Ahmad Issa Michuzi

Influencer

[Ahmad Issa Michuzi @MichuziJr]

SHETTA: MAPAMBANO DHIDI YA MABADILIKO YA TABIANCHI YAENDE SAMBAMBA NA AFYA NA AJIRA

Meya wa Jiji la Dar es Salaam, Nurdin Bilal Juma (Shetta), amesema hatua za kukabiliana na mabadiliko ya tabianchi zinapaswa kwenda sambamba na kuboresha afya ya umma, kuunda ajira zenye staha na kuimarisha ustahimilivu wa miji dhidi ya changamoto mbalimbali.

Amesema hayo akieleza msimamo wa Jiji la Dar es Salaam, akibainisha kuwa kama mojawapo ya miji inayokua kwa kasi barani Afrika, ni muhimu kuhakikisha mikakati ya kukabiliana na mabadiliko ya tabianchi inaleta manufaa ya moja kwa moja kwa wananchi.

Kauli hiyo imetolewa pembezoni mwa Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31), unaofanyika Antalya, nchini Uturuki.

[Ahmad Issa Michuzi @MichuziJr]

Rais wa Jamhuri ya Muungano wa Tanzania, Dkt. Samia Suluhu Hassan akipongezwa mara baada ya kuongoza mjadala kuhusu Nishati Safi ya Kupikia Barani Afrika katika Mkutano wa Ngazi ya Juu uliofanyika pembezoni mwa Mkutano wa COP31, Novemba 12, 2026, katika Kituo cha Mikutano cha ANFAŞ Antalya Expo Center, nchini Uturuki. @suluhu_hassan @ikulumawasliano #cop31

[Ahmad Issa Michuzi @MichuziJr]

POSTA TANZANIA KUWAPIMA MAMENEJA KWA MATOKEO, WASIOTIMIZA MALENGO KUWAJIBISHWA

Shirika la Posta Tanzania limeweka msisitizo mpya katika uwajibikaji kwa kutangaza kuwa utendaji wa mameneja wa mikoa na viongozi wengine utapimwa kwa kuzingatia matokeo ya biashara, ubora wa huduma na uwezo wa kutumia fursa zilizopo kukuza shirika hilo.

Akizungumza jijini Dar es Salaam, Novemba 12, 2026, wakati akifungua mafunzo ya siku mbili kwa mameneja wa mikoa, Postamasta Mkuu wa Shirika la Posta Tanzania, Macrice Mbodo, amesema viongozi watakaoshindwa kutimiza majukumu yao watawajibishwa baada ya tathmini ya utendaji, akisisitiza kuwa hakuna kiongozi atakayebaki nje ya mchakato huo, wakiwemo wa makao makuu.

Mbodo amesema tathmini hizo zitazingatia matokeo ya kila eneo kwa haki, huku watendaji wanaofanya vizuri wakitambuliwa na maeneo yenye changamoto yakifanyiwa uchambuzi kwa lengo la kuboresha utendaji.

Akitolea mfano wa mafanikio, ametaja Mkoa wa Morogoro ambao umepata fursa kubwa ya biashara ya usafirishaji wa vifurushi, kiasi cha kukabiliwa na upungufu wa magari kutokana na ongezeko la mahitaji. Amesema meneja wa mkoa huo ameweka lengo la kusafirisha vifurushi 5,000, hivyo kuitaka menejimenti kutoa rasilimali zinazohitajika.

Katika hatua nyingine, Mbodo amesema Tanzania imepiga hatua katika ushindani wa kimataifa kwa kushika nafasi ya 66 duniani na ya nne barani Afrika katika tathmini ya Umoja wa Posta Duniani (UPU), huku akieleza kuwa shirika hilo linaendelea kuweka mikakati ya kuimarisha nafasi yake na kuwa kinara wa huduma za posta barani Afrika.

Amewataka mameneja kutumia mafunzo hayo kuboresha usimamizi wa biashara, matumizi ya rasilimali, uwajibikaji na utoaji wa huduma bora kwa wateja, akisisitiza kuwa ukuaji wa Shirika la Posta Tanzania ni jukumu la kila mtumishi.

