البروفيسور 🎬

Reviewing movies and books while sharing a glimpse into my life

[البروفيسور 🎬 @MuMoSu]

كل مراجعاتي السينمائية السابقة والجديدة راح تكون مثبتة في ال Highlights ..

[البروفيسور 🎬 @MuMoSu]

#normal

اليوم شاهدت هذا الفلم والصراحة افضل قرار انه ما تم عرضه بالسينما عندنا 🙇🏻‍♂️ ..

قصة الفلم تتكلم عن شخص يجي الى مدينة اسمها "نورمل" عشان يكون بديل مؤقت للـ شيريف السابق، ومن هنا راح يشوف اشياء غريبة بهذي المدينة تؤدي الى احداث غير متوقعة ..

الفلم يعتبر من الكوميديا السوداوية فالمفروض لما تشوفه ما تدقق كثير بالاحداث والاشياء الغير منطقية بس ما قدرت امسك نفسي لاني اشوفها فرصة مهدرة 😤

الفلم اقدر اقسمه جزئين:
الجزء الاول - يبدأ من بداية الفلم الى حدث البنك
الجزء الثاني - من حدث البنك الى نهاية الفلم

بالنسبة لي استمتعت جدًا بالجزء الاول، حبيت الغموض الموجود فيه وكنت منتظر اعرف ايش غموض هذي المدينة بالضبط،، زاد استمتاعي الممثل "بوب اوديرنكرك" بس من دخلنا في الجزء الثاني حرفيا الفلم بدأ يصير هندي واحداثه ما عجبتني شخصيا 😅 .. ممكن في ناس راح تحب هذا النوع من الافلام بس مو انا

تقييمي للفلم ٥/١٠

[البروفيسور 🎬 @MuMoSu]

@doodi_days عاد اعمال جورج مارتن ما تتأجل، لازم تشوفينها كل اسبوع عشان يلا ينحرق عليك😭، بس الاحداث كانت فوضوية رائعة

[البروفيسور 🎬 @MuMoSu]

انطباعي عن الحلقة الاولى من الموسم الثالث #hotd

هذي الحلقة اللي أغلب القراء كانوا منتظرينها بسبب حدث الحرب، فهل كانت قد التوقعات؟

مبدئيًا كأحداث وتصوير وموسيقى، كانت خيالية وذكرتنا بـ ليش نحب هذا العالم، حرفيا ساعة كاملة بدون أي ملل ! ممكن اسوأ شي كان بالحلقة مشهد "السنت"مع "ايموند" اللي ماتدري كيف سووها 😅

ولكن ممكن قراء الرواية شوي خاب أملهم بالذات بالفروقات اللي صارت بين الرواية والمسلسل، وانا هنا ممكن اتفهم الكُتاب ليش اخذو هذا القرار، الحلقة كان فيها ثلاث تنانين و فوضوية، ما بالك لو تم اقتباس الرواية ووضع خمسة تنانين ! ايه نعم بالرواية الحرب كان فيها خمسة تنانين وراح اذكرهم بعد شوي، فمن هنا احس يمكن ماعندهم ميزانية كفاية عشان كذا تم اخذ القرار

بالرواية مثل ما ذكرت كان الحرب فيها التنانين التالية :

١- فيرماكس - حق جيس
٢- سيلفرونغ - حق اولف
٣- سيسموك - حق ادم
٤- فيرمثور - حق هيو المطرقة
٥- شيب ستيلر - حق رينا

تخيلوا حطوهم الخمسة في المسلسل وش كان بصير؟🤯 يبغى ليها فلم مو حلقة !

[البروفيسور 🎬 @MuMoSu]

@l1ll1i0 للحين اتذكر النهاية، كانت صدمة فعلا

[البروفيسور 🎬 @MuMoSu]

Maharaja (2024)

اي كاتب فلم لما يجي يحدد نوع الفلم اللي يبغى ينتجه والسيناريو ، راح يشوف انواع كثيرة ولكن أصعبها هو الفلم اللي بتخلي فيه المشاهد يصبر عشان في النهاية انت مخبي له Plot twist يوصل فيه رسالتك الابداعية او الشي اللي راح يخلي فيه المُشاهد واقف منصدم وهذا الفلم واحد منهم.

