M. Misbah Ullah Mansoor

دلته زما نشریات خالص د اسلام او افغانستان د ګټې لپاره دي، هیله شخصي نظر یې وګڼئ

[فتنـه شـكن منصـور @F_Sh_Mansour10]

د شمس الشهداء شهید سعید امیرالمؤمنین ملا اختر محمد منصور تقبله الله و ژوند ته لنډه کتنه.!

امیرالمؤمنین شهید سعید منصور صاحب تقبله الله د الحاج ملا جان محمد زوی چې په ١٣٤٧ هجري لمریز کال کي د کندهار ولایت د میوند ولسوالی د بند تیمور په کلي کې زیږیدلی و.

شمس الشهداء منصور صاحب تقبله الله د خپل پلار په لارښوونه د خپلي سیمې په جومات او کلیوالو مدرسو کي دیني درسونه پیل کړل او وړه دوره یي پیښور کې بشپړه کړه.

شمس الشهداء منصور صاحب تقبله الله ١٨ کلن و چې د شوروي یرغل پر وړاندی یې مبارک جهاد ته ورودانګل.

شهید امیرالمؤمنین منصور صاحب تقبله الله په ١٩٨٧ کال کي د کندهار ولایت په یو سخت جنګ کې پخپل بدن شاوخوا ١٨ ټپونه وخوړل.

په ١٩٩٧م کال کي د مزار شریف هوایې ډګر جګړه کی بیا ځلي ټپي او د مخالیفینو له لخوا اسیر کړل شو.

په ١٩٩٤ کال کې له خپلو ملګرو سره له پیښوره کندهار ته راغي د امیرالمؤمنین ملا محمد عمر مجاهد رحمه الله په مشري د اسلامي تحریک په لمړیو صفونو کي شامل شو.

د اسلامي امارت لخوا د کندهار له نیول کیدو ورسته شهید منصور صاحب ته لومړي د کندهار هوایي ډکر مسؤل او بیا د هوایي ځواکونو او مدافعي مسؤل وټاکل شو.

له ٢٠٠١م کال ورسته یې د امریکایې اشغال په وړاندي بیا ځلي جهادي خدمت ته دوام ورکړ او د اسلامي امارت د رهبري شورا غړي وټاکل شو.

هغه مهال چې نوموړي د کندهار نظامي مسؤل و په ٢٠٠٤م او ٢٠٠٨م کال کې د کندهار زندان دوه ځلي مات اوشاوخوا ١٥٠٠ مجاهدین بندیان تري آزاد شول.

په ٢٠٠٧م کال کي د پاکستانی پوځ له لوري د شهید ملا عبیدالله رحمه الله له اسارت ورسته نوموړي د امیرالمؤمنین دویم مرستیال وټاکل شو.

په ٢٠١٥م کال کی د اسلامي امارت د رهبري شورا او زرګونو جیدو علماء کرامو او اهل الحل والعقد شورا له لوری شهید سعید امیرالمؤمنین ملا اختر محمد منصور تقبله الله د امارت رهبر وټاکل شو.

د امیرالمؤمنین ملا محمد عمر مجاهد رحمه الله تر وفات ورسته یې د رامنځته کیدونکي تفرقي مخه ونیوله اوټول جهادي صفونه کنډکونه او لیکي یې منظمي او یو مټي وساتلی.

کله چې داعشي خوارجو د افغانستان مؤمنې او جهاد پالي خاوري ته لاس را اوږد کړ نوموړي یې سم دستي په وړاندي نظامي اقدام وکړ او د دی شومي او زهر جني فتني د ځپلو تاریخي بنیاد یې کیښود.

او همداسي په افغانستان کی د ده تر رهبري لاندی هغه فتوحات راغلل چې چا یې فکر هم نه وو کړي او په لمړي ځل د افغانستان کندز ولایت د اسلامی امارت مجاهدینو لاس ته ولویدي
او ټولي جهادي دلګي دیو امر تابع شوی.

بالاخره د ١٤٤٧ هجري قمري کال د شعبان میاشتي په ١٤مه چې د ١٣٩٥ د جوزا له لومړي نیټي سره یې سمون درلود د کندهار د ریګستان او د بلوچستان د نوشکي تر منځ سیمه کې د امریکایې بی پیلوټه الوتکي په برید کې د شهادت لوړ مقام ته ورسید.
نحسبه کذالک والله حسيب.!
#فتنه_شکن_منصور

[فتنـه شـكن منصـور @F_Sh_Mansour10]

شمس الشهداء شهید سعید امیرالمؤمنین ملا اختر محمد منصور تقبله الله د اسلامي امارت په تاریخ کې یو له هغو بې‌ ساریو قائدینو څخه و چې د خپل لنډمهاله قیادت په موده کې یې د اسلام او اسلامي امارت پر وړاندې د ګڼو دښمنانو ډېر پلانونه شنډ او د هغوی ګڼې دسیسې یې ورخنثیٰ کړی.

