HH

[Myanmar Now @Myanmar_Now]

စစ်ခေါင်းဆောင်၏ အိန္ဒိယခရီးစဉ် ဖျက်သိမ်းရေး
နယူးဒေလီရှိ မြန်မာသံရုံးရှေ့ ဆန္ဒပြမည်

https://t.co/2HS8IrtxJN

[HH @Mrsaxopeace]

Free Daw Aung San Su Kyi

[Dr. Sasa @DrSasa22222]

အကြမ်းဖက် စစ်ကောင်စီ ဆီသင်္ဘောကို NUG ရန်ကုန်တိုင်း ပကဖ ဖောက်ခွဲတိုက်ခိုက်
---
In Yangon, the courageous freedom fighters of Myanmar have successfully intercepted a military junta navy ship transporting jet fuel intended to sustain their relentless air strike campaign against the Myanmar population. We have consistently urged the international community to take action to halt the military junta's aerial assaults by imposing sanctions on jet fuel supplies to their air forces. It is imperative that the international community utilizes all available means to put an end to these grave acts of crimes against humanity by implementing sanctions on jet fuel destined for the Myanmar military junta.
---
Source: #NUG #MOD
သတင်းထုတ်ပြန်ချက်
လေယာဥ်ဆီသင်္ဘောကို ရန်ကုန်တိုင်း ပကဖ တိုက်ခိုက်
၂၀၂၄ ခုနှစ်၊ မတ်လ (၁) ရက်နေ့
အကြမ်းဖက်စစ်ကောင်စီ၏ စစ်လေယာဥ်၊ စစ်ရဟတ်ယာဥ်များတွင် အသုံးပြုမည့် လေယာဥ်ဆီ သယ်ဆောင်လာသည့် လေယာဥ်ဆီတင် သင်္ဘောကို ၂၀၂၄ ခုနှစ်၊ ဖေဖော်ဝါရီလ (၂၉) ရက်နေ့၊ ညနက်ပိုင်းတွင် ရန်ကုန် MEC ထီးတန်းဆိပ်ကမ်း၌ ရန်ကုန်တိုင်းပကဖ (ရေငုပ်အထူးတပ်ဖွဲ့)က ဖောက်ခွဲတိုက်ခိုက်ခဲ့ကြောင်း အတည် ပြုထုတ်ပြန်အပ်ပါသည်။

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

[Khit Thit Media @Khithitofficial]

ထိုင်းလွှတ်တော်တွင် NUG နိုင်ငံခြားရေးဝန်ကြီး၊ KNU နှင့် NUCC တို့ ပါဝင်တက်ရောက်နေသည့် မြန်မာ့အရေးဆွေးနွေးပွဲကို စစ်ကောင်စီက လျှို့ဝှက် ကန့်ကွက်စာပေးပို့သော်လည်း ဆက်လက်ကျင်းပနေ
Read more->https://t.co/JoghdikReO

[Khit Thit Media @Khithitofficial]

စစ်ကောင်စီတပ်သားများ "မသေလိုလျှင် အလံဖြူထောင်ရန် ၊ ထွက်ပြေး လိုလျှင် လမ်းဖွင့်ပေးပါ ခွင့်တောင်းရန်" AA စစ်ဦးစီးချုပ် သတိပေး
Read more->https://t.co/DzseOQncgC

[Dr. Sasa @DrSasa22222]

မည်သည့်တော်လှန်ရေး လုပ်ဆောင်ချက်မျိုးမဆို လူထုရဲ့အင်အားနဲ့ ပေါင်းစပ်ပြီး လုပ်နိုင်မှ ကြီးမားသော သက်ရောက်မှုရှိမယ်

" အမျိုးသားညီညွတ်ရေးအစိုးရ၊ နိုင်ငံတော်ယာယီသမ္မတ ဒူဝါလရှီးလမှ ပြည်သူများထံသို့ သတင်းစကား "

၂၀၂၃ ခုနှစ်၊ နိုဝင်ဘာလ (၁၃) ရက်

“နွေဦးတော်လှန်ရေးဆိုတာ လူထုတော်လှန်ရေးကြီးဖြစ်တယ်။ ဒါ့ကြောင့် မည်သည့်တော်လှန်ရေး လုပ်ဆောင်ချက်မျိုးမဆို လူထုရဲ့အင်အားနဲ့ ပေါင်းစပ်ပြီး လုပ်နိုင်မှ ကြီးမားသော သက်ရောက်မှုရှိမယ်လို့ ပြောချင်ပါတယ်။”

[Tayzar San @TayzarSan]

❝ ဖက်ဆစ်တပ်ကို စွန့်ခွာကြ ပြည်သူ့ရင်ခွင် ခိုလှုံကြ

၁၀၂၇ လှိုင်းတွေကို အောင်သပြေနဲ့ ကြိုဆို ❞

#အောင်သပြေ_လူထုလှုပ်ရှားမှု
#aungthapyaymovement
#1111movement
#ပြည်သူ့ရင်ခွင်ခိုလှုံကြ

[Dr. Sasa @DrSasa22222]

စစ်ကောင်စီ အနေနဲ့ ဘယ်လောက်အထိ အင်အားချိနဲ့နေပြီလဲဆိုတာကို မျက်ဝါးထင်ထင် တွေ့

ဒီရက်တွေအတွင်းမှာ စစ်ရေးအရှိန်ကောင်းမွန်လာမှုတွေနဲ့အတူ တော်လှန်ရေးအတွက် စိတ်အားတက်ကြွစရာ သတင်းတွေကအတော်များတာမို့ ၂ နှစ်ကျော် ၃ နှစ်နီးပါး စိတ်ရောလူပါပင်ပန်း နေကြတဲ့ ကျွန်တော်တို့ ပြည်သူတွေအပါအဝင် တော်လှန်ရေးအင်အားစုတွေအားလုံး စိတ်ပျော်ရွှင်နေကြမယ့် အချိန်ဖြစ်မယ်လို့ထင်ပါတယ်။ ဆက်လက်ပြီး တော်လှန်ရေးအောင်ပွဲတွေ ဆက်လာဦးမယ်လို့လည်း ယုံကြည်ပါတယ်။ရှမ်းမြောက်က ၁၀၂၇ စစ်ဆင်ရေးတွေနဲ့ ကရင်နီဒေသက ၁၁၀၇ စစ်ဆင် ရေးကိုကြည့်ရင် တချို့တပ်ရင်းတွေဆိုရင် အားစိုက်ပြီး မတိုက်ခိုက်ရဘဲ အလွယ်တကူ သိမ်းနိုင်တာ၊ တချို့ဆို တပ်ရင်းလိုက် အလင်းဝင်လာတာတွေကို တွေ့ရမှာဖြစ်ပါတယ်။ ဒါတွေကို သုံးသပ်ကြည့် လိုက်မယ်ဆိုရင် ပြည်သူ့နွေဦးတော်လှန်ရေးဟာ ဘယ်လောက်ထိ အားကောင်းနေပြီး စစ်ကောင်စီ အနေနဲ့ ဘယ်လောက်အထိ အင်အားချိနဲ့နေပြီလဲဆိုတာကို မျက်ဝါးထင်ထင် တွေ့ကြလိမ့်မယ်လို့ ထင်ပါတယ်။

(ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး အမှတ်စဉ် (၄၅/၂၀၂၃) တွင် ပြောကြားခဲ့သော ပြည်ထောင်စုဝန်ကြီးချုပ်၏ မိန့်ခွန်းမှ)

[Khit Thit Media @Khithitofficial]

ကောလင်းမြို့အတွင်း ပြည်သူများ ပြန်လည် နေထိုင်နိုင်ပြီးဖြစ်ကြောင်း NUG အစိုးရ၏ ခရိုင်ပေါင်းစပ်ညှိနှိုင်းရေးအဖွဲ့က အသိပေး ထုတ်ပြန်
Read more->https://t.co/o9nEDe7oyZ

[Khit Thit Media @Khithitofficial]

လောက်ကိုင်တွင် ခမရ ၁၂၉ မှ တပ်ရင်းမှူး ဦးဆောင်သော တပ်ဖွဲ့ဝင် ၁၂၆ ဦး နှင့် မိသားစုဝင် ၁၃၄ ဦး တပ်ရင်းတစ်ခုလုံး စုစုပေါင်းအင်အား ၂၆၂ ဦး MNDAA ထံတွင် အလင်းဝင်
Read more->https://t.co/LTXKzaODWV

[Dr. Sasa @DrSasa22222]

“အကြမ်းဖက် ဖက်ဆစ် စစ်တပ်ဟာ ကျင့်ဝတ်သိက္ခာ လုံးဝမရှိတဲ့ စစ်ရာဇဝတ်ကောင်များသာ ဖြစ်တယ်ဆိုတာကို နိုင်ငံတကာကပါ သိရှိပြီး ဖြစ်နေပါပြီ။ ပြည်သူက မွေးဖွားပေးလိုက်တဲ့ ကျွန်တော်တို့ရဲ့ ပြည်သူ့သားကောင်း စစ်သည်တော်တွေဟာ စစ်သည်ကျင့်ဝတ်များကို အမှန်စင်စစ် လိုက်နာကျင့်သုံးနေကြောင်း ကမ္ဘာသိပြနိုင်ဖို့ ရဲဘော်တိုင်း ကြိုးစားကြဖို့ မှာကြားလိုပါတယ်။”

[Khit Thit Media @Khithitofficial]

ကောလင်း မြို့ကို သိမ်းပိုက်ပြီးနောက် ပြည်သူ့တော်လှန်ရေး အလံတော်ကို လွှင့်ထူ
Read more->https://t.co/pHAufaDMKe

[National Unity Government Myanmar @NUGMyanmar]

Kawlin, the first town in Sagaing Region is now under control of the People's Defence Forces (PDF) and allied forces.
Together, we win.
#WhatsHappeningInMyanmar

[Zin Mar Aung @ZinMarAungNUG]

Together, we win!

[Dr. Sasa @DrSasa22222]

ဂန့်ဂေါမြို့နယ်၊ မင်းရွာရဲစခန်း သိမ်းပိုက်နိုင်ခဲ့

ရန်သူ့တပ်သား (၆) ဦး သေဆုံး၊ စစ်သုံ့ပန်းအဖြစ် (၁၁) ဦး လက်နက်ချ အညံ့ခံ သေနတ်(၁၇)လက် အပါအဝင် လက်နက်ကြီး၊ ကျည်ဆံများနှင့်စစ်အသုံးအဆောင်များ သိမ်းဆည်းရရှိခဲ့

၂၀၂၃ ခုနှစ်၊ နိုဝင်ဘာလ (၄) ရက်နေ့
၂၀၂၃ ခုနှစ်၊ နိုဝင်ဘာလ (၃) ရက်နေ့၊ မနက်(၅:၅၀) နာရီခန့်မှ မနက်(၁၀) နာရီခန့်အထိ မကွေးတိုင်း၊ ဂန့်ဂေါခရိုင်၊ဂန့်ဂေါမြို့နယ်၊မင်းရွာရဲကင်းစခန်းအား ပြည်သူ့ကာကွယ်ရေး တပ်မတော်(PDF) ဂန့်ဂေါခရိုင် အမှတ်(၁/၇/၁၁/၁၂/၁၄/၁၉)တပ်ရင်း၊ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF)၊နယ်မြေခံ ပကဖ တို့ပူးပေါင်းကာ စခန်းသိမ်း တိုက်ပွဲဆင်နွှဲခဲ့သည်။

တိုက်ပွဲအတွင်း ရန်သူ့တပ်သား (၆) ဦး သေဆုံးကာ စစ်သုံ့ပန်းအဖြစ် (၁၁) ဦး လက်နက်ချ အညံ့ခံခဲ့ပြီး (၄) ဦး စခန်းစွန့်ခွာ ထွက်ပြေးသွားခဲ့သည်။

Source #NUG #MOD #PDF

[Dr. Sasa @DrSasa22222]

"ကောလင်းမြို့သိမ်း အောင်ပွဲ အမှတ်တရ ဂုဏ်ပြုစကား"
၂၀၂၃ ခုနှစ်၊ နိုဝင်ဘာလ ၆ ရက်
အမှတ် (၁) စစ်ဒေသ၊​ ကောလင်းခရိုင်ကွပ်ကဲရေး၏ ကွပ်ကဲမှုဖြင့် ပြည်သူ့ကာကွယ်ရေးတပ်မတော် (PDF)၊ ပြည်သူ့ကာကွယ်ရေးအဖွဲ့ (ပကဖ) နှင့် မဟာမိတ် ပူးပေါင်းတပ်ဖွဲ့များက စစ်ကိုင်းတိုင်း၊ ကောလင်းခရိုင်၏မြို့တော် ကောလင်းမြို့ကို ၂၀၂၃ ခုနှစ်၊ နိုဝင်ဘာလ (၆) ရက်နေ့တွင် အောင်မြင်စွာ တိုက်ခိုက် သိမ်းပိုက်နိုင်ခဲ့ကြောင်း သိရှိရသည့်အတွက် အထူးပင် ဝမ်းမြောက် ဂုဏ်ယူမိပါသည်။
ခရိုင်အဆင့်ရှိ မြို့တမြို့ကို ပထမဆုံးအကြိမ် အောင်မြင်စွာ တိုက်ခိုက်သိမ်းပိုက်နိုင်ခဲ့သည့် စစ်ဆင်ရေးတွင် ဦးဆောင်သူများနှင့် ပါဝင်သူများအားလုံးကို အထူးပင် ကျေးဇူးတင်ရှိပြီး မှတ်တမ်းတင် ဂုဏ်ပြုပါသည်။
စစ်ဆင်ရေးအတွင်း စွန့်စား ပေးဆပ် စွန့်လွှတ်သူများ အားလုံးကိုလည်း ထာဝရ အမှတ်ရစွာဖြင့် ဦးညွှတ် အလေးပြုရင်း မှတ်တမ်းတင် ဂုဏ်ပြုလိုက်ပါသည်။
နိုင်ငံတော် သမ္မတရုံး
အမျိုးသားညီညွတ်ရေးအစိုးရ

