متأخـر ،

نـرجسي حد النخاع ،

[متأخـر ، @Mta5r_]

الزمن لامن تردا زاد شره
ياخذ الافراح مني بالسهاله

ينقلب جوي واسولف للمجره
واتعكز بالهروب و بالجزاله

صوتي المبحوح يتعب يوم اجره
كلما هيف على بالي خياله

تحت تأثير الحنين بذات مره
ماقدرت امسك بـ يمناي البياله :)

[متأخـر ، @Mta5r_]

اللي ورا الصدر ما يطلع لحد برا
لله همّي .. وللناس ابتساماتي :)

[متأخـر ، @Mta5r_]

"شعوري الليله شعُور البدايه
بين القديم من السكك و المنازل

شعور من يبغى الرضا و الهدايه
و يواجه انواع الحيل و المهازل

غريب ماله من ورا الناس غايه
و بينه و بين الواقعيه عوازل

راحت حياته ينتظر و النهايه ؟
يوم اقترب من كل حاجه ( تنازل ) ..

[متأخـر ، @Mta5r_]

يوم خيّم من حنانك على الليل السكون
همّت في همسة هدوئك و عانقت الهنا

العمر مره وانا فيك هايم من جنون
لاتخلي بخاطرك شي ،، و اخرنا الفنا

حطني في قلبك و بين رمشك والعيون
" بس انا و اعوذ بالله من كلمة انا "

[متأخـر ، @Mta5r_]

بين التهاني وبين رد المسجات ،
ماشفت منه شي وهذي مصيبه !

باقي على عيد الفطر خمس ساعات ،
وللحين ماعايد حبيبي غريبه ؟

الصاحب الي لانوا وصد بسكات ،
حتى جنون الارض تعجز تجيبه !

كان الوعد عشر وربع بس هيهات ،
تاخر الموعد ، ماقدّر حبيبه :)

[متأخـر ، @Mta5r_]

نستحي منك ياربي من ذنوبٍ مالها اخر
عن جحيم النار لولا رحمتك .. كيف انتتقّى ؟

يالله اعتقنا من النيران في العشر الاواخر
واغفر لنا ما مضى واحسِن لنا فيما تبقى :)

[متأخـر ، @Mta5r_]

أنا ضد النسيان لأنها فكرة مستعصية ستزيد حجم ��لوقوع في ذكرياتك ، أنا من أصحاب التجاوز ، أن تتذكر كل شيء بكل تفاصيله ولا تتأثر .. لذلك يجب اني اتجاوز :)

[متأخـر ، @Mta5r_]

مجارا البشر يحتاج واحد بدون احساس
ومن خلقتي ما اعـرف اجامل ولااخفّـي

عيوبي وعارفها واذا اخفيتها لا باس
لكن ياعيوني عن عيوب البشر عفّـي

مع العزله اللي تكتم الصدر والانفاس
ولا الجمعه اللي لامزاجي ولا شفّـي

انا العاقل اللي كل ماضايقوه الناس
يوقف دقيقة صمت ويصد و يقفي :)

[متأخـر ، @Mta5r_]

عقب الفطور وعقب شرب الفناجيل
ما عاد تلقى من الاوادم مصخن

العاشق يجر اللحن و المواويل
و عج الزقاره فوق راس المدخن :)

[متأخـر ، @Mta5r_]

انا حقي عليك إنك على جروحي تقويني
ومن حقي عليك أطوف الزلات واستّرها

واذا ضقت وتعبت من الآوادم لاتناديني
بتلقى حولك طيوفي عسى ربي يقدرها :)

[متأخـر ، @Mta5r_]

خاطري ماهو بطيب ولامرتاح بال
والعرب معاد لي شفٍ في منطوقها

أتظاهر بالسعاده وأقول الحال عال
ولا أنا ضايقٍ والأخلاق طايح سوقها :)

[متأخـر ، @Mta5r_]

اليوم جمعه وجونا غيم في غيم
ودعواتنا ماهي على الله صعيبه

يارب بشرى تشبه لرشّة الديم
نفرح بها قبل الغروب ومغيبه :)

[متأخـر ، @Mta5r_]

ماينفعك عذرك ولا تبريرك
لا صرت في بحر المكابر غارق
ㅤ
كنت احسب انك فارقٍ عن غيرك
واثرك مثل غيرك ولا انت بفارق :)

[متأخـر ، @Mta5r_]

على سبيل التمني جعل حظي يجيب
لي حاجةٍ في ضميري حيل ودي بها

اقول بكره تصير ودايم ظني يخيب
واصبح بها في صميم البال وأمسي بها

ما هي شفاء من مرض ولا مواصل حبيب
يعلم بها اللي خفايا الناس يدري بها

يا رب حقق لروحي ما تبي يا مجيب
قدام لا هادم اللذات يغدي بها :)

[متأخـر ، @Mta5r_]

تطيح من عين الرضا دام صديت
كان الوصل منهج وضيعت نهجه

كفيت واااااجد فالعلاقه و وفيت
واظن قلبي بيض الله وجهه :)

[متأخـر ، @Mta5r_]

لا سألتك هو متى وقت اللقى
كان ردك لي ، يجيب الله مطر

والمطر مالي الشوارع وش بقى
ما بقى لي غير حضنك والعطر :)

[متأخـر ، @Mta5r_]

لا تشتكي للبشر حتى لو انك حزين
كم واحد ٍ يرجي العالم .. ولا فادته

ياحبني للي لو جارت عليه السنين
محدٍ درى عن همومه غير سجادته :)

[متأخـر ، @Mta5r_]

تمرّك العابرين وماتسلّم عليك
إلا غريب ٍ طوته الأرض بسنينها

قال أنت جالس لحالك تنتظر من يجيك
قلت أنتظر نفسي اللي ما اعرف وينها :)

[متأخـر ، @Mta5r_]

مبارك عليكم الشهر و جعلكم من صوامه و قوامه 🤍

[متأخـر ، @Mta5r_]

صباح الخير يا أصحابي :)

[متأخـر ، @Mta5r_]

ودعتك الله والدروب وساع والقلب الجريح
كرامته عزت عليه و بينت .. تلويحته

كسرتني وانا الكبير اللي ماظن أنه يطيح
لين شاف ان الأوادم تلتفت في .. طيحته :)