شهید منصور صاحب تقبله الله د اسلامي امارت لیکې متحدي وساتلې. د داخلي اختلافاتو د پراخېدو مخه یې ونیوله او د اسلامي امارت بېلابېلې ډلې یې لا منظمې همغږې او فعالې کړې.

نوموړي د سختو شرایطو او حساسو حالاتو پر مهال داسې قیادت ترسره کړ چې د اسلامي امارت د صفونو د یووالي او انسجام په ساتلو کې یې مهم رول درلود.

له همدې امله، شهید ملا اختر محمد منصور یوازې د دې لپاره د بهرنیو او کورنیو استخباراتي کړیو د پام وړ هدف نه و چې د طالبانو مشر و؛ بلکې د هغه د سیاسي بصیرت، اداري وړتیا، پوځي تجربې او د حالاتو د مدیریت له امله هم د هغوی د توجه په مرکز کې قرار درلود.

د نوموړي پر شخصیت د تبلیغاتي او سیاسي بریدونو ترڅنګ هڅې کېدې چې د پټو استخباراتي فعالیتونو له لارې د اسلامي امارت په لیکو کې ستونزې، اختلافات او بې‌باوري رامنځته شي او د هغه د قیادت پر وړاندې خنډونه جوړ کړل شي.

کله چې دښمنانو په خپلو ګڼو هڅو کې د پام وړ پایله ترلاسه نه کړه، د اسلامي امارت په منځ کې یې د اختلافاتو د رامنځته کولو او پراخولو هڅې هم پیل کړې؛ خو فتنه شکن منصور تقبله الله د دغو ننګونو پر وړاندې په ټینګه ودرېد او د اسلامي امارت صفونه یې تر ډېره په یووالي او انسجام کې وساتل.

که د هغه مهال د اسلامي امارت ټول قیادت د شرایطو، مسؤلیتونو، سیاسي بصیرت، مدیریت او پوځي تجربې له پلوه وڅېړل شي، شهید ملا اختر محمد منصور تقبله الله د خپل ځانګړي قیادت سبک او اغېز له امله یو ځانګړی مقام درلود.

د فتنو، جګړو او سختو سیاسي شرایطو په دوران کې د قیادت مسؤلیت خورا دروند وي؛ خو شهید منصور تقبله الله داسې مهال د اسلامي امارت مشري پر غاړه واخیسته چې د سیمې او نړۍ سیاسي او امنیتي وضعیت له ډېرو پېچلو ننګونو سره مخ و. نوموړي د خپلې رهبري تدبیر او مدیریت له لارې د اسلامي امارت د صفونو د انسجام د ساتلو لپاره هڅې وکړې؛ بلاخره یې ټول صفونه متحد او یو مټي کړل.

دا د الله تعالی لوی فضل او نصرت و چې اسلامي امارت ته یې په داسې حساسو شرایطو کې یو داسې قائد ورکړ، چې د خپلو پلویانو په نظر کې یې د اخلاص، صداقت، عدالت، مدیریت، سیاسي بصیرت او قیادت ځانګړنې لرلې.

او کله چې د الله تعالی تقدیر راغی، امیرالمؤمنین شهید سعید ملا اختر محمد منصور تقبله الله هم د خپل رب لوري ته ور وبلل شو او د شهادت ستر ویاړ یې ترلاسه کړ.
تقبله الله تعالی.

#فتنه_شکن_منصور

[فتنـه شـكن منصـور @F_Sh_Mansour10]

د شهید سعید امیرالمؤمنین ملا اختر محمد منصور ـ تقبله الله ـ له ارزښتناکو ویناوو څخه:

جهاد د مال او شهرت لپاره نه؛ بلکې د الله تعالی د کلمې د لوړولو، د دین د حاکمیت او د اسلامي نظام د قیام لپاره دی. د مجاهد قرباني د دنیا لپاره نه؛ بلکې د خپلې عقیدې او د الله تعالی لپاره ده.

د فتنه‌ شکن منصور ـ تقبله الله ـ له دې ارزښتناکې وینا څخه باید دا درس واخلو چې په اوسني نظام کې زموږ ټول خدمتونه باید د الله تعالی د رضاء او د نظام د بقاء لپاره وي، او هر کار او خدمت مو باید پر اخلاص، صداقت او ژمنتیا ولاړ وي.

