نايف بن عون

مُتذوق للشعر .

[نايف بن عون @N4MUT]

إنما الأمواتُ أحياء في عُيون الفاقدين ،
جنّه بارده ونعِيم مُترف لهم يالله .

#ابوي

[نايف بن عون @N4MUT]

رديتني للغيا و لماضيات السنين
رجعت عدّاد عمري لين زاد شغفي

ماني بجافيك لين أعالم الميتين
حتى لو إني بغيت أجفاك ماتنجفي

أنا لو أفقدك كني فاقد الأكسجين
عهدٍ علي ماتجيك القسوه من طرفي

لو كان أقصّر مع المقفين والمقبلين
في معاملات الهوى وأسلوبه أكبر وفي !.

_ سفر الدغيلبي.

[صالح النشيرا @saleh_neshaira]

والنخله اللي بين سيف وبين سيف
عيا عليها .. سيف سلمان الحزم🇸🇦

هذي .. قضية .. كل .. رجالٍ شريف
وانا .. مع .. الطيّب .. ولد عمٍ لزَم

#السعودية

[عبدالله السراهيد @Alsraheed]

سواءاً آقبل ظلام الليل . . ولا آدبر
ما للنجوم ثمره فـ غياب؛ قمراها

البارح آحارب نعاسي عشان آسهر
واليوم آدوِّر على الغفوه ولا القاها

من سرع الأيَّام كن الناس ما تكبر
يا كثر ما مرّها الوقت .. و تعدَّاها

أعمارنا تنسرق من غير | لا نشعر |
كم لحظة نعيشها لكن ما عشناها

أشقى القلوب اللي ما تحتاج للمجهر
كثر ما تدفع ثمن طيبة نواااياها

واهل الوجيه الغبر فـ الواقع الآغبر
ما طالت وجيهها لو طالت لحاها

يبقون مهما اعتنوا فالشكل والمظهر
مستنقعاتٍ يضرّ الشرب من ماها

اليوم ؟ . . كلٍ يبي يصعد على المنبر
يبحث عن أتفه رساله . . و يتبنّاها

أبعدت عنها ابتعاد السامح المضطر
لا آجامل أهل النفاق .. ولا اتحاشاها

يازين شكل السما يوم السحاب امطر
ذكرني . . بـ حاجةٍ كنت آتناساها

الضحكه اللي لها عامين والا اكثر
وانا على آحرّ من الجمر آتحراها

تامر بمعروف وتحرّض على مُنكر
هذا أجمل عيوبها وابسط مزاياها

فيها من الذكر بين البيت والمَشعِر
ومن الدعا الصادق اللي في زواياها

يا « قلبي » اللي تحاول قد ما تقدر
تلحق على اللي بقى — من بقاياها

أعوذ بالله من؛ ( كآبة المنظر ) !
هذي سكاكينها ؟ والا هداياها ؟

يبدو لي ان مالنا مسلك ولا معبَر
كل الطرق صارت تؤدي لـ ذكراها

بنتٍ على كل ما يخفى وما يظهر
ما شفت طلّة مثل طلة محيَّاها

ما عاد باقي من الأحلام ما يُذكَر
اللي ما كنّا نعرف نعيش لولاها

أحلامنا اللي كتبناها على الدفتر
تبكي على أحلامنا اللي ما كتبناها

[عيار @Eiar_q8]

يا داعي الشوق لا ترفع لوى الانشقاق
وتثـوّر جــروحي اللي نـام // ثلثينها

الشاعر المـاثل امامك .. ضحية فراق
وعلى مطيحه تـحـد القـوم سكينها

اخِطب مثل [ خطبة الحجاج ] فأهل العراق
لين المشاعر تعوذ … من شياطينها

ظروفي اقوى من "الاعراب" كفر ونفاق
خايف مع الوقت قلبي يعتنق دينها ..

كنت اكثر انسان صامد لين فضّ العناق
وشفت الكواكب تناثر من طرف عينها

حرام دمـع الـعـيون النـجل هذي يراق
يا مبشع .. الكحل سـايح فـوق خدينها

ودعـتها الله ولـو تـوديـعها مـا يـطـاق
ما كـنـها ( فـاتـحة ) دنياي و ( أمـينها )

من بيننا قامت الاعراف فوق ألف ساق
ماهيب بس [ المـسـافة ] بيني وبينها

وشلون اكمل حيـاتي فـي سلام ووفاق
[ والما ما يقطع ضماي الا من يدينها ]

لا ذعذع الـنـود من روضٍ .. نباته رقاق
اول مـا يـطـري عـلـى بالي .. رياحينها

وثقت فالـوقت واثر الـوقت مـاله وثاق
احـلامـي الماضية ويني ؟ وهي وينها ؟

كن المفارق على ساحة قصاصه يساق
لا قـام شـوقه يـقـص .. آثار رجـليـنها

لـيـت الليالي .. تعود لنقطة الانطلاق
واعيش "لذّآآتي" اللي عشـتـها حينها

لـ اومت بشلفا الهجر من دافع الاشتياق
اقول خآآآبرك .. لا يمكن تـسـوينها

@algoos_a

[وزارة الحرس الوطني @sanggovsa]

#عيدي_عز_وكرامة عيّدي بأمن وسلامه
…ماعليك إلا الرخاء والخير يانجد العذيّه

#وزارة_الحرس_الوطني

[عبدالله العصيمي | OSM @iAOsaimi]

@modgovksa اللهم انصرهم وسدّد رميهم ..
واحفظ مملكتنا الحبيبه من كل سُوء 🇸🇦
واللهم مَن أرادنا بسُوء فاجعل كيده في نحره
واجعل تدبيره تدميرًا عليه يارب العالمين.

