هُنا مسّهار

[هُنا مسّهار @Masharr0]

المحتوى قائم على:
" الأحساس الشعريّ اللي مايباع ولا ينشرى "

[هُنا مسّهار @Masharr0]

على حروة بكاء وتنهيده وغصَّه وضيقة بال
وعلى رجوى الرحاب تمر صدري كل فجريه

تمر سنين من عمري وأنا في وحشه الترحال
أخاف من التعلق والقسى والدمع والكيّه

يعذبني شعور إن شعور أحيان ما ينقال
وشعور إني على وعر الطريق أحيان منسيّه

[هُنا مسّهار @Masharr0]

اليأس جريمه ، والتسليم للواقع خيانة للفكر ، وما خُلق الانسان إلا ليثور على ما لا يقبله عقله .

[هُنا مسّهار @Masharr0]

وأنا الإنسان وأبقى إنسان قبل أدل والا أضيع
أحس وكل حس أحس به يرجع لي إنتاجه

عميقات الرسايل مايجي من تحتها توقيع
عط الإنسان وجهٍ غير وجهه ويقدر يواجه

شعور المقتدر لا من بغى حاجة ماهي للبيع
تراه العن من شعور الفقير الي يبي الحاجة

[هُنا مسّهار @Masharr0]

سلاوي خاطري نطح الهبايب عقب ذب الريع
وأنا أدور سلاوي خاطري ما أدور ازعاجه

مخلي من وراي أحلامي الواجد بلا توديع
بعض الأحلام ماهي في الصحيح وشرح ابن ماجه

حصص الايام بعد التجربه والحفظ والتسميع
تهول رحمتك ياللي بيدك الضيق وافراجة ؟

[هُنا مسّهار @Masharr0]

يا ربي اسألك . . المعونه والثبات
على الظروف اللي ، تجي متراميه

واسالك عفو ومغفره قبل الممات
تنجيني من نار ، العذاب الحاميه

ما عاد عندي قدره ، ألم الشتات
رغم ان عيوني من سنه متعاميه

و مهما تصد العين لا زال السكات
ما يقدر يداوي ، الجروح الداميه !

[هُنا مسّهار @Masharr0]

عن مناوي غاية النفس تقنعك السنين
ماصفت عوج الليالي ولا دامت لحد

[هُنا مسّهار @Masharr0]

عين الطموح تشوف فالعثره فرص
وعين اليؤوس تشوف فالفرصه كمين

[هُنا مسّهار @Masharr0]

يا عسى كل سنيني واعيادي بقربك 🤍

[سعود @sud1iii]

على كثر الوعي ضاع الكلام وعجزت اقول
وعلى كثر الفهم مدري وش هي معاناتي

اعيش بنصي الواقف واخبي نصي المقتول
وابين ضحكتي للناس واخفي خلفها آهاتي

ادور في زوايا الامس مير الدرب لي مجهول
يطول الصمت في بالي وتكبر بي متاهاتي

سألت الليل عن همي ومن اللي بالوجع مسؤول
أنا الجاني والا الوقت والا كذب هقواتي

[هُنا مسّهار @Masharr0]

الايام ممزوج صفاها بتكدير
والله كريم ورحمته مرتجيها

[هُنا مسّهار @Masharr0]

تساؤلات صباحيه بصوت ماجد .

[هُنا مسّهار @Masharr0]

جعل ربي ما يجردني من شعور القناعه
يا كثر ما فاتتني فرصة عمر و اقول خیره

[هُنا مسّهار @Masharr0]

ما أنساك والله لو يتمّر نخل بيش
ويعود للسنّه حياة الخميني

[هُنا مسّهار @Masharr0]

الذكريات اللي يلاعبني هواها كل حين
على مرارة قسوة الدنيا ماهيب محلّيه

أحس بأحساس متقلب لا سعيد ولا حزين
و أعيش و ظروف الحياة معليه و مدليه

تمرني لحظات أردد تالي الدنيا تزين
و تمرني لحظات أقول إن الأمور مولّيه

[هُنا مسّهار @Masharr0]

يعمّ الهُدوء ويستثير السُكون الصوت
وأنا بين صوت العقل واحساسي الجايش

ماضيَّعني وذوَّقني الموت قبل أموت
الا عقلي المتحرّص وقلبي الطايش

أشوف الحياة جْنازةٍ في بطن تابوت
لكنّي رغم كل الصعوبات متعايش

ترا ما أصعب من الموت واللي خلاف الموت
إلّا الفترة اللي لا أنت ميّت ولا عايش

[د. مشعل الزعبي @alzuaby]

في خايعٍ نبته من الوسم ممطور
لا شحت غيوم البلاد بمطرها

عليه كن ريش الطواويس منشور
من بهجة ألوان الغصون وثمرها

تديرها الأنسام للناس وتدور
كنها تطيب بالمباخر غترها

عقب برديٍّ لونه أصفى من النور
تقول من لول البحور ودررها

لا شافته عذرا على الأرض منثور
قامت تفقّد عقدها في نحرها

[قصيـد @eix6__]

يا مسرة اعوامي وعيدي السعيد
كل عام و اعيادي معك متواصله❤️

[هُنا مسّهار @Masharr0]

ياليت لي شبيه يداوم بدالي
بس البلا باللي نادرةٍ وصوفه

[هُنا مسّهار @Masharr0]

ما يميّزك يوم و تاريخ
كل الأيام معك مسرات ❤️

[هُنا مسّهار @Masharr0]

ابتسم ماكني اللي من شقى الايام شاقي
وابتسامات الحزين اشد واقسى من دموعه

ليت كسرة خاطري في ساعدي ولافي ساقي
المظاهر زايفة والناس في الناس مخدوعه