فتنه‌شکن منصور ـ تقبله الله ـ په خپله وینا کې څرګندوي چې په نظام کې باید هېڅکله یوازې د نوم، مقام او شهرت لپاره کار ونه کړو؛ بلکې خپل وخت، توان او هڅې د الله تعالی د کلمې د لوړولو او د نظام د خدمت لپاره وقف کړو.

قرباني یوازې د خپل سر قرباني کول نه دي؛ بلکې په اوسنیو شرایطو کې خپل وخت، توان او شخصي اسانتیاوې د نظام د خدمت لپاره ځانګړې کول هم د قربانۍ یوه بڼه ده. باید هڅه وکړو چې د خپلو شخصي ګټو پر ځای د اسلام او نظام ګټو اهمیت ته لومړیتوب ورکړو، شخصي غوښتنې شاته پرېږدو او د خپلو تللو قائدینو دا سپېڅلې خبرې په خپل ځان کې عملي کړو.

فتنه‌شکن منصور ـ تقبله الله ـ په خپلې وینا کې دې ټکي ته هم اشاره کړې چې څوک د الله تعالی لپاره کار او خدمت وکړي، الله تعالی به یې په سختیو کې مرسته وکړي او د ستونزو لارې به ورته هوارې کړي؛ خو که څوک خپل کار د شخصي ګټې، نوم او شهرت لپاره ترسره کوي، نو له ستونزو او کړاوونو سره د مخ کېدو احتمال یې ډېرېږي.

فتنه‌شکن منصور ـ تقبله الله ـ ویلي دي چې د اسلام دښمنانو د همدې نظام د بدنامولو لپاره بېلابېلې لارې وکارولې، تبلیغاتي او رواني جګړې یې ترسره کړې او هڅه یې وکړه چې دا نظام او د همدا سپیڅلي صف بدنام کړي؛ خو د ښمنان په خپلو موخو کې بریالي نه شول او الله تعالی یې هڅې شنډې کړې.
اللهم تقبله شهادتهم.

#فتنه_شکن_منصور

[فتنـه شـكن منصـور @F_Sh_Mansour10]

د شهید سعید امیرالمؤمنین ملا اختر محمد منصور تقبله الله هغه تاریخي او سپیڅلي وینا.!

چې د جګړي په وروستیو پړاوونو کې یې د دښمن د تسلیم شویو ځواکونو د بښنې او عفوې په اړه کړې وه، او همدارنګه د کندوز ولایت دفتحي په ورځ یې سلګونو عسکرو ته د عفوې اعلان کړی وو، د هغه د عفوې اعلان د زغم دروند او سپیڅلي سیاست څرګندونه کوی.

دغه دریځ یوازې تر وینا محدود پاتې نه شو، بلکې د فتنه شکن منصور تقبله الله تر شهادت ورسته یې هم عملي بنړه خپله کړه.

تر عظیمي فتحي وروسته امیرالمؤمنین شیخ هبت الله حفظه الله له لوري د تېر جمهوري نظام ټولو چارواکو ته د عمومي عفوه اعلان شوه.
چې دا پریکړي د افغانستان تاریخ د پرمختګ په لور روان کړ.!
#فتنه_شکن_منصور

[غزنیوال/Ashna @Ghazniwall313]

د فتنې په وړاندې د #فتنه_شکن_منصور د بصیرت تاریخي دریځ.!

[فتنـه شـكن منصـور @F_Sh_Mansour10]

د فتنې په وړاندې د فتنه شکن منصور د بصیرت تاریخي دریځ.!

د امیرالمؤمنین ملا اختر محمد منصور تقبله‌ الله د اسلامي امارت د امیر په توګه د زعامت له پیل څخه لا یو کال نه و تېر شوي چې د داعش خراسان په نوم یوې نوي ډلې د افغانستان په جغرافیه کې د خپل ظهور اعلان وکړ. دا د افغانستان د معاصر تاریخ له هغو حساسو پړاوونو څخه و چې د یوې نوي فتنې د راټوکېدو له امله یې د داخلي ثبات، اسلامي وحدت او د جهاد د مسیر پر وړاندې جدي ننګونه رامنځته کړه.

د دغې فتنې تر ظاهري شعارونو لاندې د اسلامي امت د یووالي او د دین د دفاع ادعاوي مطرح کېدي. خو د وخت په تېريدو یې د تکفیر، تفرقې، ورور وژنې او د مسلمانانو پر وړاندې د تاوتریخوالي څېره څرګنده شوه. امیرالمؤمنین ملا اختر محمد منصور تقبله الله د دې حرکت ماهیت له لومړیو ورځو درک کړ او د داعش مشر ابوبکر البغدادي ته یې په خپل لیک کې د افغانستان له خاورې څخه د دې ډلې د فعالیتونو د درولو په اړه څرګند او جدي خبرداری ورکړ.