[Ahmad Issa Michuzi @MichuziJr]

SAMIA AHUTUBIA MKUTANO WA KUHARAKISHA MAGEUZI YA NISHATI SAFI YA KUPIKIA

Rais wa Jamhuri ya Muungano wa Tanzania, Dkt. Samia Suluhu Hassan, akihutubia Mkutano wa Ngazi ya Juu kuhusu kuharakisha mageuzi ya nishati safi ya kupikia nchini Tanzania, hususan katika shule na vituo vya afya, uliofanyika pembezoni mwa Mkutano wa COP31 katika ukumbi wa ANFAŞ Antalya Expo Center, Antalya, Uturuki, Novemba 11, 2026.

Mkutano huo uliandaliwa na Serikali ya Tanzania kwa kushirikiana na Shirika la Sustainable Energy for All (SEforALL).

[Ahmad Issa Michuzi @MichuziJr]

♦️*POSTA YAENDELEA KUIUNGANISHA TANZANIA KWA USAFIRISHAJI, YASHIRIKI UZINDUZI WA XERIN MARKET*♦️

Shirika la Posta Tanzania (TPC) limeendelea kuimarisha nafasi yake kama mdau muhimu na bingwa wa usafirishaji na usambazaji wa bidhaa nchini, baada ya kushiriki katika uzinduzi rasmi wa jukwaa la biashara, Xerin Market, hatua inayolenga kuunganisha biashara na huduma za usafirishaji ili kuwafikia wananchi katika maeneo mbalimbali ya nchi.

Uzinduzi huo uliofanyika, Novemba 11, 2026, Kariakoo Jijini Dar es Salaam, ukihudhuriwa na Mkurugenzi Mkuu wa Mamlaka ya Maendeleo ya Biashara Tanzania (TanTrade), Bw. Ephraim Mafuru, ambaye alikuwa Mgeni Rasmi akimwakilisha Waziri wa Viwanda na Biashara, huku Mkurugenzi wa Masoko na Mauzo wa Posta Bw. Ferdinand Kabyemela akimwakilisha Postamasta Mkuu wa Shirika la Posta Tanzania.

Akizungumza katika hafla hiyo, Bw. Kabyemela amesema, mafanikio ya kibiashara hayaishii katika kuwaunganisha wauzaji na wanunuzi kupitia teknolojia pekee, bali yanategemea pia uwepo wa mfumo madhubuti wa usafirishaji na usambazaji wa bidhaa unaotolewa na Shirika la Posta.

Uzinduzi wa Xerin Market unaongeza fursa ya kuunganisha wafanyabiashara wa Kariakoo na maeneo mengine nchini na masoko mapana zaidi, huku ushirikiano na Posta ukiweka msingi wa kuimarisha huduma za usafirishaji na usambazaji wa bidhaa kwa wateja.

Kupitia ushiriki wake katika jukwaa hilo, Shirika la Posta Tanzania linaendelea kuthibitisha umuhimu wake katika sekta ya usafirishaji kwa kutumia miundombinu yake kuunganisha watu, biashara na fursa, huku likiendelea kuweka mbele utoaji wa huduma bora kwa wananchi.

[Ahmad Issa Michuzi @MichuziJr]

Alichozungumza Rais wa Jamhuri ya Muungano wa Tanzania, Mhe Dkt. Samia Suluhu Hassan,kwenye Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31), Antalya Expo Center nchini Uturuki, leo Novemba 11, 2026.

[Ahmad Issa Michuzi @MichuziJr]

RAIS SAMIA KATIKA PICHA YA PAMOJA NA VIONGOZI WA COP31

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, akiwa katika picha ya pamoja na viongozi mbalimbali wanaoshiriki Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31), uliofanyika katika Kituo cha Mikutano cha Antalya Expo Center, nchini Uturuki, Novemba 11, 2026.