[Myaelatt Athan (မြေလတ်အသံ) @Myaelatt_Athan]

1 Nov: 2023
ထီးချိုင့်မှာ 1027 စစ်ဆင်ရေး တိုက်ပွဲပြင်းထန် ၂ ဖက်အကျအဆုံးရှိ
သတင်းအပြည့်အစုံ - https://t.co/ANfwH2xfqE

#Myaelatt

[Tayzar San @TayzarSan]

ခလရ (၁၄၃)။

ရှမ်းမြောက်မှာ တပ်ရင်းတရင်းလုံး ပြည်သူနဲ့ ပူးပေါင်းရပ်တည်၊ အလင်းဝင်လာပါပြီ။

#တလှိုင်းပြီးတလှိုင်းလာမယ်

#WhatsHappeninglnMyanmar

[Dr. Sasa @DrSasa22222]

ညီနောင်မဟာမိတ် (၃) ဖွဲ့နဲ့အတူ မဟာမိတ်ပူးပေါင်းတပ်များက “၁၀၂၇ စစ်ဆင်ရေးကြီး” ကို မဟာဗျူဟာကျကျ ဆင်နွှဲနေပါတယ်။ ရက်တိုကာလအတွင်း ရရှိခဲ့တဲ့ အောင်မြင်မှုတွေကို ကျွန်တော့်အနေနဲ့ အလေးအနက်ထား ဂုဏ်ယူ
အမျိုးသားညီညွတ်ရေးအစိုးရ ၃၄ ကြိမ်မြောက် အစိုးရအဖွဲ့အစည်းဝေးပြုလုပ်
ညီနောင်မဟာမိတ် (၃) ဖွဲ့အပါအဝင် မဟာမိတ်တပ်ဖွဲ့များ အားလုံးနဲ့အတူ တတိုင်းပြည်လုံးက ရပ်တည်နေသလို အမျိုးသားညီညွတ်ရေးအစိုးရကလည်း တသားတည်းရပ်တည်နေတယ်လို့ ယာယီသမ္မတ ဒူဝါလရှီးလပြောကြား
အောက်တိုဘာ ၃၁ ၊ ၂၀၂၃
အမျိုးသားညီညွတ်ရေးအစိုးရရဲ့ ၃၄ ကြိမ်မြောက် အစိုးရအဖွဲ့အစည်းအဝေးကို ဒီနေ့မနက် ၁၀ နာရီမှာပြုလုပ် ခဲ့ကြ ပါတယ်။ အစည်းအဝေးကို ယာယီသမ္မတ ဒူဝါလရှီးလ၊ ပြည်ထောင်စုဝန်ကြီးချုပ် မန်းဝင်းခိုင်သန်းတို့ အပါအဝင် ပြည်ထောင်စုဝန်ကြီးတွေ၊ ဒုဝန်ကြီးတွေ တက်ရောက်ခဲ့ကြပါတယ်။
အစည်းအဝေးမှာ ယာယီသမ္မတ ဒူဝါလရှီးလက အဖွင့်မိန့်ခွန်းပြောကြားခဲ့ပြီးနောက် ပြည်ထောင်စု ဝန်ကြီးချုပ်က မိန့်ခွန်း ပြောကြားခဲ့ပါတယ်။
ယာယီသမ္မတ ဒူဝါလရှီးလက “အခုချိန်မှာ ကျွန်တော်တို့အားလုံး သိတဲ့အတိုင်း ညီနောင်မဟာမိတ် (၃) ဖွဲ့နဲ့အတူ မဟာမိတ်ပူးပေါင်းတပ်များက “၁၀၂၇ စစ်ဆင်ရေးကြီး” ကို မဟာဗျူဟာကျကျ ဆင်နွှဲနေပါတယ်။ ရက်တိုကာလအတွင်း ရရှိခဲ့တဲ့ အောင်မြင်မှုတွေကို ကျွန်တော့်အနေနဲ့ အလေးအနက်ထား ဂုဏ်ယူပါကြောင်းပြောလိုပါတယ်။ တိုက်ပွဲဝင်နေကြတဲ့ ညီနောင်မဟာမိတ် (၃) ဖွဲ့အပါအဝင် မဟာမိတ်တပ်ဖွဲ့များ အားလုံးနဲ့အတူ တတိုင်းပြည်လုံးက ရပ်တည်နေသလို ကျွန်တော်တို့ အမျိုးသားညီညွတ်ရေးအစိုးရ (NUG) ကလည်း တသားတည်းရပ်တည်နေပါကြောင်း အလေးအနက်ထား ပြောကြားလိုပါတယ်။ စွန့်လွှတ်ပေးဆပ်သွားကြတဲ့ သူရဲကောင်းများအားလုံးကို ကျွန်တော်တို့အားလုံး ထာဝရ အမှတ်ရစွာနဲ့ ဦးညွှတ်ဂုဏ်ပြုနေမှာဖြစ်ပါတယ်။ စွန့်လွှတ်ပေးဆပ်မှု တခုချင်းစီတိုင်း အလဟဿ ဖြစ်မသွားစေဘဲ ထိုက်တန်တဲ့ မျှော်ရည်ပန်းတိုင်ကို ရယူနိုင်ဖို့ ကျွန်တော်တို့အားလုံး အဆက်မပြတ် အားထုတ်နေကြရမှာ ဖြစ်ပါတယ်။ လူထုတရပ်လုံးအနေနဲ့လည်း တော်လှန်ရေးရဲဘော်တွေ ပိုမိုပြီး ခွန်အားတက်ကြွစေဖို့ ဆက်ပြီး အခိုင်အမာ အားပေးထောက်ခံသွားကြပါလို့ အထူးတိုက်တွန်း လိုပါတယ်။ တော်လှန်ရေးနဲ့ပတ်သက်ပြီး လူထုရဲ့မျှော်လင့်ချက်နဲ့ စိတ်အားတက်ကြွမှုတွေဟာ စစ်ရေး စွမ်းဆောင်မှုတွေအပေါ် အများကြီး မူတည်ပါတယ်။ ဒါကြောင့် ကျွန်တော်တို့ဟာ မဟာမိတ် ဆက်ဆံရေး ဒီ့ထက်ပိုပြီး အားကောင်း ခိုင်မာစေဖို့နဲ့ နိုင်ငံတဝန်းမှာ မဟာဗျူဟာကျကျ ဟန်ချက် ညီစွာ “တသံတည်းညီ တချီတည်းရုန်း” ကြဖို့ ဆထက်တံပိုး အားထုတ်သွားရမှာ ဖြစ်ပါတယ်။” လို့ ပြောကြားပါတယ်။
ဆက်လက်ပြီးတော့လည်း “မင်းအောင်လှိုင်နဲ့ ကိုယ်ကျိုးရှာ အကြမ်းဖက်စစ်တပ်၏ ဖျားယောင်းမှုတွင် မှိုင်းမိရုန်းကန်နေရသော တိုင်းချစ်ပြည်ချစ် စိတ်ဓါတ်ရှိသည့် ရဲဘော်ရဲဘက်များ၊ ပြည်သူ့စစ်များ၊ ပျူစောထီးများအနေဖြင့် အချိန်မလင့်မှီ ချက်ချင်း သက်ဆိုင်ရာတိုင်းရင်းသားလက်နက်ကိုင် တော်လှန်ရေးအဖွဲ့များနှင့် PDFs များထံ လက်နက်ချလာရောက်ပူးပေါင်းကြဖို့ တိုက်တွန်းလိုပါတယ်။
