مشاري العضياني

ادلّه النفس…..وجروح الزمن تبرا
بدري على الوقت يامرني وينهيني
،

[مشاري العضياني @Mshari2026]

@k22hrj الله العالم انها العجّه

[شعر @mg_3u]

مثل ما تجيك الكربة اللي بدون إشعار
يجيك الفرج من خالقك وأنت ما تدري..

[سبّيع . @subiie7]

مساء المستقبل . . إما بعد :

انا اللي نسى مستقبله في يديك وراح
يفتش على ماضيه . . ويقلب اوراقه :)

- ناصر الحمادين .

[' @_f3iz]

تارك لي ذكريات ، ومداهيل�� وراي
خاطري فيها ! وأنا ماقدر اعوّد ورا ):

_ سعود مبارك

[. @vs_5ii]

يستسلم الانسان عند الهواجيس
من كثر ما مرت عليه التجارب
-
ما يعرف من الحلم غير الكوابيس
وما يستريح إلا إستراحة محارب .

[‏᷂عسر٨٨ @Qhta10ni]

جعلني لا دارت الدنيا وشانت
لا دعاني صاحبي ماطيح دونه

وجعلني فوق الهقاوي لاتدانت
معدنٍ دور الزمن مااحك لونه

[‏᷂عسر٨٨ @Qhta10ni]

استكن الكون والليل ابتدا والنور بادي
والنسيم البارد يذعذع علي من كل يِمّه

جالس لحالي تحت نور القمر والجو هادي
والقمر وده يفضفض لي ، وانا منيب يَمّه

[‏᷂عسر٨٨ @Qhta10ni]

الوقت نظره والرجاجيل نظره
اما كواك الوقت والا كويته

إسال مجرب ذاق حلوه و مره
ان ما اقتنعت إبقى في اللي عطيته

[𝓐𝟔 @ii26ic]

مابـارت اهدافي لو إن الزمـن بـار
العزم مثل البحر ماله نهايــه

مايصنع التاريخ من هاب الاخطار
ولا رقا في قمة المجد تــايه

ولا يعلم الانسان عن بعض الاقدار
يمكن بعد خط النهايه بدايـه

[دمــث @v80r_1]

لقيت بـ الصمت رفعه و بـ التخطي سمو
ولقيت بالوقت درس وبالاوادم عبر

[دمــث @v80r_1]

يا عذاب اللي هقاويه و أحلامه كبار
يحسب الدنيا تراعي شعور الطيبين

فهد قطنان

[قروب اشعار @aShi3ar]

اضحك ترا عوج الليالي مدابير
وما للخلايق في قضا الرب حيله .

[حسّان @aile3381]

قصيد المدح واجدد والابداع فيه قليل للأسف

هذا 👇🏻المعنى الحقيقي للمدح :

رجلٍ ليا قال اقلطوا يارياجيل
قامت تلفّت ناقته في ولدها

- صنيتان الحربي

لو يستقر الماء على مفصل الكوع
مايستقر المال في راحتينه

- حزمي بن سعد

لو تشح يمناه الكريمه من الميسور
تشوفه بعد ليله ويمناه مبتوره

- عادل محسن

من شيمته يقطع عليك التفاصيل
ماوده يقلّب عليك المواجع

تروح له متوطيتك الغرابيل
وتغني لميحد حمد وإنت راجع

- منيف الجراش

المهيلب و الله إن الردى يحرم عليه
مثل ماتحرم عليه أخته مْن أمه و أبوه

- مدغم ابو شيبه

وش تحفظون من قصيد المدح الفاخر

[شعر / قصيد ✪ @e7sas_q9ed]

بعيداً عن الواقع قريباً من .. الأوهام
بديت أبتسم للجرح واكتب معاناتي

أحث القدم وأصبر وأقول الفرج قدام
لو الواقع اللي عشت عكس إتجاهاتي

لاجفّت دموع العين ما جفّت الأقلام
ولاطالت سيوف المقادير هقواتي

أعامل جروحي كني أعامل الأيتام
وأهزم أكبر ظروف الزمن بابتساماتي

أنا الثابت اللي ما تغيّر مع الأيام
ولا غيرت سود الليالي قناعاتي

عصيت الشعور اللي يجيني بدون إلهام
و طعت الشعور اللي . . يشابه بداياتي

شعور السعادة في حياتي بشكلاً عام
" تلاشى شوي شوي كنه طموحاتي "

لو أحكم ضميري كان أحكمّه بحكم اعدام
" على شان ما يشغلني . . أعد غلطاتي "

أبي ليلةٍ فيها المسّره تساوي عام
" تقربني اكثر من . . بداية نهاياتي "

إلا واهني من يحسب العمر بالأرقام
أنا صاير أحسب عمري بكثر طعناتي

مغانم حياة ومغريات وكثير أحلام
تنازلت عنها.. ما تنازلت عن ذاتي

على كثر ياسي مامعي روح الاستسلام
وش أكون ؟ ! لو ما كنت ناتج قراراتي