Mohamed Hesham

Just Believe Yourself 🔥

[Mohamed Hesham @MidocHesham]

كُل الناس اللي في حياتك هيفضلوا لُطاف معاك طول ما إنتَ ماشي على هواهُم وبتلبّي جَميع رغباتهُم، لكن لو مصلحتهُم اتعارضت مع مصلحتك أو رفضت طلب ليهم أو حتى عارضت وجهة نظرهُم هتشوف منهُم وش تاني خالص.. وش هيخليك تضحك على نفسك لما تعرف قد إيه إنتَ كُنت طيب لدرجة السذاجة!

[Mira @AmiiraAyman]

عمري مابعدت عن حد وندمت ولا حسيت إن خسرته بالعكس بحس إن ماكنش ينفع أعرفهم وأنا اللي خساره كبيره ليهم مش هما

[أحمد الجلاد @elgallad7]

عشان تقدر تكمّل اللي باقي من عُمرك، لازم تحافظ على راحتك وسلامك النفسي، ما تقرّبش غير من اللي حاسس بقيمتك، شايفك غالي وكبير، ومقدّر وجودك في حياته.
ما تسمحش لحد يقلّل منك تحت أي ظرف، لأن قيمتك وكرامتك دايمًا أولًا.

اِبعد عن أي حاجة بتوجع دماغك، وما تقعدش في مكان بيضغط على أعصابك، ولا تسيب ودنك تسمع كلام يعكّر مزاجك ويهلك طاقتك.

من النهارده:
راحتك النفسية أولًا، وأي حاجة في الدنيا تيجي بعد كدا.

[شروق @shroukgabr62]

عجبتني مقولة (الفاهم رَحِيمٌ .. وكُلُّ قاسٍ غَبيٌّ بالضَرورَة )
فإدراك مشاعر الآخرين لا يخرج إلا من شخص واعي ،
فكلما اتسع الفهمُ رق القلب، وكلما ضاقَ الفهم اشتدت القسوة .

[𝑺𝒂𝒍𝒎𝒂 𝑬𝒍𝒉𝒂𝒘𝒂𝒓𝒚 👑 @SalmaElhawary8]

انصحكم ب البجاحة ، الاخلاق ما بتأكلش عيش دلوقتي…

[أبو إيميلي @Mina42241959]

التفاصيل ،، اسوأ حاجه ممكن تضيع بيها سلامك النفسي والعقلي هي انك تكون شخص بيعرف يقرأ التفاصيل ويركز في كل كلمه وكل حركه ولغه جسد ..

[وَنَسْ @mariomahamdi]

اكتر شعور بكرهه في حياتي ودايمًا دايمًا بيحصل معايا هو استغلال اللي حواليا للعطاء اللي ببذله بكل حب ، وفي الاخر حرفيًا بيمحوني باستيكه من غير اي سبب اي مبرر اي حاجة !

[Youssef Othman @DoNotCallMeJoe]

جملة كنا قريبين اوي اللي قالها حسام حسن دي ملمسه معايا في حاجات شخصيه مضايقاني لحد النهارده محدش حيهتم برحلتك و مطباتك كله مستنيك في اخر الطريق

[Momen Al-Abadi @MomenAlabadi1]

في فرق كبير بين إني أقدم لك نصيحة حباً فيك ...
وبين إني أمارس عليك الفوقية عشان أحس حالي أحسن منك !
النصيحة الحقيقية دايماً بتندق على باب القلب وبتدخل بلطف 💙

[أحمد الجلاد @elgallad7]

مش شطارة إنك تبقى شخص بيّاع وما عندكش عزيز، دي مش قوّة؛ دي جحود وقسوة، ودليل إنك شخص صعب حد يأتمنه أو يرتاح في وجوده. والغريب فعلًا إن فيه ناس بتفتخر بقسوتها وجبروتها، وبتعتبر قِلّة الذوق قوّة، وقِلّة الأدب سيطرة. لكن الحقيقة إن الاحترام قوّة، والرحمة قوّة، وحُسن المعاملة قوّة. أمّا التباهي بالأذى والتعالي، فمش حاجة تدعو للفخر أبدًا.