နွေဦးတော်လှန်ရေးရဲ့ လက်နက်ကိုင်တော်လှန်ရေးကဏ္ဍမှာ ကာကွယ်ရေးဝန်ကြီးဌာနဟာ အမျိုးသားညီညွတ်ရေးအစိုးရအဖွဲ့ထဲက အဓိက ဝန်ကြီးဌာနဖြစ်ပါတယ်။ ဒါကြောင့်လည်း လုပ်ငန်း တာဝန်တွေ ကြီးမားများပြားလှပါတယ်။ ဒီနေရာမှာ ကာကွယ်ရေးဝန်ကြီးဌာနရဲ့ စွမ်းဆောင် အောင်မြင်မှုတွေကို ကျွန်တော့်အနေနဲ့ အသိအမှတ်ပြု ကျေးဇူးတင်ပါကြောင်း မှတ်မှတ်ရရ ပြောလို ပါတယ်။ တာဝန်ရှိသူ အဆင့်ဆင့်အနေနဲ့လည်း Code of Conduct (CoC) ကို အထူးကြပ်မတ်ပြီး ကိုယ်တိုင်လည်း လိုက်နာဆောင်ရွက်ကြဖို့ သတိပေးလိုပါတယ်။ အခုဆိုရင် တော်လှန်ရေးရဲဘော်တွေ စစ်မြေပြင်မှာ ထိုးစစ်ဆင်တာတွေ/ ဒရုန်းနဲ့တိုက်ခိုက်မှုတွေကနေ စစ်ရေးအောင်မြင်မှုအပေါ် အတော် လေး အထောက်အကူ ပြုလာနိုင်သလို ထုတ်လုပ်မှု အပိုင်းမှာလည်း အဆင့်မြင့်လာတာ တွေ့ရပါတယ်။ အားရဖို့လည်း ကောင်းပါတယ်။ ဒါပေမယ့်လည်း နည်းပညာဆိုတာက ရပ်တန့်နေတာမဟုတ်ပါဘူး။ ကျွန်တော်တို့ ပိုပြီး အာရုံစိုက် ကြိုးစားသွားရမှာ ဖြစ်ပါတယ်။ လက်နက်ထုတ်လုပ်မှုနဲ့ နည်းပညာ မြှင့်တင်မှု အပိုင်းဟာ တော်လှန်ရေး အောင်မြင်မှုကို အရှိန်မြှင့်ပေးမယ့် စွမ်းအင်လောင်စာဖြစ်ပါတယ်။ ဒါကို ပြည်သူလူထုက သိမြင်ပြီး ထောက်ပံ့လာအောင် သတင်းစကားပါးရမှာ ဖြစ်ပါတယ်။” လို့ ယာယီသမ္မတ ဒူဝါလရှီးလက ပြောပါတယ်။
ဒါအပြင် တော်လှန်ရေးကာလမှာ ‘တော်လှန်ရင်း တည်ဆောက်၊ တည်ဆောက်ရင်း တော်လှန်’ ဆိုတဲ့ ခံယူချက်နဲ့ လုပ်ဆောင်ရမှာဖြစ်ကြောင်း၊ တည်ဆောက်တယ်ဆိုတဲ့နေရာမှာ လူအင်အား၊ လက်နက်အင်အား၊ နည်းပညာနဲ့ စွမ်းရည်အပြင် စိတ်ဓာတ်နဲ့ ကျင့်ဝတ်စည်းကမ်းတွေကိုလည်း တည်ဆောက်ရမှာဖြစ်ကြောင်းနဲ့ တော်လှန်ရေးနဲ့ တည်ဆောက်ရေးကို ပိုပြီးတော့ ဟန်ချက်ညီညီ လုပ်ဆောင်ပြီး တော်လှန်ရေး အရှိန်ကို မြှင့်တင်ကြဖို့အတွက်လည်း ယာယီသမ္မတက တိုက်တွန်း ပြောကြားခဲ့ပါတယ်။
ပြည်ထောင်စုဝန်ကြီးချုပ် မန်းဝင်းခိုင်သန်းက “ရက်ပေါင်း ၁၀၀၀ ပြည့်မြောက်ခဲ့ပြီဖြစ်တဲ့ ကျွန်တော်တို့ရဲ့ ပြည်သူ့တော်လှန်ရေးကြီးဟာ ခိုင်မာတဲ့စိတ်ဓာတ်များနဲ့အတူ အဆုံးသတ်အောင်ပွဲ အတွက် ယုံကြည်မှုအပြည့်နဲ့ ဆက်လက် အားကောင်းနေဆဲ ဖြစ်တာကြောင့် ဒီခရီး ဒီလမ်းကို မယိုင်မလဲ အတူလျှောက်လှမ်းခဲ့ကြသော ပြည်သူတရပ်လုံးကို လေးစားဦးညွှတ်ကြောင်း ဦးစွာပြောကြားလိုပါတယ်။ ယခုရက်ပိုင်းတွေအတွင်းမှာလည်း မဟာမိတ်များရဲ့ ၁၀၂၇ စစ်ဆင်ရေးအောင်မြင်မှုဟာ ပြည်သူတရပ်လုံးကို စိတ်အား အလွန်တက်ကြွစေခဲ့ပြီး ရှေ့ဆက်ကြရမယ့် အဆုံးသတ်တိုက်ပွဲ ခရီးအတွက်တော့ အတော့်ကို အင်အားရှိစေခဲ့တဲ့ အောင်မြင်မှုတွေပဲ ဖြစ်ပါတယ်။ စစ်ဆင်ရေး ကာလ ၄ ရက်အတွင်းမှာပင် စခန်းကြီး၊ စခန်းငယ်ပေါင်း ၅၇ ခုကျော် သိမ်းပိုက်နိုင်ခဲ့ပြီး အကြမ်းဖက် စစ်ကောင်စီတပ်သား ရာချီကျဆုံးကာ မြို့များကိုပါ ထိန်းချုပ် ဝိုင်းပတ်နိုင်ခဲ့တာ အားလုံးအသိပဲ ဖြစ်ပါတယ်။ ကျွန်တော်တို့ ပြည်သူ့တော်လှန်ရေးကြီးမှာ MNDAA, TNLA, AA တို့နဲ့အတူ နွေဦးတော်လှန်ရေးက မွေးထုတ်ပေးလိုက်တဲ့ တော်လှန်ရေးအင်အားစုတွေ ပူးပေါင်းစစ်ဆင်တယ် ဆိုတာဟာ ကျွန်တော်တို့ ပြည်သူတွေမျှော်လင့်ကြတဲ့ Symbolic လို့ပြောရမယ့် ကြီးမားတဲ့ မဟာမိတ်စုဖွဲ့မှုကို အပြောသက်သက်မဟုတ်၊ အလုပ်နဲ့သက်သေပြတာပဲ ဖြစ်ပါတယ်။ နိုင်ငံရေးအနေနဲ့ မဟာမိတ်တပ်မတော်များဟာ ပြည်သူလူထုရဲ့ တခဲနက် ထောက်ခံအားပေးမှုကို အလွန် တန်ဖိုးထားတယ်ဆိုတာလည်း ၎င်းတို့ထုတ်ပြန်ကြေငြာချက်မှာ အထင်းသား မြင်ရ ပါတယ်။ ဒါကြောင့် ကျွန်တော်တို့ အမျိုးသားညီညွတ်ရေးအစိုးရအနေနဲ့ ပြည်သူနဲ့အတူ နွေဦး တော်လှန်ရေးရဲ့ မဟာမိတ်တပ်ပေါင်းစုကို အဖက်ဖက်က ဝိုင်းဝန်းထောက်ခံအားပေး ဝန်းရံပေး ကြဖို့ အလွန်အရေးကြီးပါတယ်။ ယခုလို စုပေါင်းစစ်ဆင်ရေးတွေကနေတဆင့် အရှိန်အဟုန် တင်ကာ တစ်လှိုင်းပြီးတစ်လှိုင်း အကြမ်းဖက်စစ်ကောင်စီကို မိမိတို့ ဒေသအသီးသီးမှ ဝိုင်းဝန်း သုတ်သင်ကြပါက အောင်စည်အောင်မောင်းတီးနိုင်ဖို့ အခြေအနေဟာ များမကြာမီမှာ ရောက်ရှိ လာမှာဖြစ်ပါတယ်။ ဒီလိုအခြေအနေဟာ အလစ်အငိုက် ဖြစ်တောင့်ဖြစ်ခဲဖြစ်ပြီး ကျွန်တော်တို့ အားလုံး နိုင်ငံရေး၊ စစ်ရေး၊ မဟာမိတ်အရေးတို့ကို တက်ညီလက်ညီ ပူးပေါင်းဆောင်ရွက် သွားကြပါက မျှော်လင့်ထားတာထက် ပိုမိုလျင်မြန်စွာ ပြည်သူ့အောင်ပွဲကို ရရှိသွားနိုင်ပါကြောင်း အလေးအနက် ပြောကြားလိုပါတယ်။” လို့ ပြောကြားပါတယ်။