[Ahmad Issa Michuzi @MichuziJr]

Rais wa Jamhuri ya Muungano wa Tanzania, Dkt.Samia Suluhu Hassan akiwa kwenye picha na Mhe. António Guterres, Katibu Mkuu wa Umoja wa Mataifa (UN) (kushoto) pamoja na Mhe. Recep Tayyip Erdoğan, Rais wa Jamhuri ya Uturuki (kulia), baada ya kuwasili ANFAŞ Antalya Expo Center nchini Uturuki kwa ajili ya kushiriki Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31), tarehe 11 Novemba, 2026. @samia_suluhu_hassan @ikulu_mawasiliano

[Ahmad Issa Michuzi @MichuziJr]

RAIS SAMIA AWASILI ANTALYA, UTURUKI KUSHIRIKI MKUTANO WA COP31

Rais wa Jamhuri ya Muungano wa Tanzania, Mhe. Dkt. Samia Suluhu Hassan, amewasili Jijini Antalya nchini Uturuki kwa ajili ya kushiriki Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31).

[Ahmad Issa Michuzi @MichuziJr]

RAIS SAMIA AONDOKA NCHINI KUSHIRIKI COP31 UTURUKI

Rais wa Jamhuri ya Muungano wa Tanzania, Dkt. Samia Suluhu Hassan, akiagana na viongozi mbalimbali katika Uwanja wa Ndege wa Kimataifa wa Julius Nyerere (JNIA), Dar es Salaam, Novemba 10, 2026, kabla ya kuondoka kuelekea Antalya, Uturuki, kushiriki Mkutano wa 31 wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP31).

[Ahmad Issa Michuzi @MichuziJr]

RAIS SAMIA KUSHIRIKI MKUTANO WA COP31,UTURUKI.

[Ahmad Issa Michuzi @MichuziJr]

MIGIRO ACHAGULIWA MAKAMU MWENYEKITI WA UMOJA WA VYAMA VYA SIASA BARANI AFRIKA (APPI) KANDA YA AFRIKA MASHARIKI.

[Ahmad Issa Michuzi @MichuziJr]

📌 *POSTA YATOA MAFUNZO YA USIMAMIZI WA MIRADI KATIKA MKUTANO WA MWAKA WA PMI TANZANIA 2026*

Shirika la Posta Tanzania limeendelea kuonesha uwezo na uzoefu wake katika usimamizi wa miradi kwa kutoa mafunzo kupitia mjadala wa jopo kuhusu Ofisi za Usimamizi wa Miradi katika Taasisi za Umma, kwenye Mkutano wa Mwaka wa PMI Tanzania Project Management Week & Annual Conference 2026.

*POSTA DELIVERS BETTER!*

#PostaMorogoro
#PostaNiZaidiyaBarua
#PostaDeliversBetter
#PMITanzania2026

[Ahmad Issa Michuzi @MichuziJr]

STEVE NYERERE AFUNGUKA ALICHOZUNGUMZA NA RAIS RUTO.

Leo nimebahatika kukutana na Rais wa Jamhuri ya Kenya, Mhe.William Samoei Ruto, baada ya kuhudhuria harusi ya ndugu yetu Isaya Yunge na Sharline Ruto.

Katika mazungumzo yetu, tumebadilishana mawazo kuhusu namna ya kuimarisha na kukuza sekta ya sanaa kati ya Tanzania na Kenya.

Kwa upande wa Rais Ruto amesisitiza umuhimu wa ushirikiano kati ya nchi hizi mbili, akieleza kuwa ni lazima wasanii wa Tanzania na Kenya waendelee kushirikiana, kubadilishana uzoefu na kutumia fursa zilizopo kukuza sanaa katika ukanda wa Afrika Mashariki.

Amesema sisi ni wamoja kama Waafrika Mashariki, hivyo ni muhimu kuimarisha mshikamano na ushirikiano katika sekta ya sanaa. @stevenyerere2

[Ahmad Issa Michuzi @MichuziJr]

SERIKALI YATOA LESENI TISA ZA UTAFITI WA MADINI KWA KAMPUNI YA SAUDI ARABIA.

SERIKALI imetoa leseni tisa za utafiti wa madini kwa kampuni ya Saudi Gold Refinery kutoka Saudi Arabia, ikiwa ni sehemu ya juhudi za kuvutia uwekezaji na kuongeza shughuli za utafiti na uchimbaji wa madini nchini.

