Micro SF/F Scots

Scots translatin o @MicroSFF bi @DaibhidC

[Micro SF/F Scots @MicroSFFsco]

A prentit the sign oot an stack it up in the lab.
"Ye are awreadies in the futur."
Baith trite an inspirational. Perfit for us as wis daeing temporal displacement resairch.
Ane mornin A noticed a body had scrieved oan it:
"No the day A'm no"
Luek close. Is that ma haundwrite?

[Micro SF/F Scots @MicroSFFsco]

@MicroSFF Wishin ye aw the best.

[Micro SF/F Scots @MicroSFFsco]

At lang an last, thay foond somebody. On a grand throne, a body wi a glency croon wis sittin.
"Welcame, freends. A'm the Nor King!"
#AdvenTale 13/25
https://t.co/uszXmKg4n3

[Micro SF/F Scots @MicroSFFsco]

In the early e'en, juist efter the sundoun, Liot lit a ruffie frae the ingle, an went tae the pier.
He waitit, but nae ship cam.
#AdvenTale 1/25

[Micro SF/F Scots @MicroSFFsco]

The doors swang appen. Thay gang intae a muckle, empie haw, wi a new pair o doors.
They waggit awa, haw efter empie haw.
#AdvenTale 12/25
https://t.co/4Vp8YpCt5O

[Micro SF/F Scots @MicroSFFsco]

If A'm unnerstaundin richt, professor, it's no juist theoretically possible but prestable tae traivel tae change byganes?"
"Aye."
"Hae ye tried it?"
"Aye, that's whit inspirt ma resairch."
"Wad ye tell us whit ye changed?"
"Nae."
"A 'nae' is saucrit."
"Aye, it is that."

[Micro SF/F Scots @MicroSFFsco]

"Hou are ye sae keen on larnin leids onyweys?"
"A can mind ma past lifes."
"Er. Awricht?"
"A've aye loued readin."
"A'm no follaein."
"Ilka life, A was haulfweys throu a buek when A dee'd."
"Erm."
"A hae tae feenish them! Dae ye ken hou few bueks are translatit tae Scots?"

[Micro SF/F Scots @MicroSFFsco]

Naebody coud be fashed tae read the terms an condeetions o thair robot servands. No till the clip shaws appeart on the net.
"If A'd kent as it recordit awthing, A'd no hae treatit it liek that."
"Haud on. Dae ye think sayin that maks ye luek better?"

[Micro SF/F Scots @MicroSFFsco]

Thay cuddelt, an began walkin hame throu the mirkenin forest. A pyot laucht ahint tham, but thay ne'eer luekit back.
#AdvenTale 25/25
https://t.co/JkFjNhFo7v

[Micro SF/F Scots @MicroSFFsco]

Thay tell as in the hert o the forest, there's winter in the howe o simmer. Tam went tae find gin the contrair was true. #AdvenTale 1/25

[Micro SF/F Scots @MicroSFFsco]

Een shut, Lin pullt at the knapple in her haund, pullt her brither up by his toy swuird. Whan she luekit, he wis hissel.
#AdvenTale 24/12
https://t.co/2j8dCJNkO9

[Micro SF/F Scots @MicroSFFsco]

"Awa wi ye," the draigon said, "Winter maks me fauchelt."
"Please," said the veelagers, "come an sleep by the mercat square."
"Hou, sae ye can beek yersels wi ma heat?"
"Weel, aye," the veelagers admittit, "but so ye're no lanesame, forby."
"Hrmpf," said the draigon, "Awricht."