Eren 🇵🇸

data engineer

[Eren 🇵🇸 @MomenSoliman5]

صل على سيدنا محمد وعلى آله وصحبه وسلم ❤️

[Eren 🇵🇸 @MomenSoliman5]

I wish I were good at what l do

[Si Si With An S @HomeWhereWeAre]

أزيكم يا شباب
أنا سيبت الشغل بسبب إن الشركة هت close لمشاكل مالية

وبدور حالياً على فرصة ك ميد ليفل باك إيند Node.js أو Golang

وجزاكم الله عني كل خير

[Aya ElGebeely 👩🏻‍💻 @ayaelgebeely]

لو مش لاقي شغل، ما ينفعش تسيب يومك يفرط منك

لأن أسوأ حاجة ممكن تحصل في الفترة دي إنك تصحى كل يوم متأخر، تقدم على كام وظيفة عشوائي، تفضل مستني رد، تكتئب شوية، وبعدين تنام حاسس إن الدنيا وقفت

هي الدنيا ما وقفتش

أنت بس في مرحلة انتقال، والمرحلة دي محتاجة منك تدير يومك كأن عندك شغل

وشغلك الحالي هو إنك تلاقي فرصة، تخلق دخل، تطور نفسك، وتحافظ على روحك

قسم يومك لأربع أجزاء:

أولًا: تدوّر على شغل بجد

مش تقدم على ١٠٠ وظيفة وأنت مش عارف قدمت فين ولا الوظيفة أصلًا مناسبة ليك ولا لأ

ظبط الـCV و LinkedIn حدد الشركات والوظائف اللي مناسبة ليك
قدم كل يوم على عدد معقول من الفرص، بس قدم بشكل محترم ومخصص لكل وظيفة

وخلي الناس تعرف إنك متاح

ابعت لزمايلك القدام، مديريك، عملائك، وأي حد في مجالك:

“أنا متاح حاليًا لفرص جديدة، ولو عندكم احتياج أو تعرفوا حد محتاج خبرتي، أكون ممتن جدًا.”

ما تتكسفش.. أنت مش بتشحت شغل لا مؤاخذة
أنت بتعرّف السوق إن عندك قيمة و وقت متاحين

ثانيًا: ما تستناش الفرصة… اخلق واحدة

مش لازم رزقك الجاي ينزل عليك في صورة وظيفة ومرتب وتأمين طبي ولابتوب جديد

ممكن ييجي في صورة استشارات .. تعمل تدريب او تدريس حتى لو لطلبة مدارس .. مشروع صغير مضمون..

أي عمل حر شريف يجيب دخل و يقلل الضغط من عليكم

و ابدأ بحاجة بسيطة و عشان خاطري ما تستناش المشروع اللي هيغير التاريخ… و نروح تصرف باقي الفلوس اللي معاك تفتح بيها مشروع تربية كتاكيت و تنستناها تبقى فرخة و تبيض..

إحنا بس عايزين مشروع يدفع الفواتير و الاقساط الأول، وبعدها نبقى نغير التاريخ براحتنا مفيش استعجال

ثالثًا: اتعلم حاجة تزود قيمتك

برضه مش وقت إنك تفتح ١٧ كورس وتخلص منهم المقدمة

اختار مهارة واحدة مطلوبة في مجالك او حاجة محتاج تتقنها و اتعلمها كويس و طبقها
لأن السوق دلوقتي مش مهتم قوي بعدد الشهادات اللي على LinkedIn

السوق مهتم يعرف:
أنت تقدر تعمل إيه دلوقتي؟
وإيه المشكلة اللي تقدر تحلها؟ و هل عندك سابقة اعمال تثبت ده و لا لا؟

رابعًا: حافظ على علاقتك بربنا

صلاتك في وقتها.. ورد قرآن ولو قليل… دعاء…استغفار.. صدقة ولو بسيطة.

اطلب الرزق طبعًا، لكن اطلب كمان السكينة، القوة، البصيرة، وإن ربنا يبعد عنك فرصة شكلها حلو وهي شر ليك، ويقرب لك الخير حتى لو أنت مش شايفه

العبادة مش بديل للسعي

لكن السعي من غير قلب متوكل على ربنا بيستهلك الإنسان جدًا و تحس انك ريشة في هوا و الدنيا جاية عليك جامد

عدم وجود وظيفة حاليًا لا يعني إنك فاشل.. ولا يعني إن قيمتك قلت

ولا إن كل الناس سبقتك وأنت الوحيد اللي واقف

أنت في مرحلة صعبة، آه

لكنها مرحلة…
والباب اللي مكتوب لك هيفتح في وقته…

[mostafa @mostafa26572235]

انا بدور ع شغل ليا فترة
كنت حابب اشتغل ف شركة محاسب تحت التدريب بسبب اني معنديش خبره خالص هل ممكن تساعدوني ونشير البوست ده فضلآ وليس امرآ

[Kafrawy @kafrawyyyy]

شباب التيك اللي بيدوروا علي Internships، عندنا ٣ فرص حلوين جدًا:

- Intern, Software Engineer Fullstack
- Intern, Software Engineer IOS
- Intern, QA Engineer

لو حد interested يبعتلي ال CV وان شاء الله اقدر اساعد.

