ما ملكنا إلا المقام اللي تطيح الناس دونه
وما كسبنا إلا الفعول اللي ترد العلم عنا
ارتفعنا عن كلامٍ . . كل يوم ترددونه
يوم حنا ويوم حنا ويوم حنا ويوم حنا
لا تحاول تشغل العالم بشيءٍ ما يبونه
بين قلت وبين طلت وبين كنت وبين كنا
انا بعطيك احتمالين مهوب احتمال
فيها حريه مغادر و حريه قدوم
ان رضيت رضاك مكسب وقربك راس مال
اعترافي لك بقدرك يدوم او مايدوم
ان زعلت ارضتك الايام وارضتك الليال
السنه واجد ثلاث مية وستين يوم
مابعد قفى المقفي و قلنا له تعال
من بغى الصده يبين علمها ومخدوم (:
لا تخلّيني في وادي وأنت عايش في فؤادي
الوصل غصنٍ يظلل مرتع العشّاق ظله
من عرف منك المحبه والتسامح والمبادي
يعرف انك ما تخلي واحدٍ ياخذ محله
كل شيٍ ودك تسويه لا من ضقت عادي
بس لا تاخذني لـ درب الهجر وأنا مادله .
مل قلب ٍ يرسم آماله على سيف الرجاوي
عل يلقى في قفى الايام . .لحظه عاطفيّه
ㅤ
والله انه ماا بلا قلبي . . . وخلاني شقاوي
غير من عقب المفارق والليالي السرمديّه
ㅤ
لايمي لا شفت عيني ساهره والبال غاوي
وش ينسيني جميــل الذكريــاات الاوليّه
نهبتك من همومك يوم دايرة الزمان تدور
وعيّشتك حياةٍ سببت فالمجتمع ضجه
نصرك الله علي وانا شجاعٍ ما يهاب الجور
سباع الارض تزحف من طريقي وين ما اوجّه
وسرا ليلك علي يوم اختفى عني شعاع النور
ياوقتٍ ما قدرت اعدّي ظروفه ولا اسجّه .
#مساء_الخيرᅠ 🙋🏻♂️🌹