Nada Elhawary 🇵🇸

Software Engineer👩🏻‍💻

[Nader @Ahmednaderyass]

المشكلة إن كل ده من عُمري

[مَيْ @maiaosh]

ما لا يقتلك يجعلك تجلس هكذا لعدة أشهر.

[Nada Elhawary 🇵🇸 @NaadaMahmoudd1]

حاسة إني متضايقة من نفسي وعلى نفسي إني طلعت مبتخطاش ولا بتجاوز ولا نيلة وبردو قاعدة براكم ومجرد ما سيرة أي حاجة كانت مضايقاني تتفتح برجع لنقطة الصفر تاني
ومتضايقة عشان كنت فاكرة إني سامحت وخلاص وأنا طلعت بجد مش عارفة أسامح وحقيقي حسبي الله ونعم الوكيل في كل شخص أذاني عن عمد

[Nada Elhawary 🇵🇸 @NaadaMahmoudd1]

أنا شهر أكتوبر بالنسبة لي شهر الوقوع.
(الجملة خلصت)

[Nada Elhawary 🇵🇸 @NaadaMahmoudd1]

كنت بحس إني نايمة على مرتبة قطن مش صخر؟

[Nada Elhawary 🇵🇸 @NaadaMahmoudd1]

والله مشتاقة للحياة من غير وجع الكتف والضهر والرقبة نفسي افتكر كنت عايشة ازاي من غيرهم، كنت بنام عادي؟ كنت بعرف أنام؟ كان اوبشن إني أفرد ضهري وأحس براحة ده موجود؟ كنت بلاقي نومة مُريحة يعني وأنام عادي في هدوء؟ كنت بنام قبل ما أكمل ٣ ساعات بتألم لغاية ما ربنا يكرم وأنام؟

[Nada Elhawary 🇵🇸 @NaadaMahmoudd1]

مش عارفة كل حاجة صعبة أوي فعلًا ولا أنا اللي فرفورة بس أنا مش قادرة

[Nada Elhawary 🇵🇸 @NaadaMahmoudd1]

@NehalRayan يارب يا نهولة وإياكِ، الدعوة لوحدها ريحتني نفسيًا 😂❤️

[Nada Elhawary 🇵🇸 @NaadaMahmoudd1]

@NehalRayan ربنا يوفقك يا نهولة أنتي شاطورة وربنا هيكرمك ❤️

[Nada Elhawary 🇵🇸 @NaadaMahmoudd1]

أمنية كل يوم يارب تتحقق قريبًا (:

[Mariam • @unfmariam]

يا رب أصلّي الفجر في الحرم.

[Nada Elhawary 🇵🇸 @NaadaMahmoudd1]

مش قادرة أحاول في أي حاجة، مش قادرة للصراعات اللي في الدنيا دي كلها مش قادرة لأي حاجة بجد، عايزة أعيش في سلام مش عايزة أفضل أحارب عشان أوصل لحاجة أو أفضل أحاول في حاجات مبتتصلحش أو مبتحصلش
بحاول أسعى واعمل اللي اقدر عليه بس حاسة إني مُنهكة من شدة صعوبة الطريق

[ٍَ @rsq4rc]

ليه محد يتكلم عن إحساس إنك بس قاعد تستنى تعيش؟
كأن حياتك للحين ما بدأت
وأخاف يمر العمر كله
وأكتشف إني ما عشت أصلًا
الإحساس ذا مرعب مرّة

[Hager abdelbaset @Hager_189]

ضاع مني كتير..
الله يعوضني عن اللي فقدته،
الله يعوضني عن وجعي وزعلي،
ويعوّض قلبي عن حزنُه!
الله يعوضني في نفس موضع فقدي بأفضل ممّا أتمنى وأرجو منه عزَّ وجَل،
الله يجزل عليَّ بالعطايا والنِعم..
آمين.")

[Nada Elhawary 🇵🇸 @NaadaMahmoudd1]

خلاص مش قادرة أصلّح حاجة تاني والله مش قادرة أصلّح أي حاجة

[مَ @64bfii]

حاسس ان طاقه التسامح اللي جوايا خلصت اللي موجود دلوقتي يدوب احاول اسامح بيه نفسي اني سمحت لحد يجي عليا بالشكل ده

[Nada Elhawary 🇵🇸 @NaadaMahmoudd1]

حاسة بإحساس اللي بقاله كتير أوي بيزحف عشان يطلع الكام سلمة اللي فاضلين له وكل ما يطلع سلمة ينزل تاني على اللي تحتها وأول ما وصل للسلمة الأخيرة ملحقش يصلب طوله وأول خبطة وقعته في القاع

[Nada Elhawary 🇵🇸 @NaadaMahmoudd1]

محتاجة أفكّر نفسي كل ثانيتين إني مش في معركة، وأريّح كتافي ورقبتي، وأفك حواجبي وأبطل جز على سناني كل ثانيتين حرفيًا يمكن عقلي يصدق

[Nada Elhawary 🇵🇸 @NaadaMahmoudd1]

نازلة أواجه مجتمعين توكسيك أكتر من بعض كمان شوية يارب استرها على صحتي النفسية وأرجع سليمة

[Nada Elhawary 🇵🇸 @NaadaMahmoudd1]

مبقيتش قادرة استحمل جحيم الوعي ده كله، العمى أرحم بكتيير حرفيًا