Akizungumza na waandishi wa habari jijini Dodoma, Waziri wa Madini, Anthony Mavunde, amesema utoaji wa leseni hizo umetokana na dhamira ya kampuni hiyo kuwekeza nchini, kufuatia mkutano wa kibiashara kati ya Tanzania na Saudi Arabia uliofanyika Dar es Salaam.

Mavunde amesema katika mkutano huo, kampuni hiyo ilionesha nia ya kuwekeza katika sekta ya madini, huku Serikali ikiahidi kuwezesha upatikanaji wa leseni za awali ndani ya siku saba za kazi, ahadi ambayo imetekelezwa.

Amesema kampuni hiyo imeendelea kuomba maeneo mengine kwa ajili ya utafiti kupitia Tume ya Madini kutokana na fursa za uwekezaji zilizopo nchini.

Ameeleza kuwa Serikali imeipa kampuni hiyo fursa kutokana na uwezo wake wa kifedha, teknolojia na utaalamu wa kufanya utafiti wa kina wa madini.

Aidha, amesema Serikali inaendelea kupitia leseni za madini ambazo zimekuwa zikishikiliwa bila kufanyiwa kazi, na kwamba maeneo yatakayobainika kutotumika yatarejeshwa Serikalini na kutolewa kwa wawekezaji wenye uwezo na dhamira ya kuyaendeleza.

Mavunde ameongeza kuwa baadhi ya maeneo hayo yatafungua fursa kwa wawekezaji wengine na wachimbaji wadogo, wakiwemo wanawake, vijana na watu wenye ulemavu, kupitia programu ya Mining for Brighter Tomorrow. @anthonymavunde

[Ahmad Issa Michuzi @MichuziJr]

NMB YAPATA DOLA MILIONI 30 CHINA KUINUA BIASHARA NCHINI

Benki ya NMB imepata mkopo wa dola za Marekani milioni 30 kutoka Benki ya Maendeleo ya China (CDB) kwa ajili ya kuongeza upatikanaji wa mitaji kwa biashara ndogo na za kati nchini Tanzania.

Makubaliano hayo yametiwa saini katika Makao Makuu ya NMB jijini Dar es Salaam, yakilenga kuchochea ukuaji wa biashara na kuimarisha ushirikiano wa kifedha kati ya Tanzania na China.

Akizungumza katika hafla hiyo, Mkurugenzi Mtendaji na Afisa Mtendaji Mkuu wa NMB, Ruth Zaipuna, amesema fedha hizo zitaongeza uwezo wa benki kufadhili wafanyabiashara wanaohitaji mitaji ya kupanua shughuli zao. Amesema upatikanaji wa fedha ni muhimu katika kukuza biashara, kuongeza uzalishaji na kuchochea ajira nchini.

Zaipuna amesema ushirikiano huo pia utaimarisha huduma za kifedha kwa wafanyabiashara wanaofanya biashara na China. Kupitia mfumo wa CIPS, NMB inatoa huduma za malipo kwa sarafu ya China (RMB), akaunti za biashara na ufadhili wa biashara za kimataifa, huku ikiunganisha wafanyabiashara wa Tanzania na wazalishaji wa China kupitia maonesho ya Canton Fair.

Makubaliano hayo yanafikiwa wakati NMB ikiwa imetambuliwa na jarida la Global Finance kuwa Benki Bora kwa Biashara Ndogo na za Kati Tanzania mwaka 2026. Mkopo huo unatarajiwa kuongeza fursa za mitaji kwa wajasiriamali, kuimarisha biashara kati ya Tanzania na China na kuunga mkono utekelezaji wa Dira ya Taifa ya Maendeleo 2050. @nmbtanzania

[Ahmad Issa Michuzi @MichuziJr]

RAIS SAMIA APIGA KURA UCHAGUZI MDOGO JIMBO LA CHAMWINO.

Rais wa Jamhuri ya Muungano wa Tanzania,Dkt. Samia Suluhu Hassan, akipiga kura katika Kituo cha Kupigia Kura cha Ofisi ya Kijiji cha Chamwino, mkoani Dodoma, leo Novemba 4, 2026, wakati wa Uchaguzi mdogo wa Ubunge wa Jimbo la Chamwino.

