Mohamed Samara

البقاء ليس للأقوى ..البقاء للألطف ... للأحن .. للأنقى للأرقى .. للأجمل أثراً♥️

[Mohamed Samara @MohamSamara]

@eeegdvdv الدولار سعرو حاليا في السوق 3600 - 3650
ومستقر ليه كم شهر.

[SeMoS @dr92semos]

منقول من صفحه مستر سامر عبدالقادر

سلامات
الواحد والله ما كان عاوز يتكلم لكن بلغ السيل الزبى....
انا الحمدلله خلصت تخصص جراحه الاوعيه الدمويه في مصر من سنه ونص وقررت بكامل قواي العقليه انو ارجع السودان الحبيب رغم اعتراض اسرتي الصغيره ....
قررت ارجع رغم انو سنوات التخصص كانت متعبه واتمليت ديون لي حلقي وكان مفروض ابدا افتش شغل في مكان كويس بي دخل كويس عشان اعرف اسدد الديون العلي دي للناس...
قررت ارجع السودان عشان اساهم حتى لو بي حاجه بسيطه في مساعده الناس بعد الحرب والخراب الحصل ده مع اني املك خدمه عسكريه بالقوات المسلحه اكتر من 15 عام اشتغلت فيها في كل بقاع السودان ...
قررت ارجع لاني بحب السودان جدا رغم اني غادرتو من 5 سنين وقبال الحرب وما كنت ناوي ارجع من وقتها نسبه للظروف الكانت صعبه والمشاكل الاتعرضت ليها ...
قررت ارجع واتخذت من الولايه الش��اليه ومدينه دنقلا مسقط راسي وجهه من باب خيركم خيركم لاهله..
ومعلومه للناس نحن كجراحين اوعيه دمويه كلنا الان 6 في السودان كلو...
وانا مغطي الولايه الشماليه كلها .. ي��ني من الدبه لي حلفا... ودي مساحه جغرافيه كبيره اكبر من بعض الدول .... ولك ان تتخيل ...
جيت وقلت بسم الله وعملت وحده في المستشفي الحكومي بي عقد سنوي بمرتب 100 الف ج شهريا
( مايعادل 1400 ج مصري او 30 دولار او 100 ريال تقريبا) تم رفعه لاحقا الى 170 الف ج سوداني
قلت خير والبدايات دائما صعبا والواحد يبدا يعمل اسم ويشتغل ...
اول مشكله واجهتها هي عدم توفر الات جراحه الاوعيه في كل المستشفيات لا مقصات لا كلامبات ولا اي شي ...
كنت جبت معاي معدات بسيطه من مصر عشان اقدر احل بيها المشاكل البسيطة وعمليات الفيستولا لمرضى الكلى ...
فبقيت شايل الالات في الشنطه زي بتاع الورنيش وماشي وجاي ورفضت اني ااجر العده للعيانين لانو لقيتا حاجه ما بتشبهني مع انو لو عملت كده مافي زول بقدر يلومني لانو لو في شي تلف منها الشغل حيقيف....
فبقيت اجيب المعدات معاي ونعقمها وبعد كل عمليه نستنا تتعقم تاني وهكذا ..
وطبعا لانو ده وضع مخل كتبت خطاب لي وزاره الصحه عبر اداره المستشفي إنو نحن فتحنا وحده جراحه اوعيه وده تخصص مهم ودقيق فعاوزين معدات ومستهلكات اسوه بي باقي الاقسام...
الخطاب اترفع واتسلم من شهر 6 السنه الفاتت وحتى الان لا حياه لمن تنادي ...
اضطريت مرغم اني اقفل الوحده في المستشفي لانو دي مسؤليه ولو جات حاله طارئه ما حقدر اعمل ليها شي ...
عندنا في تخصص الاوعيه ده حاجه اسمها القسطره التداخليه ودي عباره عن اجراء جراحي بسيط بيتم بي بنج موضعي وبيقلل لينا من مخاطر العمليات الجراحيه .... تكلفه القسطره لي عيان واحد قد تصل لي 7 مليون او ما يعادل 2000 دولار واكتر من نص المبلغ ده بكون عباره عن المستهلكات من بالوانات لي قساطر وخلافه...
انا شخصيا شايف اني مستحيل اكتب لي عيان عمليه بالمبلغ ده اولا..
ثانيا اصلا المستهلكات غير متوفره والا تجي من الخارج ....
طالبنا بتوفير المستهلكات دي عبر الدولة اسوه بمرضى القلب ولا في زول قال لينا بتقولو في شنو...
عندنا اكتر حاله طارئه ومحتاجه لي تدخل هي جلطات الشرايين الحاده ودي عندها زمن 6 ساعات بعدها غالبا الرجل تتبتر لو ما حصل تدخل ...
الجلطه دي بسحبوها بي حاجه اسمها قسطره فوقارتي Fogarty catheter ودي سعرها تقريبا 200 الف ج واصلا ما موجوده خالص ...
يعني اتخيل يجيك عيان بي جلطه حاده في الشريان نص الليل وتقول لي جيب القسطره يطلع ما يلقاها اصلا .. وهي مفروض تكون موجوده في دولاب الطواري لانك قد تحتاج اكتر من وحده في العمليه ...يعني حتى لو اتوفرت حتكون غاليه جدا على مريض الله اعلم اتعشى ولا لا اساسا...
الحاله التانيه هي انفجار ��لشريان الاورطي البطني ودي حاله طارئه محتاجه تدخل سريع وبنخت محلو شريان صناعي معين ...الشريان ده سعرو قريب 600 دولار وطبعا اصلا ما موجود في السودان خالص إلا بيجي من بره ....
نحن خلال فتره التدريب كنا دايما بنتاكد انو عندنا واحد موجود في دولاب الطواري كل نبطشيه ولو بقا استعملو في اليوم القبلو بتمشي تجيب من المخزن...
يلا لمن تيجني حالات زي دي انا اعمل شنو ؟؟
والله إلا اقرا ليهم قران....
فالناس ما تستغرب من هروب الكوادر للخارج...
فغير الضغوط الماليه الناس بدت تفقد ما اتعلمتو بي سبب عدم الشغل
وهذا غيض من فيض والله المستعان ...
مستر سامر عبدالقادر ...
اخصائي جراحه الاوعيه الدمويه والقدم السكري ...

