نهـيّان

إنـما الإنسان ….. أثر

[نهـيّان @NA_M30]

طويت الرشّا عن ماردٍ ما بهج ظاميه
و صدّرت يوم النفس من مشربه طابت

تركته لو ان القلب زود الظما طاويه
ولو ان كبدي من هجير اللّظى ذابت

هقينا و خاب الظن في من هقينا فيه
ولا فيه أخس من الهقاوي اليا خابت

[نهـيّان @NA_M30]

اصعب من الجميل انك ترد الجميل
وعلى سياق ذلك يقول : سعود مبارك

ادري ان قضيه لزومي دقت تلفون
مير خايف من جميل علي يصعب جزاه

[نهـيّان @NA_M30]

يموت الفطين اللي معه معرفه و إحساس
و يعيش البليد اللي تعايش مع جهله

(قاع الفطنه بعض الاحيان مكسب)

[نهـيّان @NA_M30]

اعوذ بك يارب من خلي النفوس من الامل
و اعوذ بك من جهد لا يثمر ولا هو بمخلوف

يالله لا تجعلنا ضعافٍ لا علوم ولا عمل
ولا ضعفا عند أقويا ولا اقويا على ضعوف

[نهـيّان @NA_M30]

تمشي الرجلين دام القلوب مودده
وان تجافى القلب سير القدم عسر عليه

[نهـيّان @NA_M30]

يارب انا في رجاء الغفران لانك غفور
رحمتك تسبق عقابك يا شديد العقاب

اشعر بها يوم اقصر و اعترف بالقصور
و اسوي الذنب والقى دعوتي تستجاب

عليك يا خالقي وكّلت كل الامور
وقطعت الآمال فاللي خلقو من التراب

: فهد قطنان

[نهـيّان @NA_M30]

يارب عفوك وانت للذنب غفار
اغفر لعبدك مسرفٍ بالخطايا

اعوذ بك من فتنه القبر و النار
في ساعهٍ فيها الخلايق عرايا

الموت و الارزاق تاتي بالاقدار
في ساعهٍ فيها تبين الخفايا

[نهـيّان @NA_M30]

احدن توصل به بعيد المواصيل
و اذا معه لك حاجتن ما ذخرها

و احدن هبيل و يحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
و وقفات سمحين اللحى ما قدرها

رشيد الزلامي

[نهـيّان @NA_M30]

الوقت دوار و ابن ادم ضعيف
تشتكي عينه من الشوكه اللي بقدمه

وان بغى الرجال يطلع من الدنيا خفيف
يمسك ذراعه و يحبس لسانه في فمه

ابراهيم الشيخي

[نهـيّان @NA_M30]

كل زفير اهل الارض لا يغير مسار غيمه فإن اراد
الله لك الخير ساقه لك لو على ظهر عدوك

لذلك :

لا ترخص النفس و الأيام ملحوقه
اجمع من العز ما يروي مشاويرك

[نهـيّان @NA_M30]

اليا بليت بكلمتن مالها علاج
عوجا وجاتك من عوج صد عنها

دور لها يا محكم الشور مخراج
ولا تنشد اللي جابها عن ثمنها

ما انته مكلف بين ناقل و هراج
ارفع مقامك يابيض الوجه عنها

[نهـيّان @NA_M30]

يالله ياللي بأسمك الناس تحتاط
فيك الرجاء من دون نفسي و ناسي

تلوج روحي بين تفريط و افراط
في لذه الحياه خذاني حماسي

واسج و اخذ لي مع الغفله اشواط
و الدّ لك وانا مقصر و ناسي

نزّلت راسي ساجدٍ لك و محتاط
لعلّي ارفع في ضحى الحشر راسي

[نهـيّان @NA_M30]

الفضل لله لا خيرك و لا شرّك
لي نفس ماهيب لوامه ولا جزعه

عديت بـ لحالي أيام لو تمرك
اول ما يطري عليك تدور الفزعه

[نهـيّان @NA_M30]