Uchaguzi huo umefanyika kufuatia aliyekuwa Mbunge wa Jimbo hilo, Mhe. Deogratius Ndejembi, kuteuliwa kuwa Makamu wa Rais wa Jamhuri ya Muungano wa Tanzania.

[Ahmad Issa Michuzi @MichuziJr]

CRDB KUUNGANISHA MASOKO, KUFUNGUA FURSA NA KUCHOCHEA UKUAJI WA UCHUMI DRC

Mwenyekiti wa Bodi ya Wakurugenzi wa Benki ya CRDB, Prof. Neema Mori, na Mkurugenzi Mtendaji wa Benki ya CRDB, Dkt. Abdulmajid Nsekela, wameongoza ujumbe wa Benki ya CRDB katika mazungumzo na Waziri Mkuu wa Jamhuri ya Kidemokrasia ya Congo (DRC), Mhe. Judith Suminwa Tuluka, yaliyofanyika leo jijini Dar es Salaam.

Mazungumzo hayo ni sehemu ya juhudi za kimkakati za Benki ya CRDB katika kuimarisha ushirikiano wa kiuchumi wa kikanda, kuunganisha masoko na kufungua fursa mpya za biashara, uwekezaji na maendeleo kati ya Tanzania na DRC, na kwa upana zaidi, katika ukanda wa Afrika Mashariki na Kati.

Mhe. Judith Suminwa Tuluka ameeleza utayari wa Serikali ya DRC kushirikiana na Benki ya CRDB katika maeneo mbalimbali ya kimkakati, akitambua nafasi ya sekta ya fedha katika kuharakisha maendeleo, kurahisisha biashara na kuchochea uwekezaji wenye tija kwa wananchi wa nchi hizo mbili.

Kwa upande wake, Uongozi wa Benki ya CRDB umesisitiza dhamira ya Benki kuwa mshirika wa kimkakati katika utekelezaji wa ajenda za maendeleo ya kikanda, ikiwemo kutumia fursa zinazotokana na Ushoroba wa Kati na Ushoroba wa Lobito kuimarisha biashara, uwekezaji na miunganiko ya kiuchumi. Juhudi hizi pia zitalenga kupanua wigo wa uwezeshaji kwa vijana, wanawake na biashara ndogo na za kati (SMEs).

Sambamba na hilo, Benki imethibitisha dhamira yake ya kuendelea kuwekeza nchini DRC na kupanua wigo wa huduma zake nje ya Lubumbashi na Kinshasa, hatua itakayoiwezesha kuwafikia wateja wengi zaidi na kushiriki kikamilifu katika fursa zinazochochewa na ukuaji wa uchumi wa nchi hiyo.

Kupitia uwepo wake Tanzania, Burundi na DRC, Benki ya CRDB inazidi kujijenga kama taasisi ya kifedha yenye mtazamo na ushawishi wa kikanda, inayokwenda zaidi ya kutoa huduma za kibenki na kuchukua nafasi ya kuunganisha mitaji, biashara, wawekezaji na fursa za maendeleo katika Afrika Mashariki na Kati.

Kwa CRDB, mipaka si kikwazo cha fursa, bali ni daraja la kuunganisha uchumi, masoko na mustakabali wa maendeleo ya kikanda.@crdbbankplc @amnsekela

#CRDBBank
#mshirikawakimkakati

[Ahmad Issa Michuzi @MichuziJr]

NMB YAJA NA ZAWADI ZA SH MILIONI 600 KWA WATEJA.

Benki ya NMB imezindua kampeni ya Bonge la Mpango ‘Weka na Ushinde’, ikitenga zawadi zenye thamani ya zaidi ya Sh milioni 600 kwa wateja wanaoweka akiba. Kampeni hiyo iliyoanza Novemba Mosi na kuendelea hadi Januari 31, 2027, inahusisha zawadi za fedha taslimu, pikipiki na magari matatu.