[أحمد الجلاد @elgallad7]

أحيانًا الواحد بيبقى في عرض كلمة حلوة تهوّن عليه قسوة الدُنيا وسحلة الروتين ومرمطة اليوم، الكلام الحلو بيشحن الروح وبيجدد الطاقة، مُكالمة لمُدة دقيقتين تلاتة مع شخصك المُفضل تسمع فيها دفا صوته كفيلة إنها ترُد فيك الروح، كلمة حلوة من أهلك قادرة تضاعف عزيمتك، شوية ضحك مع صُحابك بيفتحو نفسك على الدُنيا، التفاصيل البسيطة دي حقيقي لها مفعول السحر علينا وبتصنع الفارق في يومنا.

[𝙁𝙖𝙩𝙤𝙤𝙢𝙖 @fatooma197]

مع الوقت هتكتشف أنك أديت قيمة لناس ، أهلهم ذات نفسهم مكنوش بيستنوهم على الغدا

[ＨＡＧＥＲ @i7naccessible]

تفضل تقنع نفسك ان حاجه معينه مؤقته في حياتك بس أنت كداب عموما هي جزء كبير جدا من يومك وانت بتنكر..

[حويمد @ovv_7]

هناك أمور ومواقف تحزنك كثيراً إلا أنها تبين لك حقيقة كل شخص ولا حسافة على شخص غير مكانته بنفسه

[‎Houda @_Houda_00]

اكتشفت إن من كتر سكوتي وإني بكتم جوايا كل حاجه طول حياتي وصلت لمرحلة إني فعلا مابقيتش بعرف أعبر عن اللي جوايا وحتي لو بذلت مجهود عشان أقول بعد ما بتكلم بحس أنه لأ مش دا اللي كنت حاسه ف بقيت شخص ساكت دايما بس دماغي فيها كلام كتير مش بيسكت ...

[أبو إيميلي @Mina42241959]

مقتنع 100% ان الناس بتتعامل معانا بالطريقه اللي بنسمح ليهم بيها وعلي قد ما بندي مجال يطلعوا أمرضهم النفسيه علينا … ديما الحدود في المعاملات مريحه لكل الأطراف

[Ahmedali @Ahmedallofficai]

من فتره كده حد محترم قالي نصيحة عجبتني جدًا حافظ على أعصابك وصحتك النفسية يعني مش لازم تفتح كل رسالة ولا ترد على كل مكالمة ولا تدخل في كل نقاش، مش أي حد لازم يبقى قريب منك ومش كل موقف محتاج رد فعل، اتعلم تقول "لأ" واتعلم ترفض من غير ما تبرر.والأهم متجيش على نفسك علشان ترضي غيرك

[AHMED @SaidAsaadSaid]

قدرت بعض الناس مش في إنهم يغيروا المكان، قدرتهم إنهم يخلّوا إي مكان غريب تحس فيهِ بالألفة والراحة.
وجودهم لوحدهُ بيغيّر إحساسك بالمكان، وبيخلّي إي قعدة أحلي وأخف.

[أحمد الجلاد @elgallad7]

اللي فهمته من التعامُل البشري إنّك عشان تفضل كويس في نظر الناس لازم تتحمّلهُم طول الوقت، ييجو عليك تتحمّل، ياخدو حقوقك تتحمّل، يحرقو دمك بكلامهُم تتحمّل، لكن لو قررت تاخُد على خاطرك أو تعترض هيتقال في حقك أسوء كلام مُمكن تسمعه عن نفسك وهيتهموك بالتوَحُّد وإنّك شخص أناني ما بتحبّش غير نفسك!