دوله ولا راعي

ربي وانا ارجيه ما ارجي واحد غيره
هو الذي في يده تحسين الاوضاعي

يالعبد لو طرت مالك عن مقاديره
إليا نوى شي ماله عنه مناعي

لو تشلق الثوب من ذيله لـ أزاريره
ولا تقطّع من الفرحة تقطاعي

الوقت لابد له ضحكة وتكشيره
متعرض للتقلب والتزعزاعي

اسري مع الليل من ديره الى ديره
وإلى اصبح الصبح ضعت وضاع مرماعي

ألعب بشعر النبط وأوزن معاييره
وزن الذهب بين متسوق وبياعي

والصعب ماهو عليّه صعب تصخيره
إليا بغيته يطيع يصير مطواعي

واليوم كثروا على الساحه مغاويره
كلٍ ركب له جواد وجاك فزاعي

مافيه عدٍ يعرفون العرب بيره
الا بجنبه ثمانين الف نباعي

وكل لحاله تصفق له جماهيره
ياكثر صفق الكفوف وطق الاصباعي

لو يابس السدر ماعاشت عصافيره
تصرعت قبل مايابس تصراعي

كلٍ يقيَم وقدره مثل تقديره
الحج لله واجر الحج للساعي

وكل يحاسب على مبلغ فواتيره
والخام بالياردة والكيل بالصاعي

لو البضايع تباع بدون تسعيره
مايمرح الفقر في مخباة طماعي

عبد الله بن زويبن الحربي

[معكاز شعر @M3kkaz]

افهم كلام الصح مني وانا ابوك
نصيحتي علم بها كل من جاك

نصيحةٍ مني وعلم بها اخوك
لا ترتخي يسراك عن زند يمناك

الناس وان شافوا معك مال هابوك
وان سولفوا زادوك من شان دنياك

وان صرت مقلولٍ تعدوا وخلوك
لا ينوكل زادك ولا ينشرب ماك

وان جتك زلة من رفيقك وانا ابوك
ادمح له الزله ولا تفرح اعداك

وان لحقت القصيه ترا منت مشبوك
ابعد عن قربت رفيقك ليا اذاك

وان جاك رجالٍ من القل مصكوك
شايب وابو عيله لبيتك تنصاك

عطه عطاك الله من الخير وارجوك
لا تساله عن كلمةٍ جاك وش جاك

ابي ليا عدوا هل الطيب عدوك
عدوك من عرض النشاما وشرواك

ولا ينفعك بالقل لـ ابن ولا اخوك
وش عاد لو إنه عن العيب يدراك

ولا عاد ماتعطيك ايدك من البوك
يبي يتكاثر منك من قام واعطاك .

[عبدالله الطلحي الهذلي @talhi_abdullah]

#المغرد_السعودي
لابد للحق .. من صوتٍ رصين
عالي يحافظ عليه من الضياع

لولا .. زئير الاسود من العرين
كان العرين .. استحلته الضباع

#عبدالله_الطلحي