ဆက်လက်ပြီးတော့လည်း “စစ်ကောင်စီဟာ ပြည်သူ့ထံက အာဏာလုခဲ့တဲ့ ရက်ပေါင်း ၁၀၀၀ အတွင်း အုပ်ချုပ်ရေး ကဏ္ဍဘက်လည်း ကောင်းစွာ စီမံအုပ်ချုပ်နိုင်ခြင်းမရှိ၊ စီးပွားရေးကဏ္ဍဘက်မှာလည်း အခြေခံ ပြည်သူတွေ ဒုက္ခအတိရောက်ရတဲ့အထိ ကမောက်ကမတွေဖြစ်နေပြီး နိုင်ငံခြားရေးကဏ္ဍ ဘက်မှာလည်း နိုင်ငံတကာ အစည်းအဝေးတစ်ခု တက်နိုင်ဖို့တောင် ကန့်ကွက်မှုတွေ ရင်ဆိုင်ရတဲ့အထိ ဘက်ပေါင်းစုံမှာ လဲပြိုနေတာ အားလုံးအသိပဲ ဖြစ်ပါတယ်။ အခုဆိုရင် သူတို့ရဲ့ တစ်ခုတည်းသော ထောက်တိုင်ဖြစ်တဲ့ စစ်ရေးကဏ္ဍဘက်မှာတောင် အခြေအနေတွေ အလွန် ဆိုးဝါးနေပြီမို့ ဒီအခြေအနေ အခွင့်ကောင်းကို ကျွန်တော်တို့ လက်မလွှတ်လိုက်ဘဲ ဆက်လက် အားကုန်ရုန်းကန်ကြရမှာ ဖြစ်ပါတယ်။
ဒီနေ့ဆိုရင် ကာကွယ်ရေးဝန်ကြီးဌာနကလည်း လတ်တလော စစ်ရေးအရှိန်မြှင့်တင်မှု အခြေအနေတွေ တင်ပြမှာဖြစ်လို့ စစ်ရေးအရှိန်မြှင့်တင်မှုရဲ့ နောက်ဆက်တွဲအဖြစ် လုပ်ဆောင် ကြရမယ့် ကဏ္ဍတွေအတွက်လည်း တပါတည်း ဝိုင်းဝန်းဆွေးနွေးပေးကြဖို့ တိုက်တွန်းလိုပါတယ်။ အခုဆိုရင် လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာန ဘက်မှလည်း မြောက်ပိုင်းက စစ်ရှောင်စာရင်းတွေ ရသလောက်စုစည်းနေပြီး ကူညီထောက်ပံ့မှု တွေ ပြုလုပ်နိုင်အောင် စီမံနေတယ်လို့ သိရပါတယ်။ အဲဒီအတွက်လည်း မြန်မြန်ဆန်ဆန်နဲ့ ပြည်သူကို ကူညီပေးနိုင်ဖို့ စီမံဆောင်ရွက်နေတဲ့ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနကိုလည်း ကျေးဇူးတင်ပါတယ်။ ကျန်းမာရေး ဝန်ကြီးဌာနအနေနဲ့လည်း ချိတ်ဆက်လာတဲ့ ကျန်းမာရေးစောင့်ရှောက်မှုုဆိုင်ရာ ကိစ္စတွေအတွက် အချိန်နဲ့တပြေးညီ လုပ်ဆောင်ဖို့ ကြိုးပမ်းနေတယ်လို့လည်း သိရတာကြောင့် စစ်ရှိန်မြင့်လာမှု နောက်မှာ လိုအပ်တဲ့ လိုအပ်ချက်အသီးသီးအတွက်၊ ကြိုတင်ပြင်ဆင်ရမယ့် ကဏ္ဍအသီးသီး အတွက် ဝန်ကြီးဌာနများအားလုံး ပူးပေါင်းဆောင်ရွက်ကြဖို့လည်း လိုအပ်မှာ ဖြစ်ပါတယ်။ ” လို့ ပြည်ထောင်စုဝန်ကြီးချုပ်က ပြောကြားခဲ့ပါ တယ်။
ဒါ့အပြင် ရက်ပေါင်း ၁၀၀၀ ပြည့်ခဲ့သည်အထိ တော်လှန်ရေးတာဝန်တွေကို မိမိတို့တတ်နိုင်တဲ့ ကဏ္ဍဘက်မှ ပါဝင်ကာ တစ်ရက်မှမနားဘဲ တစိုက်မတ်မတ် ထမ်းဆောင် နေကြတဲ့ တော်လှန်ရေးရဲ ဘော်များအားလုံးကို အထူးလေးစားဂုဏ်ယူကြောင်း ၊ မကြာခင်မှာ အဆုံးသတ်အောင်ပွဲ တက်လှမ်းနိုင်တော့မယ်ဆိုတာ အပြည့်အဝ ယုံကြည်ကြောင်း ပြည်ထောင်စုဝန်ကြီးချုပ်က ပြောကြားခဲ့ပါ တယ်။
အစည်းအဝေးမှာ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ၊ ပြည်ထောင်စုဝန်ကြီး ဦးလွင်ကိုလတ်က နှစ်သောင်းကျပ်တန် တားဆီးရေးကြေညာချက် တင်ပြတာ ၊ ကာကွယ်ရေး ဝန်ကြီးဌာနက လက်တလောစစ်ရေးအရှိန်မြှင်တင်မှုတွေကို တင်ပြတာ ၊ ဖက်ဒရယ်ရေးရာဝန်ကြီးဌာနက NCA စာချုပ်နဲ့ ပတ်သတ်ပြီး အမျိုးသားညီညွတ်ရေး အစိုးရ ရဲ့ သဘောထားထုတ်ပြန်ကြေညာ ရန် တင်ပြတာ ၊ အမျိုးသမီး ၊ လူငယ်နှင့် ကလေးသူငယ်ရေးရာဝန်ကြီးဌာနက အမျိုးသားညီညွတ်ရေး အစိုးရရဲ့ “ကလေးသူငယ် အကာအကွယ်ပေးရေးမူဝါဒ” အကြောင်းတင်ပြတာ နဲ့ သမ္မတရုံးအတွင်းဝန် က Strategic Communication and Public Realtions Unit ဖွဲ့စည်းတာနဲ့ အဖွဲ့ဝင်များ အတည်ပြု နိုင်ရန် တင်ပြတာ အစရှိတဲ့ ကိစ္စရပ်တွေကို ဆွေးနွေးမှုတွေ ပြုလုပ်ခဲ့ပါတယ်။
အဲဒီနောက် ပြည်ထောင်စု ဝန်ကြီးချုပ်က တင်ပြလာတာတွေကို ပြန်လည်ရှင်းလင်း ဆွေးနွေးပြီး ယာယီသမ္မတက နိဂုံးချုပ်အမှာ စကားပြောကြားကာ အစည်းအဝေးကို ရုပ်သိမ်းခဲ့ပါတယ်။