فلم نهايته ذكرتني بسوداوية فلم Incendies و صدمة احداث فلم اخر وهو Oldboy ..

على الرغم لكن من صدمة الفلم في النهاية بس انا اشوف واحد من عيوب الفلم هو الصدف الرخيصة اللي اساسا ماتصير الا في الافلام الهندية (وهو هندي يعني) لكن مع مشهد النهاية ممكن اتغاضى عنها.

احس مابقدر اتكلم عن الفلم اكثر بسبب النهاية ولكن الفلم يحتاج صبر، تقريبًا ساعة و٤٥ دقيقة بتحتاجها عشان تبدأ الاحداث تكون مفهومة، فأنت ممكن راح تحس بالملل وممكن تطفيه مثلي امس بعد اول ساعة ولكن لما قررت اليوم اعطيه فرصة واكمله انصدمت من النهاية ..

انا ما اتابع السينما الهندية واجد بس هذا واحد من الافلام اللي لازم تشوفها اذا كنت محب للسينما ..
تقييمي للفلم

٧.٥/١٠

#maharaja

[البروفيسور 🎬 @MuMoSu]

@iiice7g @SA_FilmFestival عمل رائع ! سلمت يداك 🤝

[البروفيسور 🎬 @MuMoSu]

@IIVIZI ايي وأحسها واضحة يعني من البداية هويته

[البروفيسور 🎬 @MuMoSu]

@FumeLady The 8 show
The death’s game
الثاني بالنسبة لي من افضل الاعمال الاسيوية المظلومة

[البروفيسور 🎬 @MuMoSu]

@biurex_ مراجعة موفقة جدًا واستمر على هذا الابداع ! بالنسبة لي لو بسوي قائمة افضل ١٠ افلام بالسنة ممكن يكون له مجال فيها (حتى الحين)

[البروفيسور 🎬 @MuMoSu]

انطباعي لفلم #disclosureday

قصة الفلم تتكلم عن موظف سابق لشركة ما اسمه "دانييل كيلنر" يهرب من الشركة وهو عنده سر اذا انكشف للعالم راح يغير البشرية ..

الفلم ومن البداية راح تشوف حالك في وسط الاحداث ومو فاهم اي شي، فقط مطاردات وهذا هدف الفلم انه يكشف لك الغموض شوي شوي لين ما النهاية تشوف الاكتشاف الاكبر !

الصراحة ما ادري كيف اتكلم عن الفلم، يعني من ناحية التمثيل فأشوف اغلب الشخصيات تمثيلها كويس و "ايميلي بلنت" ابدعت جدًا كالمعتاد واعتقد بنشوفها مرشحة للأوسكار ..

🎥 بالنسبة للتصوير والموسيقى هّم اشوف انه كويسين والصراحة اول ساعتين مرت وانا مو حاس بالوقت ولكن مشكلتي الاساسية مع القصة ..

📝القصة برأيي الشخصي راح تكون ممتعة للشخص اللي يصدق بالمخلوقات الفضائية، بينما الشخص اللي عنده هذي خرافة و المخلوقات هذي مو موجودين راح يقول ايش السخافة والمبالغات هذي ! فالفلم راح يسبب انقسامات بسبب هذا الشي ..

في مشاهد بالفلم على الرغم من متعتها البصرية بس حرفيًا مو مفهومة والفلم ما حاول يفهمك وياها ممكن اهمها سالفة الادوات اللي كانوا يستعملوها.

