عَازِم

[عَازِم @N538i]

﴿ وَمَا تُنفِقُواْ مِنْ خَيْرٍ فَلأنفُسِكُمْ ﴾
الصدقة الجارية هي خير ما يُهدى للميت
و انفع ما تكون له و من تصدق لميت
سخر الله من يتصدق له بعد مماته
-
تصدقوا بما تجود به أنفُسكم و ساهموا بالاجر ولو بالقليل،والله يكتب اجركم جميعاً

https://t.co/eXxL0yDSE6

[عَازِم @N538i]

تلعبين بحسبة القمرا ليّا منك بغيتي
ولا بغيتي تاخذين القلب .. لو القلب عيّا

[السَمهرِيّ @538ii]

اللهُم في يوم الجمعة
إن لنا أمواتاً تحت رحمتك وبجوارك تشتاق لهم قلوبنا
وتدمع لهم أعيننا فاللهُـم اغفر لهم وارحمهم واجمعنا بهم
في جنّتك يا ربّ العالميـن .

[السَمهرِيّ @538ii]

@Nnge اللهم في فجر يوم الجمعة نسألك ﺑﺸﺮﻯ ﺗﺸﺒﻪ ﺍﻟﻐﻴﺚ ، و ﻓﺮﺣﺔ ﺗﻤﺤﻮ ﻛﻞ ﺣﺰﻥ ، و ﻓﺮﺝ ﻟﻜﻞ ﺻﺎﺑﺮ ، و ﺷﻔﺎﺀ ﻟﻜﻞ ﻣﺮﻳﺾ ، و ﺭﺣﻤﺔ ﻟﻜﻞ ﻣﻴﺖ ، و ﺍﺳَﺘﺠﺎﺑﺔ ﻟﻜﻞ ﺩعاء " اللهم صلّ وسلّم على نبينا محمد ﷺ "

[فهد قطنان @Fahad_Qatnan]

مساء الفل ياللي كل مافيك فل الفل
عسى ما تغيرتي علي ونسيتيني

أنا بعيد بس أحبابي اقرب لي من الظل
قريبين من قلبي بعيدين عن عيني

وانا صدق احبك بس احب الوصل لا قل
اشوف ان وجودك في خيالي يكفيني

ياحلو العذاب اللي يجي بين خل وخل
وحلوك وحلو طيوفك اللي تسليني

جبرنا الزمن ناقف على اطلالنا ونطل
حلالاه يا ماضٍ مضا بينك وبيني

تعبت اتذكر وقتنا الاول اللي زل
أنا الماضي اللي فيه فرحه يبكيني

أبا امل من حبك ولكن عجزت امل
وعجزت آخذك والعجز ماهوب مرضيني

إذا عايفتني صدق روحي تراك بحل
أنا والله اني ودي انك تعافيني

كفاية عتب ماعاد عندي دموع تهل
ذبحتيني الله يرحم امك ذبحتيني

تقولين دوّر حل واقول مالك حل
لو الحل عندي كان جيتك برجليني

لا تستغربين ان شفتي اني بديت اختل
ولا طحت طيحة منهزم لا تلوميني

أنا ما انهزمت إلا بعد ما هزمت الكل
وصاروا معاديني منول محبيني

يحبون شعري في ضياعي وانا ابغا ادل
واركز على نفسي وأركز على ديني

[عَازِم @N538i]

@538ii ياجميله قام يطوي الحال طاوي
والله ان كبدي على شوفك غليلة

نعنبوك انتي مكاسر عود جاوي
ملبسك سندس شرابك سلسبيلة

لو تمرين الشيوخ اهل الفتاوي
عودو مثلي يجرون الطويلة

من عشق شرواك ولا لايهاوي
التقيد عن بعض الاشياء فضيلة

- عساك ف الجنة ياسعد

[عَازِم @N538i]

@vv_851 ان قمت قام الحظ مع كل مجهود
وان طحت لـ عيال الرياجيل قومه
- الله يصح لسانك يابو ورد 👏👏.

[عَازِم @N538i]

تطمّن يا نهاية عامي وياعامي اللي حَل
تراك أنت السنين وعمري اللي عايشه كله .

[عَازِم @N538i]

كن البنات الشقر عندي من الهوج
ما كن به غيرك على الأرض دواج

عندي جميع ألسن بنات العرب عوج
الا لسانك فيه لي طبّ و علاج

[عَازِم @N538i]

انا الغريب الي معيّن في حيا وجهك حياه
من يعرفك والله لا يلغي كل .. سابق معرفه

وانا السقيم الي بعد ما ذاق ف اشفاتك ، شفاه
رخص مقام الصيدلي … واعلاجه الي يصرفه

شفتك وحلّق قلبي الملهوف تحليق القطاه
مع انه اشرس .. من هداد الحر للي يعرفه

ان قلت لي وش لون قلبك حلّق ف عالي سماه ؟
" نبت على قلبي جناحين وغدا له رفرفه "

من كثر ماني ب شفق لصوتك تعلقّت ب صداه
ما كنّي اسمع صوت عادي ، كنّي اسمع غطرفه

يا ام العيون الي تسلهم بين غفله وانتباه
مدري وش الي يمنع تروفين وانتي مترفه ؟

يا نور وجهي من كثر ما اشوفك بـ كل اتجاه !
غديت بس اشوفك وعن غيرك الشوف اصرفه .