نامت عيون الخلق و الشوق يختال
الا عيوني في خيالك طريده

من الليالي ما شكيت التغربال
انا حزينٍ ذكرياتك رصيده

افتش الماضي من يمين و شمال
و ألقاك في كل الزوايا عقيده

يجرحني النسناس و الغصن لامال
و تجرحني اشياء واجد يا عنيده

اليا ذكرتك بدل الحال فالحال
من حزن قلبي لـ ابتسامه سعيده

ما شفت في غيرك من الناس مدهال
الا انت يا حلم العيون السهيده

اعيش بالذكرى على ذيك الاطلال
طاريك ارجع كل ساع استعيده

انتِ ملكتي الفكر و القلب و البال
يا سيده قلب الشجاع الفريده

حبيبتي لو روّحت كل الأمال
على امل لقياك جمله مفيده

ما مات حبك وسط قلبي ولا زال
ينمو على طاريك وانتِ بعيده

: وقاد

[نهـيّان @NA_M30]

حنا نريد و يفعل الله ما يريد
جمله تريح النفس في منطوقها

لا ترهق أفكارك و تسرح بعيد
الشمس تفضح ما خفى بشروقها

ازرع بوقتك طيب وانت المستفيد
الطيب شجره ما تموت عروقها

[نهـيّان @NA_M30]

ليت رمضان الي بها العام ينعاد
ناس غلاها وسط قلبي مقرّه

العام معنا و يتحرون الاعياد
وهذي السنه غابوا عن العين مره

الله يا كم غالي فقدانه ما عاد
يقطعك دنيا ما وراها مسرّه

فـ يالله يا رب له الخلق سجاد
من راح فالفردوس الاعلى مقرّه

[نهـيّان @NA_M30]

طافوا بذهني عابرين
راحوا بدون أشواقهم

لو كان للذكرى يدين
كفكفت عمرٍ ساقهم

ما كن قاسمنا السنين
ضاع الوفا بـ اعماقهم

بكرى ليا هب الحنين
لـوا الغياب اعناقهم

يردهم شوقٍ دفين
و يحت خضر اوراقهم

ما يستفز الراحلين
الا برود .. فراقهم

: عيد فهيد الشمري

[نهـيّان @NA_M30]

جيتك مسلم مسلّم لا تحداني
اقول لك كلمه ما هي على بالك

اقول الاول تراه انته وانا الثاني
في سيره الحب اوقع لك على ذلك

يا صادق الود ليه اعلنت هجراني
ان كان من جد فال الله ولا فالك

انا عطيتك عهد و الصبر برهاني
وان كان فكرت ابا انساك إتهيالك

وانا مفوضك تامرني و تنهاني
عيوني لخاطرك و القلب منزالك

: حبيب العازمي

[نهـيّان @NA_M30]

لا تتوقع ان لك مكانه كبيره في قلب احد
لا تتوقع انهم يبادلونك حجم حبك و تضحيتك
لهم
ولا تعتمد على احد فث هاذي الدنيا فمهما قدمت لهم فأنت قابل الاستبدال عند حضور
البديل فـ انتبه لا تصدمك خيبه العشم

كنت اشتكي لك كل ما جاني الضيق
واليوم منك الضيق كيف تشتكي لك ؟

[نهـيّان @NA_M30]

البارحه و الهبايب تطرق احساسي
خطيت قاف القصيد ولا تخطيته

في عزلةٍ شرها من شر وسواسي
تراود الماضي الي فات و انهيته

ما كنت اظن القصيد يضم و يواسي
لين المشاعر بنت من كسرها بيته

والي دفع ضيقتي و اثر على انفاسي
حيٍ من سنين لا جاني ولا جيته

مدري من المنسي و مدري من الناسي
انا لا جا طاري النسيان بريته

ادري و يدري وانا مثل الجبل راسي
ولا فيه ظرفٍ عنيد الا تحديته

ما شافني كيف اشيل هموم جلاسي
و اشارك الحي في حزنه على ميته

مبداي ثابت و طبعي من على ساسي
احاسب النفس في شي ما سويته

يا قلب مالك مشاريه على راسي
يكفي مشاريه ناسٍ تشهر بصيته

: مقرن بن حربي