[OmarLander @omarlander0]

الفتره اللي فاتت كنت باخد ادويه للقلق و الاكتئاب بعد ما حالتي النفسية كانت وصلت لمرحلة سيئة و خطر جدا جدا

الادويه ساعدتني بشكل كبير اوي لكن للأسف من الأعراض الجانبيه كانت زياده الوزن

ما كنت صدقت خسيت و جسمي بقي كويس و لكن بسببها زدت تاني بشكل كبير و وشي اتنفخ تاني و بقيت بزعل اوي لما ببص في المرايه

لكن نفسيا بقيت احسن كتير، القلق قل بشكل كبير، مبقاش في أفكار انتحاريه و مبقاش في رغبه في الوحدة

بقيت بتفاعل مع الناس بشكل كبير و مش بقلق و مش بفكر كتير قبل ما اتكلم مع حد او اعمل اي حاجه تبسطني و ده انعكس بالايجاب على كل حاجه في حياتي

رجعت لخطيبتي و حبيبتي بعد سنه ونص سايبين بعض و اعتقد الاكتئاب الشديد كان اهم عامل خلانا ننفصل

و لكن رجعنا سوا و لبست دبلتي تاني بعد ما كنت متخيل اني هعيش و هموت لوحدي محدش جمبي

تحسينات كبيرة بصراحه دخلت حياتي لكن زياده الوزن دي حاجه بضان و مزعلاني اوي

مكمل في رحلة التعافي و الخروج من الاكتئاب و حقيقي الموضوع يستاهل اني اتعب علشانه و احضر جلساتي و اخد ادويتي

لاني لما بدا الدوا يشتغل و بدأت أعرض الاكتئاب تقل، حسيت اني كنت مدفون بالحيا و ما صدقت صحيت و شميت نفسي و بدأت اعيش

[Eren 🇵🇸 @MomenSoliman5]

الحمد لله الشقة بقت بيت

[Ahmad Alfy @ahmadalfy]

@salahha31873846 يا أخي لا تفت بما ليس لك به علم. ال burnout وصف لمجموعة من الأعراض الطبية اللي لها مسمى علمي ولها ابعاد عضوية ونفسية. ثقة رهيبة الصراحة وانت بتتكلم في حاجة متعرفهاش

[Eren 🇵🇸 @MomenSoliman5]

@HudaAlfatih2 اتفضلي

[Ahmed Abd Alaziz @AhmedAb21181515]

للاسف امبارح عرفت ان الشركة اللي انا شغال فيها هتقفل الشهر دا
انا junior Flutter Developer خبرة سنة ومتاح حاليا لاي فرصة
full time | part time
remote | on site

[Eren 🇵🇸 @MomenSoliman5]

بيجيلك بانيك اتاك بعد ما بتعمل ميرج ريكويست؟

[Ashraf. @AhmedA_Mahmoud]

مساء الفل
انا للأسف حصلتلي شوية ظروف وفقدت شغلي وبدور على شغل remote او في اوروبا لو حد عنده فرصة ل Mid/Senior Data Engineer ياريت يبعتلي وشكراً

[Eren 🇵🇸 @MomenSoliman5]

صاحبي شايلني طول العمر قولت اشيله حتي مرة

[Mishtar @AhmedHemaz]

صباح الخير و جمعة مباركة
صاحبتي اتعملها layoff الاسبوع دا في الامارات
هي frontend شاطرة جدا جدا جدا
لو فيه فرصة في الامارات او ريموت ممكن تساعدوا
لو ما تعرفش ممكن ريتويت

[حكيم @Hakim17K]

ازيكم يا شباب .. جالي إخطار من الشركة إنها مش هتجدد العقد وناقصلي شهر ونص .. بدور على فرصة إن شاء الله ك Software Engineer/ .NET Developer
اشتغلت Microservices/ RabbitMQ/ Azure DevOps وعندي خبرة سنة على مشاريع Fintech .. جاهز أشتغل بأي ستاك تاني لو حد يقدر يساعد يبقى كتر خيره

[Ivan @mohamedalcafory]

الواحد حاسس بشعور مش لطيف بشكل عام وانا لا احتمل اني اقعد من غير دخل وكلها ارزاق بايد ربنا الحمدلله علي كل شيء فات وجاي
لو حد قدامه شغل backend python developer انا خبرة ٣ سنين
بليز ريتويت

[spiderwoman @Basmalaa_123]

بيقولو فرص الشغل هنا أسهل من لينكدان
بقالي فتره بدور علي بوزيشن senior Frontend developer شغاله انجولار وشويه React
Open to learn
بتمني تكون fully remote or hybrid
اللي عنده بوزيشن يعرفني وهدخل ابعتله my cv