ناصر سالم

📝🎤

[ناصر سالم @NS_07s]

على ذا الحروب بداخلي ياجب التنويه
أبا اعلن سلامي ، وابعد الشك والاوهام

لكنّ البخيص يشوف بان الهدو تمويه
وانا اقول من شح بكلامه ماهو منلام

أكابر على قلبي __ وانا خابرٍ وش فيه
عجزت اعترف بإن الهدو ، راية إستسلام

ناصر سالم

[سيف ابن جرمان. @Fj_2y]

خالي الصدر ماعنده شعور فكلامه
المشاعر معى الضايق ليامن تكلم

عيد ان كان تبغى تشوفني ب ابتسامه
كان ماودك تعيد يكفي تسلم

صرت ماعاد ابي فالعيد غير السلامه
دام الاعياد فيها الحزن دايم مولم

دام ماحصّل المحروم منك احترامه
لي متى بالمواصل كل يوم يتحلم

غيبتك عن عيون الي عطاك اهتمامه
يعتبرها دروس وظربتً من معلم

ذابح الوصل كنك ذابحً لك كرامه
من متى والكرم يوجع وجرحه يعلم

[ناصر سالم @NS_07s]

@Managrbo3 صح الله بدنك يبو سعود

[ناصر سالم @NS_07s]

هلا يا ليل جيت ومرحبا والا المرحّب جاك
مفزّعني نهاري ؟ كل ذكرى في طرف حله

زبنْك اللي تصاليه الطواري من قبل لاماك
وياخذ من ظلامك ظل __ يا ليلٍ بدا ظله

أشوف الخوف من شمس العصر والأمن فـ لقياك
"أماني" ,, والاماني فيك حلوه مابها خله

يساورني قصيدي واتخاطب في طرف جنحاك
مع خلٍّ حداني __ وانحدا قلبي على غلّه

الا ليه التجافي ،، "يا حبيبة واحدٍ خلّاك؟
على مطلع قصيده ويتعزوا بسمك إسمٍ له

مشاوري مع دربٍ سلكته متجه لـ رضاك
ترجّعني كسير الظن __ لا خوفٍ ولا ذله

ما وقّف عاشقك لحظه سوا لحظه من الادراك
بعد ما كان معصوب العيون وتابعك كلّه

تعبْت وتعبَت جروحي تصحّيني وانا ويّاك
لها عامين في قلبي ,,, وقلبي في غيا خله

صحيت اليوم يا قلبي يا ليت الجرح ما صحاك
خذاك النوم من عين الندم ، واليوم مندله

شعوري باذل ومخدوع؟ ملزومٍ على شرواك
وشعوري مدرك وندمان مثل القتل من زلّه

ناصر سالم

[سيف ابن جرمان. @Fj_2y]

انتظاري في غيابك ياجعله مايدوم
لي متى وانا اتحرى! قدومك وارقبه

خاطري من يوم مارحت وعلومه علوم
"الطرب" صاير ليا مر! ما يستطربه

كل يوم اقول بأسلا! ولا قد مر يوم
غير ادور عن شبيهك وعن وجه الشبه

يمكن انسى رمشك الي ترك فيني وسوم
بس لا يمكن، يجي يوم وانسى مضربه

عن دموع الشوق ريح عيونك ومخدوم
اعتبر عيني لعينك "رهين التجربه"

من يلوم الصدر لا صار ضايق "وش يلوم"
واحدً؟ لا مره الضيق! "ما يستغربه"

المفارق يكسر القلب ويزيد الهموم
طالبك لا تكسره قبل ياخذ مطلبه

دافِع الفرحة للأيام "دفعي للرسوم"
كن "شروق الشمس" لابان طلاب رقبه

تلمع الدمعه مثل لمعت انوار النجوم
كنها ( شيخً ) ثنى دون الاجواد "ركبه"

لا اتغارب فانعزالي عن العالم عموم
صايرً يزعج ضميري "هدوء المكتبه"

[ناصر سالم @NS_07s]

أستلهم الفكره _ من أطراف الضلال
لا عانق الرمضى __ بعد ليلٍ عتيم

ما تستحي شمس الضحى من ليل طال
على المولّع في __. نحى شوقٍ قديم

يا كبر مشروهي؟ " على سود الليال"
يوم اتركت قلب __المولّع مستهيم

ميَتّمتْ قلبي؟! " عن أرباب الدَلال"
كانت يتيمه __ "لين خلّتني يتيم"

