ياللي جديلك بالضحى لو تفلّه
خيّم عليه الليل الأجعد وغطّاه
مالي ملاذ إلا الرموش المظلّه
في حسنها معراج طرفي ومسراه
يا وجهك اللي كل ما طلّ ،، طلّه
لبيه واسم الله عليه وما شاء الله
وشلون يذبل ياسمينه وفلّه
والزين يسكب ماء الحيا في محيّاه
الليالي مالها وجهٍ ضحوك ومسفهلّي
غير لا منه بدا لي خدك اللي فيه شامة
اقربي
لين
يتلاشى
حزني
ويرتاح
ظلي
من طريقٍ فيه عيّفت القدم راس العدامة
واستريحي فوق ديباجك
وفلي شعرك اللي
ودي أقضي عمري الباقي
تحت دامس ظلامه