السلام عليكم
ابغى اشارككم رحلتي مرض السرطان “GIST Cancer”
للاستفاده منها
ولو كان شخص منهك من اي ما كان اتمنى تجربتي تمدكم بالطاقه و تزرع فيكم الامل .. وتكون دافع معنوي لكم
ودايم تذكروا ♡
﴿وَاصْبِرُواْ إِنَّ اللَّهَ مَعَ الصَّابِرِينَ﴾
وبالنهايه انا شاركتكم جزء من حياتي غير نظرتي بالحياة
عشان ازرع فيكم الامل للشي اللي تنتظرونه و يئستوا منه وطول ا�� الالم اللي قاعدين تمرون فيه وتحسون ماله نهاية تذكروا
وطبعا الفضل لربي اولاً
ثم امي و ابوي اللي دعموني و ساعدوني و دايم
الله لا يحرمني منكم
شكراً لكل اخواني و اخواتي
شكراً لكل أهلي
شكراً لكل صديقة لكل زميلة
شكراً لكل من وقف معي
شكرًا يالله على انك الهمتني اروح لبيت صديقتي
الحمدلله انه التهاب بنكرياس على وقتها
الحمدلله انه كان جنب الورم ولا كان انتشر وما عرفت
الحمدلله على ما مضى والحمدلله على ما هو ات
﴿وَقُلِ الْحَمْدُ لِلَّهِ﴾ ..
كنت دايم اسال نفسي
ليه انا؟
وبعدها عرفت ليه
انا خلقت عشان اعاني .. عشان اتعلم .. افهم .. اتقرب لربي اكثر عشان اعرف ان مهما تقفلت بوج��ي ابواب مهما عانيت بيجي الفرج بيجي الوقت اللي كل شي عانيته ما يساوي شي قدام هذي الفرحة فرحة الوصول للي كنت ابغاه بعد الم وتعب ..
فترة جلوسي بالمستشفى كانت متعبة وخصوصاً ان محد كان يقدر يجي يزورني بحكم كورونا
كنت اغلب الوقت نايمة بسبب المسكنات القوية الي تنضخ لي كل ٤ ساعات
المكان كان كئيب
والممرات فاضية
ما كنت اقابل احد غير الدكاترة و الممرضين
كانت فيه مخاوف ان يكون الورم انتشر للبنكرياس وخصوصاً انه جنبه
و شاء الله ان يكون الورم قريب من القشرة الخارجية بس
ولا تاثر البنكرياس
كان جزء لا يذكر من المعدة هو المتأثر و تم استأصلة مثل اي عملية قص معدة طبيعية
يوم ٢٩/٨/٢٠٢١
في بداية اول اسبوع دوام
ببداية رحلتي اني اصير دكتورة
في اول يوم جامعي
انا كنت المريضة
بالوقت الي كانو كل زميلاتي يلبسون سكراب
كنت بمكان يبعد عنهم ٥٠ دقيقه لابسه لبس العمليات
وبوقت ��عارفهم مع بعض
بدا مشرط الجراح يرسم على جسمي
تناسيت موضوع الورم الى ما جاء موعد اشعتي الثانية
سويتها و رحت موعد الدكتور
عشان يقول لي وش صار مع الاشعه
وقتها قال انتهينا من فترة العلاج و قدرنا نتحكم بانتشار الورم
الحين بنبدا نستعد لمرحلة الجراحة لستأصل الورم
وكانت فيه مخاوف اني يمكن اعتذر الترم الاول بسببه
بدا تسجيل الجامعات و انا مب متاكدة
من اني بقدر ادخل الي ابيه
وكان من اسئلة تسجيل المعلومات
سوال هل انت سليم من الامراض
وحاط لي مجموعة امراض من ضمنها السرطان حطيت سليم خايفه مايدخلوني التخصص اللي ابيه.
بس هم كان لهم رايي ثاني
ما كنت اقدر احضر اخر اختبار قدرات لي
لانه بالقصيم
وكان ممنوع اني اطلع من الرياض لان يمكن يصير لي اي شي وبكون بعيدة عن مستشفى وقتها
وقتها جتني ضيقة
حسيت اني خلاص بوقف هنا و مستحيل استمر