[Dr. Sasa @DrSasa22222]

“အမျိုးသားညီညွတ်ရေးအစိုးရ #NUG #Myanmar ၏
တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် #NCA အပေါ် မူဝါဒ သဘောထားထုတ်ပြန်ချက်”

အမျိုးသားညီညွတ်ရေးအစိုးရ (NUG) သည် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) နှင့်စပ်လျဉ်း၍ မူဝါဒသဘောထားကို ၂၀၂၁၊ ဒီဇင်ဘာလ (၂၁) ရက်နေ့တွင် ကျင်းပခဲ့သော ‘‘အစိုးရအဖွဲ့ အစည်းအဝေး’’ တွင် ချမှတ်နိုင်ခဲ့ပါသည်။ ယခုအခါ မတရားအာဏာသိမ်းရန် ကြိုးပမ်းနေသော အကြမ်းဖက် စစ်ကောင်စီက NCA စာချုပ်ကိုအသုံးချ၍ နိုင်ငံရေးထွက်ပေါက်ရှာရန် ကြိုးပမ်းမှုများ ဆောင်ရွက်နေခြင်း ကြောင့်သော်လည်းကောင်း၊ နိုင်ငံတကာအဖွဲ့အစည်းတချို့က NCA စာချုပ်အရ ဖွဲ့စည်းခဲ့သော ‘‘ပူးတွဲစောင့် ကြည့်ရေးကော်မတီ’’ (JMC) ကို အသုံးချ၍ လူသားချင်းစာနာထောက်ထားရေးအကူအညီများကို အကြမ်းဖက် စစ်ကောင်စီနှင့် ပူးပေါင်းပြီး ဆောင်ရွက်ရန် ကြိုးပမ်းမှုများရှိနေခြင်းကြောင့်သော်လည်းကောင်း အမျိုးသားညီညွတ်ရေး အစိုးရ (NUG) ၏ မူဝါဒသဘောထားကို အများပြည်သူ သိရှိနားလည်နိုင်စေရန် အောက်ပါအတိုင်းထုတ်ပြန် ကြေညာအပ်ပါသည်။
(၁) တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (NCA) သည် ပြည်ထောင်စု သမ္မတ မြန်မာနိုင်ငံတော်အစိုးရနှင့် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများအကြား ချုပ်ဆိုထားသော စာချုပ်ဖြစ်သည်။ အကြမ်းဖက် စစ်တပ်နှင့် ချုပ်ဆိုထားသောစာချုပ်မဟုတ်ပါ။