Akizungumza katika uzinduzi uliofanyika jijini Dar es Salaam Novemba 3, Afisa Mkuu wa Wateja Binafsi na Biashara wa NMB, Filbert Mponzi, alisema wateja 130 watapata Sh 100,000 kila mmoja kupitia droo 13 za kila wiki, huku wengine 30 wakipata Sh 500,000 kila mmoja kupitia droo za kila mwezi. Zawadi kuu zitakuwa Toyota Land Cruiser la utalii na Ford Ranger mbili.

Mponzi alisema kampeni hiyo pia inahusisha vyama vya msingi vya ushirika (AMCOS) katika mikoa ya Mtwara na Lindi, ambapo pikipiki zaidi ya 20 zimetengwa kwaajili ya vyama vitakavyo pitisha malipo ya zao la korosho kupitia NMB katika msimu wa 2026/2027.

Mkuu wa Matawi na Mauzo wa NMB, Donatus Richard, aliwataka Watanzania kufungua akaunti na kuweka akiba, akisema huduma za kidijitali za NMB Mkononi zinawawezesha wateja kufanya miamala na kupata huduma mbalimbali za kibenki, ikiwemo mikopo ya hadi Sh milioni tano bila dhamana. @nmbtanzania

[Ahmad Issa Michuzi @MichuziJr]

TRA YAELEZA FAIDA YA SERA YA MAENDELEO YA VIWANDA KATIKA KUONGEZA WIGO WA KODI NCHINI

Mamlaka ya Mapato Tanzania (TRA) inaendelea kutambua mchango mkubwa wa wenye viwanda na wafanyabiashara wadogo na wa Kati katika kukuza uchumi na kuongeza mapato ya Serikali, hivyo itaendelea kushirikiana nao kwa kuweka mazingira rafiki yatakayowezesha biashara kukua na kuimarika

Akizungumza leo Jijini Dodoma Novemba 2, 2026, katika maonesho yanayoelekea uzinduzi wa Sera ya Maendeleo ya Viwanda na sera ya Maendeleo ya Jasiriamali ndogo na za kati, Kaimu Mkurugenzi wa Idara ya Elimu kwa Mlipakodi na Mawasiliano wa TRA, Paul John Walalaze, amesema maendeleo ya viwanda na ukuaji wa biashara ni miongoni mwa mambo muhimu yatakayochochea ongezeko la mapato ya Serikali.

Walalaze amesema kuwa Serikali imeendelea kuweka mazingira mazuri ya ufanyaji biashara nchini kupitia maboresho mbalimbali yanayolenga kurahisisha shughuli za biashara, kuimarisha sekta ya viwanda na kuwezesha wafanyabiashara wadogo kupata mitaji na fursa za kukuza shughuli zao.

Amesema mwaka wa fedha 2025/26 ni wa kwanza katika utekelezaji wa Dira ya Taifa ya Maendeleo ya mwaka 2050, ambayo imeweka msisitizo katika maendeleo ya viwanda na sekta binafsi kama nguzo muhimu za kufikia malengo ya uchumi wa taifa.

Bw. Walalaze ameeleza kuwa kuimarika kwa mazingira ya biashara kutaiwezesha TRA kuongeza ufanisi katika ukusanyaji wa mapato na kuchangia kufikiwa kwa azma ya Tanzania kuwa na uchumi wenye thamani ya dola trilioni moja ifikapo mwaka 2050.

Amesema TRA ina lengo kuu la kukusanya Shilingi trilioni 42 katika mwaka wa fedha 2025/26, ikiwa ni ongezeko kutoka Shilingi trilioni 37 zilizokusanywa katika mwaka wa fedha uliopita, huku ikiendelea kuimarisha ushirikiano na sekta ya viwanda na wafanyabiashara ili kukuza mapato ya Serikali.

Aidha, amewataka wafanyabiashara wote nchini kuhakikisha wanatoa risiti za mauzo kwa wateja wao, huku wananchi wanaonunua bidhaa katika viwanda na kwa wafanyabiashara wadogo wakihimizwa kudai risiti kila wanapofanya manunuzi.

Amesisitiza kuwa risiti ni sehemu muhimu ya utambuzi na usimamizi wa kodi za Serikali, hivyo matumizi yake sahihi yatachangia kuongeza mapato yanayotumika kugharamia huduma za kijamii na miradi ya maendeleo nchini.