تقريبا لو سألتني عن نصيحه مختصره مفيده في الكارير بتاع الدكاتره دا ، هقولك جمله بعد ١٠ سنين شغل و مدعكه في النبطشيات ( خد التخصص اللي يخليك تبات ف البيت ) سلام عليكم 🫶
المعادلات صعبة وطرق اغلبها قفلت
نيابة الجامعة استعباد واستنزاف
الصحة مفيهاش ريت ولا تعليم
الزمالة طويلة ومش عارفين نهايتها
ممارس عام ؟ التضخم في مصر مش هيخليك تعيش بدخله
نروح فين ونيجى منين يولاد ؟
جماعه فى ناس انا مكنتش اعرف انهم كيوت و رقيقين اوى كده
يعنى التعامل فى النيابه غير بصراحه
و الانسان بيكون تحت ضغط جامد و بردو لطيف
زى سلمى عادل تروبيكال
سلمى الخواجه اورام
امانى جمال اورام
دعاء مجدى امراض دم
٢ بقى من اروح ما انجبت الكلى ندى و نصير بجد
بنبقا فاكرين ان ديه نهايه الدنيا و اصعب مرحله ف الحياه بنكتشف ان في مرحله اصعب من كده مليون مره و برضو بتعدي .. الحياه مكمله و ماشيه مبتقفش و كل مرحله ليها مشكلتها و بتعدي برضو مبتقفش .. و كل حاجه انت شايفها صعبه و مستحيل تعدي لا بتعدي و هتنساها خالص كمان
ف هون على نفسك ..
امبارح عديت عالكليه لسبب ما .. طلعت ف المباني كده حسيت بضيق تنفس و ذكريات امتحانات و قلق و شفوي و عملي .تخيلت .. ٧ سنين عدو ف المكان ده و عدو .. عدو بكل امتحاناتهم بكل مشاكلهم بكل سكاشنهم و راونداتهم و ساعتها كنت بقول هل ممكن تعدي ال ٧ سنين ديه ! مستحيل
اكتشفت انهم عدو بجد (١)
يا بخت اى حد قرر انه مياخدش نيابه جامعه وكان قد قراره ومتأثرش باقناعات الى حواليه ..بجد يا بخت كل حد قدر يختار نفسه وحياته وصحته ونفسيته و مأخدش نيابته فى الجامعة ..
يا بخت كل الى قدرو ياخدو قرار صعب زى الاستقالة وقدرو يحررو نفسهم من نيابه الجامعه بجد
مبقتش عارفه
هل الحياه هتحلو فعلا ف يوم من الايام ؟ هل هعيش مبسوطه ف يوم من الايام ؟
ولا هفضل ف ساقيه الشغل ٢٤ ساعه اروح يدوبك كام ساعه انام عشان الحق اجي النباطشيه و سهر و anexiety و بس
يعني هل هيا ديه الحياه بس اللي هعيشها ولا هلاقي حياه احسن من كده ف يوم من الايام !