[Mohamed Samara @MohamSamara]

احفظ عني هذه التغريدة للزمن..
والذي لا اله الا هو.. ان ما فعلته الإمارات في دول المنطقة (السودان.. ليبيا.. اليمن.. فلسطين) ستمر به لا محالة - حتى وان بدى ذلك في الوقت الراهن امرا بعيدا - .
لكن من يعش منكم كثيرا فسيرى بأم عينيه كيف تصطلى الامارات يوما ما بما فعلته بنفسها.

[Mohamed Samara @MohamSamara]

الايام دول يا صهاينة العرب

[Mohamed Samara @MohamSamara]

سيأتي اليوم الذي يفشل فيه في حفظ امن الامارات.. لسوء افعاله مع جميع المسلمين.
قسما بمن احل القسم سيشرب مما اذاق الناس منه.
إن كُتب لنا العيش الى ذلك الوقت سنري بأم اعيننا كيف يسقطه الله وينزع منه امنه وامانه كما نزعه من المسلمين المغلوب على امرهم.
*الاماراتيون شعب مغلوب على امرهم

[Mohamed Samara @MohamSamara]

@Mofasa999 @Ibnkhattab97 السودان يعاني حاليا من سياسات البشير الخاطئة والدمرت البلد.

[Mohamed Samara @MohamSamara]

@Ibnkhattab97 التعامل مع السحر والتمائم والحجبات يلزم النجاسة.. وفي بعض الحجبات ما بتشتغل الا الزول يكون على نجاسة او يتم تنجيس الحجاب.
وهذا من الشرك والعياذ بالله.

[Mohamed Samara @MohamSamara]

@Abdulkhaleq_UAE الإمارات كان تظن ان الباطل سينتصر على الحق.. خابت وخسئت مساعيكم يا ذباب الدول.
من ظن ان الباطل سينتصر فقد اساء الظن بالله

[Mohamed Samara @MohamSamara]

@BIBITALAB @Yas_Surgery بإذن الله.. نحافظ على ورثهم.