انا "مع" انه الفلم ما يعاملني كطفل ويعطيني معلومات بالقطارة، بس يعني مو تعطيني شي بسيط وتبغاني اطلع من الفلم وابحث عنه او اسوي نظريات عنه (رأيي الشخصي)

بالنهاية مثل ما قلت، الفلم مو موجه لكل الاشخاص! متأكد كثيرين راح يطلعون من الفلم وينتقدوه لانه ببساطة ما فهموا القصة وما ألومهم..

تقييمي للفلم ٦.٥/١٠

[البروفيسور 🎬 @MuMoSu]

@q1ox3 اكيد كل واحد و رأيه وانا ما هاجمت فكرتك وما قلت لك خلي احساسي معيار بقدر ما اني شرحت شي واقعي ابغى الناس تعرفه، و لو تقرأ ردي على الشخص الطيب لفوق اعتقد ممكن توصلك فكرتي اللي كنت ابغى اوصلها .. بالنهاية ذا رأيك ويحترم

[البروفيسور 🎬 @MuMoSu]

بالعكس انا مع النقد وكل واحد و رأيه،وهذا الفلم بالذات قسم الناس .. بس انا قصدي فيه بعض الافلام تؤثر اكثر بالاشخاص اللي جربوا شعورها وممكن اقرب مثال جاني الحين عشان اقرب فكرتي هو فلم The Father، واحد من اكثر الافلام اللي أثر فيني وعطيته تقييم مرتفع لانه انا عندي حالة بالعائلة كذا .. حتى Past Lives بالنسبة لي كان عن شعور العلاقات الغير ناجحة واللي مهما حاولت تنجحها ما راح تزبط .. وفي النهاية مثل ما قلت بالبداية كل واحد و رأيه

[البروفيسور 🎬 @MuMoSu]

@s0m7__ نفسك والله، ودي اشوفه بس ماش

[البروفيسور 🎬 @MuMoSu]

@huq1990 ممثل رائع ولكن سوء اختياراته اخر السنين خلت كثير ممثلين افضل منه

[البروفيسور 🎬 @MuMoSu]

بالنسبة لي ٥ و ١٠

١٠ للحين ما اشفى غليلي، تمنيت عطاه كم كف زيادة

[كالڤان هيونق @EXOCALVAN1]

من بين كل الحلقات حلقة خمسة وحلقة ثمانية فاااااازو بالاستفزاز وربي شي مستفز من الأخر، وانتو اي الحلقات الي استفزتكم

[البروفيسور 🎬 @MuMoSu]

خلصت المسلسل اليوم وجالس اشوف الحقائق ومصدوم الصراحة .. كوريا عايشين في عالم ثاني فعلا

[Hädl⁷ ᴵˢ ˢᵉᵉᶦⁿᵍ ᵇᵗˢ @hdiltk7]

قصة الحلقة الخامسة من Teach You a Lesson مستوحاة من قصة حقيقية. القصة الأصلية كانت عن معلمة في روضة أطفال أنهىىىت حياتها بسبب الضغوط المستمرة من أولياء الأمور، وتدخلهم بحياتها الخاصة بطريقة لا تطاق. بالمسلسل اختاروا النهاية سعيدة و ان يتم مساعدتها

[البروفيسور 🎬 @MuMoSu]

انطباعي للحلقة الثامنة من مسلسل #teachyoualesson

اشوفها من افضل حلقات المسلسل حتى الان. يمكن لانه موضوعها موجود عندنا فعلًا بالمجتمعات العربية مع تحفظي لمشاهد المخدرات لانه ماعتقد في أم عندنا بتسويها ..

الحلقة لامست كل شخص عانى او جالس يعاني بموضوع أهله مع تخصصه، وكيف انه يتم ابتزاز الطفل عاطفيا بشكل يومي عشان بس يحقق النقص لعند أهله، وانا هنا اكيد مع الأهل انه يشوفوا الافضل لطفلهم، ولكن لازم هو يختار بعد وما يتم اجباره بهذا الشكل !