[عَازِم @N538i]

آه من برّاق ناعس عيونك يوم ناض
كيف يذبحني بنظرة ويحيا بسببي

— عبدالله البديري

[عَازِم @N538i]

فديتك وفديت شرك وخيرك
ياللي حضورك غير وغيابك غياب

ماهو أنا اللي في غلاك أستشيرك
لبيه يا سيّد المحبه والأحباب

ريّح ملايكتك وريّح ضميرك
لا ينشغل بالك ورا بحث الأسباب

ان كانها فـ الحب ما فيه غيرك
كم واحدٍ حاول وقضّبته الباب

[عَازِم @N538i]

مدري انت تزين؟ ولا يزين لي غلاك
قطعةٍ من طين وتخلي الصاحي خبل

كل شي في محياك ما يبغى سواك
متولعَ فيك ولعة عتيبي ف الابل

— فهد قطنان

[عَازِم @N538i]

انتي اللي حاكمه قلبي ولا لتس به خشير
وانتي اللي تطري مع الغيم ونجوم السما

وانتي الحب المفدى ، وانتي الشيء الكثير
وريحك المسك المعتق صح من عادك نما

نظرتك تذبح قبايل ؛ والشعر كنه حرير
وريقك احلى من رحيق النحل ياعذب اللّمى

جعلني م اشوف حزنك يـ أم وجه مستنير
وجعلني فدوة عيونك يا غزالٍ فالحما

— نواف العتيبي

[عَازِم @N538i]

المحبه ما على خطها لوحة رجوع
كود لاسرائيل لوحه على خط ضرما

أنشد اللي لاعه العشق وأعلن بالخضوع
وأنشد اللي بايع الروح بالما و الهما

كنت من زود الشقاوه و من شين الطبوع
أنهض الجنحان و أحوم من حول الحما

لين وقعّت في متاهات ما منها طلوع
الوكاد ان اقرب الامثلة لزمة عما

أحمد اللّه يوم مارحت في سيل الربوع
وأخرتها رايحٍ في هوى عذب اللما

ما شلع قلبي وطير معه خمسة ضلوع
غير عين تطرح الطير من سابع سما

كل ما ناظرتها قلت يابخت الدموع
الدموع اللي تبختر على خد طخما

يا غناتي والله اني عليك اظما واجوع
لين اشوفك ثم لا عاد جوع ولا ظما

ودي اولع لك اصابع كفوفي شموع
وودي انزهك عن كل مخلوق إنما

الصلاة اللي ما فيها سجود ولا ركوع
اتذكرها وينشب لساني فالجما

بس لي مطلوب واحد وانا رجل قنوع
طهريني من غثا الارض واخذيني سما

— وصل العطياني

[عَازِم @N538i]

يامقر الزين ياوجهة بلاده
مايزين الوقت لين يزين جوّك

قايده ماانتي تحت امر القياده
كل عذراء تحترم حضرة سموّك

المساء ياخذ من وصوفك براده
يسرق الانسام في لحظة هدوّك

وعنقك اللي تستحي منه القلاده
مازهاه الا مخاييلك و نوّك .

[عَازِم @N538i]

يارب ما للعبد دونك مداهيل
تضيق الارض وتاسعه في رحابك

حاجاتنا بأمرك سهود وتساهيل
وركابنا اللي نوخت عند بابك

ياكودها كوداه عند الرياجيل
وهي ما تبلغ ذرةٍ في ترابك

يا مطيب اللي قال لك شي ماقيل
و يامخبل اللي ما يحط الرجاء بك

— مزيد الوسمي

[عَازِم @N538i]

واللي خلق هالخفوق .. وهزّ خفقاته
إنك عن وجيه خلق الله .. تفرّدتي

وإنك ذرا القلب في قيظه وهبّاته
وإنك ملاذه وعشقه .. وين ما كنتي

ولو جار وقتي عليّ .. وزاد ميلاته
يكفيني أشوف وجهك .. لا تبسّمتي

ولا لي عوض عن شقى عمري وعثراته
إلا إني أعيش عمري .. وأعشقك أنتي

- عبدالله السرحاني

[عَازِم @N538i]

يا سليم أهل الشجاعة والشهامة والرجوله
كل رجالً يعرف فعولكم ، محدن جهلها

في ميادين المعارك كم لكم صوله و جوله
من يلوم حبيب و نواف فـ الكامل وأهلها

- نواف العتيبي

[عَازِم @N538i]

مبارك عليكم الشهَر

أعاننا الله وإياكم على صيامه وقيامه إيماناً واحتسابا، واسأل الله ان يجعلنا وإياكُم من المقبولين والمحاطين بالاهل والاحِبة هانئِين بِما من الله بَه علينا في ظلال رَحمتة وعفوه🤍.

[أخبار السعودية @SaudiNews50]

عاجل:

رؤية هلال رمضان في تمير..
وغدا الأربعاء أول أيام رمضان بالسعودية .