[Mohamed Samara @MohamSamara]

@Yas_Surgery سيجري.. ENT.. اوفثالما... اناسيزيا كلهم تحت مسمى مستر.. وللطبيبات : ميس

باطنية واطفال وباقي الاقس��م : المسمى بوص
تحياتي ♥️

[Mohamed Samara @MohamSamara]

@malzaki88 @Akasha_omer7 استخدام لجسد المراة في جذب انتباه الذبائن حاجة في منتهى القرف.

[Mohamed Samara @MohamSamara]

@alooby_m @7amood999_ من امس الصباح م وصلني لسة.. وصاحبك عارف من يوم 14 في شهر 10 لسة م مشى 😂

[Mohamed Samara @MohamSamara]

" حق اريد به باطل "
الحقيقة انو معظم طيران الجيش غير دقيق خصوصا الانتنوف في احداث كتيرة وغارات كتيرة لم تصب اهدافها وفي غارات اصابت جنود الجيش انفسهم وفي حادثة الفرقة السادسة مشاة طيران الجيش ��رب الفرقة الفكرة انو انتهاك المليشيا مقصود وانتهاك الجيش اغلبو غير مقصود فماف مقارنة

[Mohamed Samara @MohamSamara]

@BakryWahbi الناس ممكن تكره الحرامي والظالم.. بس كل الناس بتتفق على كراهية الخائن لبلده.
عشان كدا ماف مقارنة بين السرقة وبين الخيانة.

[Mohamed Samara @MohamSamara]

@justrowwan اعلامهم رخيص وتافه وهو السبب في جهل الشعب المصري بي امور بسيطة جدا.. ومصورين ليهم المجتمعات التانية بصورة غير حقيقية.

[Mohamed Samara @MohamSamara]

@Mesho45160015 لان الرجل غريزته بصرية.. والمرأة غرزيتها العاطفة.

عشان كدا الرجل بطلب صورة عشان يشوف والمرأة محتاجة اهتمام وكلام حلو عشان عاطفتها ولا العلاقة م ج تنجح

[Mohamed Samara @MohamSamara]

@l4qbd2oezCNdowj @jwhrddv هي حرب قبلية اكتر من كدا كيف؟

[🇸🇩 Ибн-Алкаттаб - بن الخطاب @Ibnkhattab97]

حقوا الناس ماتزعل على برج الفاتح الاتحرق، فندق كورنثيا معمول عليه تأمين من الكوارث والحوادث في شركة سويسرية يعني حيرجع زي الأول واحد
أزعلوا على الشباب القاعدين نفقدهم عشان يكون عندك أرض حقتك تبني فيها بدل برج عشرة أبراج
نصرٌ من الله وفتح قريب

[Mohamed Samara @MohamSamara]

@yasseralfadol بعدين يجو يتبكو طيران الشوايقة وبتاع

[Mohamed Samara @MohamSamara]

عشان تعرف خساسة الإعلاميين الخونة.. التوتية دي ليها ساعتين وذاكرة فيها ��بارة " حتى الان القاهرة لم ترد" والناس نبهوها في التعليقات انو وزارة الخارجية المصرية نزلت توضيح ونفي وشكرت الناس النبهوها في الردود بس م دايرة تعدل التويتة
لانو بيان الخارجية ذكر كلمة مليشيا

اعلامية قذرة

[🦅تسابيح مبارك @TsabihAli]

قائد الدعم السريع محمد حمدان دقلو #حميدتي
يتهِم الطيران الحربي المصري بالمُشاركة في العمليات القتالية بالسودان وشن ضربات جويّة ضد قواتِه في جبل موية…قائلاً "صمتنا كثيرا على مشاركة الطيران المصري في الحرب حتى يتراجعوا لكنهم تمادوا الآن"
وحتى اللحظة لم يصدُر أي تعليق من القاهرة
#السودان #الخرطوم #حرب_السودان #مصر #البرهان #حميدتي #الدعم_السريع #الجيش_السوداني #جبل_موية #بورتسودان #البحر_الأحمر