حلقة تعيد تفكيري لمفهوم الـParenting وانه فعلًا مو كل أم وأب مؤهلين لهذا الشي✋

[البروفيسور 🎬 @MuMoSu]

انطباعي للحلقة الاولى من مسلسل #teachyoualesson

فكرة المسلسل تقول انه ماذا يحدث لو صار في لجنة شغلتها الرئيسية التحقيق بالتنمر ليصير بالمدارس و هذي اللجنة عندها كامل الصلاحيات لعمل اي شي يضمن اصلاح هذا التنمر !

ومن هنا بدأت الحلقة الاولى، ومن بدايتها ذكي، شحن المُشاهدين بمشاهد التنمر وخلتنا نسترجع ذكريات المدرسة وكيف كنا نشوف التنمر بين الطلاب ، طبعًا ولله الحمد انا ما شفت تنمر كذا عندنا بالمنطقة ولكن هي رسالة لجميع المجتمعات.

حلقة عبارة عن "شفي غليل" كل شخص عانى او يعاني من هذا الشي، وقدم رسالة واضحة وهي انه لا تسكت ودايما فيه بالغين صالحين بيسمعون لك !

عندي تحفظ بالأڤوره لصارت لأبو المتنمر ولكن في النهاية انا اشوف الصورة كاملة للحلقة✋

[البروفيسور 🎬 @MuMoSu]

@frs76188 اتفق معك تحس صار زحمة بالنهاية

[البروفيسور 🎬 @MuMoSu]

انطباعي لفلم #disclosureday

قصة الفلم تتكلم عن موظف سابق لشركة ما اسمه "دانييل كيلنر" يهرب من الشركة وهو عنده سر اذا انكشف للعالم راح يغير البشرية ..

الفلم ومن البداية راح تشوف حالك في وسط الاحداث ومو فاهم اي شي، فقط مطاردات وهذا هدف الفلم انه يكشف لك الغموض شوي شوي لين ما النهاية تشوف الاكتشاف الاكبر !

الصراحة ما ادري كيف اتكلم عن الفلم، يعني من ناحية التمثيل فأشوف اغلب الشخصيات تمثيلها كويس و "ايميلي بلنت" ابدعت جدًا كالمعتاد واعتقد بنشوفها مرشحة للأوسكار ..

🎥 بالنسبة للتصوير والموسيقى هّم اشوف انه كويسين والصراحة اول ساعتين مرت وانا مو حاس بالوقت ولكن مشكلتي الاساسية مع القصة ..

📝القصة برأيي الشخصي راح تكون ممتعة للشخص اللي يصدق بالمخلوقات الفضائية، بينما الشخص اللي عنده هذي خرافة و المخلوقات هذي مو موجودين راح يقول ايش السخافة والمبالغات هذي ! فالفلم راح يسبب انقسامات بسبب هذا الشي ..

في مشاهد بالفلم على الرغم من متعتها البصرية بس حرفيًا مو مفهومة والفلم ما حاول يفهمك وياها ممكن اهمها سالفة الادوات اللي كانوا يستعملوها.

انا "مع" انه الفلم ما يعاملني كطفل ويعطيني معلومات بالقطارة، بس يعني مو تعطيني شي بسيط وتبغاني اطلع من الفلم وابحث عنه او اسوي نظريات عنه (رأيي الشخصي)

بالنهاية مثل ما قلت، الفلم مو موجه لكل الاشخاص! متأكد كثيرين راح يطلعون من الفلم وينتقدوه لانه ببساطة ما فهموا القصة وما ألومهم..

تقييمي للفلم ٦.٥/١٠

[البروفيسور 🎬 @MuMoSu]

#disclosureday

لا تحط أمال كبيرة عليه ..
الفلم مو لأي شخص، و دسم جدًا ..
الأهم من ذا كله اذا انت مو من حقين نظريات الفضائيين ما راح يعجبك ..
المراجعة قريبًا

[البروفيسور 🎬 @MuMoSu]

@sarah_00j رايي من رايك احس الفلم موجه لهم بس مو لنا لانه اغلبنا مايصدق هذي الاشياء