ما بيني و بينك مشاريه وعتاب
شف دربك اللي جيت منه تدله ؟
ما راح تغلبني لو الحب غلاب
من حضرتك عشان قلبي تذله ؟
رح و أعتبرني واحد أذنب و تاب
ماني بثوبٍ تلبسه ثم تمله
والله إني حره . . من مواكير الأحرار
معرٍب ساسي و راسي على العليّـا رسى
ماعطيت لـ جاهل الراي وجهات إعتبار
ولا حسبت لـ نظرة الحسد بعيون النسـا
قيمتي في عين نفسي عمارٍ في عمـارٍ
و اللي متمني طيحتي من الخلق يخسى
أنا و أنت عشنا في خلافات تحت و فوق
و تعاطيت جرعات الزعل لين أدمنته
و حاولت ما نترك بعض و القلوب تروق
و بغيتك تزين شي لكنك شينته
لما قلتلك سرٍ هبيته بخور السوق !
و أنا سرك أودعته ضميري و أمنته
أنا صدمتي في عشرتك وجهها مصفوق
مثل فجعه الرجال في أخته و بنته ..
عزيزي الحاسد تراني " أحبك "
و لا الحسد ياكلك ما ياكلنا
لا تلتفت للناس واصل دربك
و اللي كتبه اللّٰه راح يوصلنا
كانك مريض الله يعجل طبك
الفضل فضل الله ما هو حنا
أنت بس لو إنك تذكر ربك
ترى يمكن تطلع أحسن منا
من خمسة أيام و الساعه على ماهي
نامت على حزة . . الفرقا عقاربها !
ياهي على حق ياهي مخلصه ياهي
توقفت مع توقف قلب صاحبها
لا خاب ظن اليتيم بـ حلمه الزاهي
مافيه حاجه بـ يبكي من سبايبها