خو بغدادي د وحدت او تفاهم پر ځای د تکفیر او تفرقې لاره غوره کړه. د علماوو او مجاهدینو پر وړاندې دښمني د مسلمانانو پر منځ د وېرې خپرول او خونړي بریدونه د دغې ډلې د فعالیتونو له مهمو اړخونو څخه وګرځېدل. په دې توګه هغه فتنه چې د دیني شعارونو تر سیوري لاندې راټوکېدلې وه ورو ورو د اسلامي ټولنې د وېش او د مشروع جهاد د بدنامولو په یوه جدي ګواښ بدله شوه.

د اسلامي امارت د هغه وخت مشرتابه د دې خطر پر وړاندې قاطع دریځ غوره کړ. د ملا اختر محمد منصور تقبله‌الله دریځ یوازې د یوې وسله‌والې ډلې پر وړاندې امنیتي مقابله نه وه بلکې د افغانستان د داخلي ثبات اسلامي وحدت او د جګړې د مسیر د انحراف د مخنیوي یوه ستراتیژیکه پرېکړه وه.

داعش ونه توانېدل چې په افغانستان کې هغه پراخ جغرافیایي حضور او سیاسي نفوذ ترلاسه کړي چې د دوی له ادعاوو سره تړاو درلود. د وخت په تېرېدو یې د پام وړ جنګي ظرفیتونه له لاسه ورکړل او د پراختیا هڅې یې له جدي خنډونو سره مخ شوې.

د تاریخ له زاویې د دې پړاو تر ټولو مهم درس دا دی چې فتنې تل د خپلو اصلي څېرو په بڼه نه راڅرګندېږي. ځینې وخت د دیني شعارونو تر پردې لاندې راټوکېږي. د هغوی د پېژندلو لپاره یوازې احساسات نه بلکې بصیرت سیاسي درایت او د حالاتو ژور درک اړین وي.

ملا اختر محمد منصور تقبله ‌الله د خپل لنډ زعامت په دوره کې له همدې تاریخي ازموینې سره مخ شو. هغه د یوې نوې فتنې د پراخېدو خطر په لومړیو پړاوونو کې تشخیص کړ او پر وړاندې یې د اسلامي امارت دریځ روښانه کړ.

همدا تاریخي پړاو د فتنه شکن منصور د نوم له مفکورې سره تړلی مهم باب دی. داسې باب چې د یوه مدبر رهبر د تصمیم بصیرت او د خپل وخت د حساسو تحولاتو د درک یادونه کوي او د راتلونکو نسلونو لپاره د افغانستان د معاصر تاریخ یوه مهمه تجربه ثبتوي.
#فتنه_شکن_منصور

[وکیل احمد مخلص @Wakil_Ahmad_M]

د وخت اتل د وخت باتور شهید منصور شهید منصور.
تقبله الله تعالی
#مدبرامیر

[M. Misbah Ullah Mansoor @Misbahullahmm]

د وینو غوښو او هډوکو ترکیب
د شهیدانو امانت امارت
#فتنه_شکن_منصور
#مدبرامیر

[M. Misbah Ullah Mansoor @Misbahullahmm]

آزاد ولسونه د خپلو اتلانو تاریخ ژوندی ساتي؛ ځکه هغه ملتونه چی خپل تاریخ خپلی قربانی او خپل مخکښان هېر کړي، د راتلونکي په جوړولو کې له لویو ننګونو سره مخ کېږي.

[M. Misbah Ullah Mansoor @Misbahullahmm]

له دی پانی څخه به ان شاء الله تاسې د اسلامي امت د يوه وياړلي اتل شهيد امير المؤمنين ملا اختر محمد منصور رحمه الله د شخصیت ،سیاست، ایثار، قربانی او مبارزې له بېلابېلو اړخونو څخه باخبره شئ.

[فتنـه شـكن منصـور @F_Sh_Mansour10]

بسم الله الرحمن الرحيم.

[M. Misbah Ullah Mansoor @Misbahullahmm]

تقبله الله
#مدبرامیر

[عبدالرحمن محمود @Amahmood03]

د أفغان د ويني پور نه پاتېږي ان شاءالله.

[M Ahsan Ullah "Ahrar" مولوي احسان الله “احرار @ahsan1995w]

عاصم منیر خبیث کیلیئے پیغام !