(၂) အကြမ်းဖက် စစ်တပ်သည် အာဏာသိမ်းရုံမျှဖြင့် အစိုးရတရပ် ဖြစ်မလာပါ။ မတရား အာဏာသိမ်းရန် ကြိုးပမ်းနေသော အကြမ်းဖက်စစ်ကောင်စီကို ပြည်ထောင်စုမြန်မာနိုင်ငံရှိ တိုင်းရင်းသား လူမျိုးအားလုံးနှင့် ပြည်သူ လူထုတရပ်လုံးကသော်လည်းကောင်း၊ နိုင်ငံတကာကသော် လည်းကောင်း အစိုးရအဖြစ် အသိအမှတ် ပြုခြင်း လုံးဝမရှိပါ။
(၃) ယနေ့အချိန်တွင် ပြည်ထောင်စုသမ္မတမြန်မာနိုင်ငံနှင့် ပြည်သူလူထုကို ကိုယ်စားပြုသော တရားဝင် အစိုးရမှာ အမျိုးသားညီညွတ်ရေးအစိုးရသာဖြစ်သည်။

(၄) NCA စာချုပ်သည် အကြမ်းဖက် စစ်တပ်နှင့်ချုပ်ဆိုထားသော စာချုပ်မဟုတ်ခြင်းနှင့် မတရား အာဏာသိမ်းရန် ကြိုးပမ်းနေသော အကြမ်းဖက် စစ်ကောင်စီသည် တရားဝင် အစိုးရ မဟုတ်ခြင်းတို့ကြောင့် NCA စာချုပ်ကို အကောင်အထည်ဖော်ရန် အကြမ်းဖက် စစ်ကောင်စီတွင် တာဝန်လည်း မရှိ၊ လုပ်ပိုင်ခွင့်လည်းမရှိပါ။

(၅) NCA စာချုပ်တွင် လက်မှတ်ရေးထိုးသည့် တိုင်းရင်းသား လက်နက်ကိုင် တော်လှန်ရေး အဖွဲ့အစည်းများ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ကလည်း ‘‘အာဏာသိမ်း စစ်ကောင်စီနှင့် နိုင်ငံရေး တွေ့ဆုံဆွေးနွေး ညှိနှိုင်းမှုများကို ရပ်ဆိုင်းထားကြောင်း’’ ၂၀၂၁၊ ဖေဖော် ဝါရီလ (၂၀) ရက်နေ့တွင် ထုတ်ပြန်ကြေညာခဲ့ပြီးဖြစ်ပါသည်။ ထို့အပြင် NCA စာချုပ်ကို လက်မှတ်ရေးထိုးခဲ့ကြသော မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)၊ ချင်းအမျိုးသားတပ်ဦး (CNF) နှင့် ကရင်အမျိုးသားအစည်းအရုံး (KNU- Karen National Union)၊ တို့က ၂၀၂၃ ခုနှစ် အောက်တိုဘာလ (၁၂) ရက်နေ့တွင် ‘‘စစ်အာဏာသိမ်းခြင်းသည် NCA အခြေခံမူနှင့် ရည်ရွယ်ချက်များကို ဖျက်ဆီးခြင်း ဖြစ်သလို ၂၀၀၈ ဖွဲ့စည်းပုံအခြေခံဥပဒေကိုလည်း ပျက်ပြယ်စေသည့်အတွက် NCA ကို အခြေခံသည့် လုပ်ငန်းစဉ်နှင့် ဆွေးနွေးပွဲ လမ်းကြောင်းများ ရပ်တန့်သွားခဲ့ပြီးဖြစ်သည်’’ ဟု ထုတ်ပြန်ကြေညာခဲ့သည်။

(၆) အမျိုးသားညီညွတ်ရေးအတိုင်ပင်ခံကောင်စီ (NUCC) အတွင်း ညှိနှိုင်းဆွေးနွေး သဘော တူညီချက်အရ ‘‘ပြည်ထောင်စုလွှတ်တော် ကိုယ်စားပြုကော်မတီ’’ (CRPH) က ၂၀၀၈ ဖွဲ့စည်းပုံ အခြေခံဥပဒေကို ဖျက်သိမ်းကြောင်း ကြေညာခဲ့ပါသည်။ ထို့ကြောင့် ၂၀၀၈ ဖွဲ့စည်းပုံ အခြေခံဥပဒေကို ‘‘ပြင်ဆင်ခြင်း၊ ဖြည့်စွက်ခြင်းနှင့် ပယ်ဖျက်ခြင်း’’ ပြုလုပ်ရန် ဟူသော ရည်ရွယ်ချက်ဖြင့် ချုပ်ဆိုထားသော NCA အရ ဆောင်ရွက်ခဲ့သည့် နိုင်ငံရေး ဆွေးနွေးပွဲ အဆင့်ဆင့်သည် အလိုအလျောက် ဦးတည်ချက်ပျောက်၍ အဓိပ္ပာယ်လည်း ကင်းမဲ့သွားကြပါသည်။

(၇) NCA စာချုပ်ကို အခြေခံ၍ ရေးဆွဲထားသော ‘‘နိုင်ငံရေးဆွေးနွေးမှုဆိုင်ရာမူဘောင်’’ နှင့် နိုင်ငံရေး ဆွေးနွေးပွဲယန္တရားများဖြစ်သည့် JICM၊ UPDJC နှင့် JMC တို့သည်လည်း ဦးတည်ချက်ပျောက်ကာ အကြမ်းဖက်စစ်ကောင်စီက အာဏာသိမ်းရန် ကြိုးပမ်းပြီးနောက်ပိုင်း အလိုအလျောက် ပျက်ပြယ် ရပ်တန့်သွားခဲ့ကြပါသည်။

(၈) ယခုအခါ စစ်မှန်သော ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် လိုအပ်သော နိုင်ငံရေးအခြေခံမူများနှင့်လုပ်ငန်းစဉ်အဆင့်ဆင့်ကိုဖော်ထုတ်ရန် ဖက်ဒရယ်ဒီမိုကရေစီပဋိညာဉ်ကို ထုတ်ပြန်ပြီး၊ ယင်းတွင် ဖက်ဒရယ်ပြည်ထောင်စုတည်ဆောက်ရေးဆိုင်ရာ အခြေခံမူများနှင့် နိုင်ငံရေးလမ်းပြမြေပုံများကိုဖော်ပြထားပါသည်။ထို့ကြောင့်ဖက်ဒရယ်ပြည်ထောင်စုတည်ဆောက်ရေးသာမက နိုင်ငံရေးနှင့် ငြိမ်းချမ်းရေးလုပ်ငန်းစဉ်များကို ဖက်ဒရယ်ဒီမိုကရေစီပဋိညာဉ် အပေါ်တွင်သာ အခြေခံ၍ ဆောင်ရွက်ရမည်ဟု အမျိုးသားညီညွတ်ရေးအစိုးရက လေးနက်စွာ ခံယူထားပါသည်။