[عبدالله السراهيد @Alsraheed]

إعمل على تحرير عقلك من الآن
عقلك طريح بـ سجنه الإنفرادي

تاخذ !.. مزايا فلان ، و تقلّد فلان
وتفكيرك ينادي .. وعقلك ينادي

إذا تحبّ يكون لك .. قيمة وشان
لا تنسلخ .. من طبعك الإعتيادي

لا تصعد .. القمة على عاتق إنسان
مبادي ( القمة ) بـ حاجة مبادي

مهما !.. تصنّعت ، و تلوّنت بإتقان
يبقى شعور النقص حسب إعتقادي

اختر لـ وجهك لون من بين الألوان
ألا الرمادي !.. لا تكون ، الرمادي

الاختلاف .. يكون ( ميزة ) إذا كان
مبني !.. على التصرف ، اللا إرادي

بـ تحاول إنك تختلف قدر الامكان
الشهرة ( مْرادك ) ولا هي مرادي

يا مرضي أهواء البشر .. وأنت زعلان
توهمهم .. إنك مختلف وأنت غادي

صدقني حتى المختلف بعض الأحيان
لا حاول إنه .. " يختلف " صار عادي

[محسن بن مترك @aprvip]

العقل ينهى ،، والفُؤادُ يهوى
ولا عاد اعرف المخطي من الصايب

قلبي كفخ من وكر صدري وادوى
على مداهيل الحبيب الغايب

اومت له الذكرى القديمه وانوى
وانا احسب انه طول وقته تايب

قالو تشالا الشايب وقلت اشوى
والظاهر انه ماتشالا الشايب )؛

[عفاف حسن @fafoo12]

إلهي إن جهلْتُ فأنت أدرى
بما صنعتْ يدايَ وما كسبْتُ
٠
على ثقةٍ بعفوكَ يا إلهي
قصدتك أنت أرحم من قصدْتُ
٠
وجئتك أشتكي آلامَ روحي
أنا يارب من ذنبي تعبْتُ
٠
لوانَّ الكونَ كل الكون ذنبي
وقفتُ أمام بابك ما يئسْتُ.

[محمد بن سطام بن عون @ibnaun]

مامر تعيينك البارح مرور الكرام
تنتظره الناس من مده على اعصابها
ماني مشبهك في يوسف عليه السلام
لكن عودت سموك يحسب حسابها

#سلمان_بن_سلطان_بن_عبدالعزيز

[نايف بن عون @N4MUT]

#رشيد_الدهام

[عبدالعزيز احمد بن عشوان @z34a2]

كيف أقول انّك جبل واقول ظلك مثل ظلّه
وانت مايقصر ظلالك والجبل يقصر ظلاله

طبت فالناس القريب وطبت فالقوم المهلّه
من هو اللي مسّته حاجه ولا مريت باله

الله يرحمك ويغفرلك ويجمعنا فيك.

[نايف بن عون @N4MUT]

أسامر طيوفك !.. كل ما غابوا السمّار
مع إني وحيد شلون ماآحس بالوحدة

ورى كل بسمة فاتنة .. تلفت ، الأنظار
عليها المشاعر .. فـ آخر الليل متحدة

حبيبي لا تخشى ضيعتي والحياة أقدار
ضياعي حقيقة عمر ماهيب منجحدة

تبيها ( وصل ) ولاتبيها ( فراق ) اختار
أنا ما قدرت أختار منها !.. ولا ، وحدة

[عبدالله السراهيد @Alsraheed]

أحتسب كل مااسمع للحيايا وشيش
وأدري إن الدواء الفعّال !.. تهميشها

لو بساطي من التربة وسقفي عريش
نفسي أسمى من الارض و دراويشها

يمكن أقنع بـ حلمٍ ماوصلته وأعيش
ما لـ بعض الأماني .. غير ، تطنيشها

لكن أعيش عيشة منكسر ! ماعليش
هذي العيشة .. اللي ما اقدر أعيشها

[قناة الإخبارية @alekhbariyatv]

فيديو | سعود بن عون أحد منسوبي المركز الوطني للحياة الفطرية: المشاعر المقدسة وجبل النور خالية من "قرود البابون" وجهزنا 10 فرق ميدانية للمتابعة

⁧#بسلام_آمنين⁩
⁧#الإخبارية⁩

[نايف بن عون @N4MUT]

@z34a2 يامال الجنه يابو عبدالعزيز ، الله من القبول الطيب والفزعه الحيّه

اللهم اغفر له وارحمه وعافه واعف عنه واكرم نُزله

[عبدالعزيز احمد بن عشوان @z34a2]

اللهم ارحم أبي و أغفر له وأكرم نزله اللهمّ اجبر كسري بعده ، وارحم ضعف قلبي، وتولّني بولايتك يا أرحم الراحمين".

[مشعل بن عبدالله بن عون @ben_aon]

#عبدالعزيز_بن_فهد

مثل ماحنا نهني بعضنا برمضان
دايم نهني بعضنا مادام انك بخير

ذاخرينك للصعايب وغارات الزمان
وكلنا ندعي عسى الله يحفظك يالامير