لكن متأمّل __ لو ان الوقت مال
إن الله المعبود _ في عبده رحيم

أخر محطّاتي معَ بنت ،، الحلال
"أوّل محطّه؟ للطريق المستقيم"

ناصر سالم

[مانع بن جربوع @Managrbo3]

خلك حريصٍ على رجلك من القرصه
الخطوه اللي م تضمنها ؛ لا تقدمها

الناس / مثل السباع ): تدوّر لـ فرصه
إن طحت من عينها _ حوّلت في فمها

صديقي المبدع جدا ناصر سالم .
@NS_07s

[ناصر سالم @NS_07s]

ساكت الليله وعينك مضايقها الكلام
من لمحتك عارفٍ خاطرك ماهو بزين

مستحيل يمر ضيقك علي برد وسلام
أنا من همك وضيقك مالي عذرٍ سمين

ناصر سالم

[ناصر سالم @NS_07s]

@Managrbo3 صح الله بدنك

[ناصر سالم @NS_07s]

لو إنك والليال السود في صدري غديتوا رمح
ثبتّ وسيفي المعكاز _ لو ناشه بعض دمي

خذيت اللي خذيته وان تبي تمحي غلانا فـ امح
لا تملا صفحة العشره من المشروه ونت أمي

مابينك والكرامه ماأستمر الدرب ذاك السمح
وقفت وكنّي المحتار ؟! بين "أبوي ، والا أمي"

ناصر سالم

[ناصر سالم @NS_07s]

@Managrbo3 ي سلام يبو سعود صح الله لسانك

[مانع بن جربوع @Managrbo3]

انا داخلي كومة هموم وتعب واحزان
لو اضحك ترى الضحكه مع الحزن مرهونه

غدت كنّها زقم العلك في يد الفقران
لا غطت مصاريفه ولا سدت ديونه

ترى ضحكة الضايق مثل حالة الطفران
هذا الفقر في جيبه وذا الحزن في عيونه

[ناصر سالم @NS_07s]

يا مال الغنيمه ، لا تكثّر عليْ الهرْج
وانا واحدٍ لا شافك اخطيت ما ذمّك

أحنّك وأحبّك والمحبّه تجرّي الحرْج
ولا زلت ،، أشرّف للمناديب من يمّك

ناصر سالم

[ناصر سالم @NS_07s]

@Managrbo3 صح الله بدنك

[ناصر سالم @NS_07s]

كنت انتظر عيدي معك يـ اتلع الجيد
بس الليالي؟! " مستميته وخطره "

قبل ثمان ليال __ من ليلة العيد
"طاح العطر ؟! لكنّ ما فاح عطره"

مثل السراب اللي على جرهد البيد
"حثّيت نفسي ،، واثر مافيه قطره"

ناصر سالم

[ناصر سالم @NS_07s]

مشتاق لشعوري معاك إنّي الوحيد
اللي عطاه الله " أنتي " __ واكتفى

انا إنولدت وعشت عمري من جديد
والظاهر انه حلم ؟! عدّا ، واختفى

واللي م خلّاني ،،، أعوّد من جديد؟!
"خوفي تكرر غلطتك ، وأقول أفا"

ناصر سالم

[ناصر سالم @NS_07s]

@Managrbo3 @Fj_2y صح بدنك

[ناصر سالم @NS_07s]

البارحه بين الدمع والتناهيت
كن النسم ياسم خفوقي بسيمه

ودعتها !؟ وانا ضلوعي توابيت
ما تحمل الا الذكريات القديمه

تحاكة العبره ، وانا ما تحاكيت
"قالت كلامٍ !؟ ما يثمّن بقيمه"

حسمت علمي بالوداع وتسموَيت
ناصر مقفّي __ والنوايا سليمه

يا بنت قلبي ،، والله إني تماديت
حرمت قلبي حُرمةٍ ما تضيمه

روحي وانا اللي ضاريٍ بالتخاتيت
ذبّي الخريمه واستري يا حشيمه

وانسي _ وانا لو انّي اقدر تناسيت
والله ما انسى "بنت قلبي" اليتيمه

لونّهم صلوا جميع "وما صليت"
"تبقين من بين الحنايا مقيمه"

الى هنا _ رغم الدمع والتناهيت
"ودعتك الله يالعنود العظيمه"

ناصر سالم

[ناصر سالم @NS_07s]

@Fj_2y تسلم قبرتني