(၉) အကြမ်းဖက်စစ်ကောင်စီသည် NCA ကို အသုံးချ၍ နိုင်ငံရေးထွက်ပေါက်ရှာရန် နိုင်ငံရေး အင်အားစုများအကြား သဘောထားကွဲလွဲမှုများ၊ ရှုပ်ထွေးမှုများဖြစ်လာစေရန် အကွက်ဆင် ဖန်တီးလျက်ရှိကြောင်း တွေ့ရှိပါသည်။ ထို့အပြင် NCA စာချုပ်ကို အခြေခံ၍ ဖွဲ့စည်းထားသော ‘‘ပူးတွဲစောင့်ကြည့်ရေးကော်မတီ’’ (JMC) ကို အသုံးချ၍ ‘‘လူသားချင်းစာနာ ထောက်ထားရေး အကူအညီများ’’ ပေးအပ်ခြင်း ကို ဆောင်ရွက်မည်ဟုလည်း ကြားသိရပါသည်။ ယင်းလုပ်ရပ် များသည် စစ်အာဏာရှင်စနစ် သက်ဆိုးရှည်ရေးကို ဦးတည်သည့် ဆောင်ရွက်ချက်များ ဖြစ်သောကြောင့် အသိအမှတ်ပြုလက်ခံမည်မဟုတ်ပါ။ NCA စာချုပ်ကို အကြောင်းပြု၍ အကြမ်းဖက်စစ်ကောင်စီနှင့် ပူးပေါင်းဆောင်ရွက်မည့်လုပ်ငန်းမှန်သမျှ ကိုလည်း အသိအမှတ်ပြုမည် မဟုတ်ပါ။

(၁၀) ဖက်ဒရယ်ဒီမိုကရေစီပဋိညာဉ်ပါနိုင်ငံရေးလမ်းပြမြေပုံ၏ဦးတည်ချက်သည် Regime Change မဟုတ်၊ System Change ဖြစ်ပါသည်။ ထို့ကြောင့် စစ်အာဏာရှင်စနစ်အပါအဝင် အာဏာရှင် စနစ်မှန်သမျှ ပပျောက်ရေးနှင့် စစ်မှန်သောဖက်ဒရယ် ဒီမိုကရေစီပြည်ထောင်စု တည်ဆောက်ရေး စီမံချက်များကို ထိုလမ်းပြမြေပုံအတိုင်း တဆင့်ပြီးတဆင့် အကောင်အထည်ဖော် ဆောင်ရွက်မည်။

(က) အကြမ်းဖက်စစ်ကောင်စီ၏ မတရားအာဏာသိမ်းရန် ကြိုးပမ်းမှုမှန်သမျှကို အပြီးသတ် ဖယ် ရှားမည်။

(ခ) အသွင်ကူးပြောင်းရေးကာလ ဖွဲ့စည်းပုံအခြေခံဥပဒေကိုရေးဆွဲပြဋ္ဌာန်းပြီး ထိုဖွဲ့စည်းပုံ အခြေခံ ဥပဒေနှင့်အညီ အသွင်ကူးပြောင်းရေးကာလ အမျိုးသားညီညွတ်ရေးအစိုးရ (TNUG) ကို ဖွဲ့ စည်းမည်။ ပြည်နယ်/ ဖက်ဒရယ်ယူနစ်များ၏ အသွင် ကူးပြောင်းရေးကာလ အစိုးရများကို လည်း ဖွဲ့စည်းမည်။

(ဂ) အသွင်ကူးပြောင်းရေးကာလတွင် အားလုံးပါဝင်သော ‘‘တိုင်းပြုပြည်ပြုညီလာခံ’’ ကို ခေါ်ယူ ကျင်းပပြီး အမြဲတမ်းကျင့်သုံးမည့် ဖက်ဒရယ်ပြည်ထောင်စု ဖွဲ့စည်းပုံအခြေခံ ဥပဒေကို ရေးဆွဲ ပြဋ္ဌာန်းမည်။

(ဃ) အသွင်ကူးပြောင်းရေးကာလ ဖွဲ့စည်းပုံအခြေခံဥပဒေတွင်သော်လည်းကောင်း၊ အမြဲတမ်း ကျင့်သုံးမည့် ဖက်ဒရယ်ပြည်ထောင်စုဖွဲ့စည်းပုံအခြေခံဥပဒေတွင်သော်လည်းကောင်း၊ စစ် တပ်သည် နိုင်ငံရေးတွင် ပါဝင်ခြင်း အလျှင်းမရှိစေရဟူသော ‘‘မူ’’ ကို အခိုင်အမာ ပြဋ္ဌာန်းပေးရမည်။ လုံခြုံရေးဆိုင်ရာတပ်ဖွဲ့အားလုံးသည် အရပ်သားအစိုးရ၏ စီမံအုပ်ချုပ်မှု အောက်တွင် အပြည့်အဝထားရှိရမည်ဟူသော ‘‘Civilian Supremacy’’ ကို ပြဋ္ဌာန်း ကာကွယ်ရမည်။

(င) အသွင်ကူးပြောင်းရေးကာလ တရားမျှတမှု (Transitional Justice) ကို ဖော်ဆောင်ပြီး၊ ပဋိပက္ခအတွင်း မတရားကျူးလွန်ခံရသူများအတွက် တရားမျှတမှုရရှိရေးကို ဖော်ဆောင် ရမည်။

(စ) စစ်တပ်သည် နိုင်ငံရေးတွင် ပါဝင်ခြင်းမရှိစေရဟူသော ‘‘မူ’’ နှင့် လုံခြုံရေးဆိုင်ရာ တပ်ဖွဲ့အား လုံးသည် အရပ်သားအစိုးရ၏စီမံအုပ်ချုပ်မှုအောက်တွင် ထားရှိရမည်ဟူသော ‘‘မူ’’ တို့ကို အခြေခံ၍ ဖက်ဒရယ်ပြည်ထောင်စုတပ်မတော်ပေါ်ပေါက်ရေးကို ဦးတည်သည့် လုံခြုံရေး ဆိုင်ရာ ပြုပြင်ပြောင်းလဲရေးကို ဖော်ဆောင်ရမည်။

(ဆ) အသွင်ကူးပြောင်းရေးကာလဆိုင်ရာအစီအမံများကို စနစ်တကျဖော်ဆောင်နိုင်ရေးအတွက် လိုအပ်သော နိုင်ငံတကာ အထောက်အကူများ ရရှိနိုင်ရေးအတွက် ဆောင်ရွက်ရမည်။

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
https://t.co/3rbfcEAVJ3
၂၀၂၃ ခုနှစ်၊ အောက်တိုဘာလ ၃၁ ရက်
ကြေညာချက်အမှတ် (၁၀/၂၀၂၃)