نايف المطيري

[نايف المطيري @NafiQlbi]

ماني خوي اللي تراعد عظامه
رفيقي اللي للمهمات مقدام

اللي فعوله ماتخالف كلامه
وليا نخيته قال ياصاح قدام

[نايف المطيري @NafiQlbi]

يا صاحبي لو تسمع هروج عني
من ناس قالوا كلمة ما لها ساس

حاول تعاملني بما شفت مني
ما هو تعاملنــي بما قالـوا الناس👌🏻

[نايف المطيري @NafiQlbi]

ترا الصداقه : تشبـه انواع السيوف
و ما كـل سيفٍ يا بعـد حيي قــوي
ٰ
سيفٍ بريقـه في اللعب بين الصفوف
وسيفٍ صليلـه في الوغى يدوي دوي
ٰ

[نايف المطيري @NafiQlbi]

ما��يه فالدنيا مثل حسـن الاخلاق
والطيب بين اهل المعاريف جامـح
.
وخاطرك لو انه على صاحبك ضاق
كانك تبي ترتاح جـرب ،، وسامح

[نايف المطيري @NafiQlbi]

أصبر على الدنيا ونكبات الأيــام
وأتبع طريق الحـــــــق جره بجرّة
عن واقعك لاياخذك طيش الأحلام
وأعرف ترى حاجتـك للناس مـــرّة

[نايف المطيري @NafiQlbi]

الكـبـر مـايـرفـعـك مـثـقـال ذره
لـو تـكـبـر مـا تـحـتـك الا ظــلالك

والتواضـع يرفعك فوق المجــره
لو تواضع تكسب الناس بوصاالك

[نايف المطيري @NafiQlbi]

من لا يحس بقيمتك وأنت موجود
. ماهو بناشد عنك لاصرت غايب
،،
حاول تفرق بيض الايام والسود
. ياقلب ماكل الحبايب حبايب

[نايف المطيري @NafiQlbi]

ودي أفضفض بس ويـن التعابيـر
ودي أعبـر بس ،،،، ويـن المعـانـي

حاولـت أبرر صمتـي بـأي تبـــرير
وعجزت أبرر صمتـي اللي غشانـي

[نايف المطيري @NafiQlbi]

يا لايم النفـس والله ، مالنا لايـم
نساير الوقت ، والعالم نسايرها
،
كل البشـر فانيه ، مير الله الدايم
لكن ليت البشر تصفي ضمايرها

[نايف المطيري @NafiQlbi]

غنيت أنا من زايد الضيق موال
لين إنقطع صوتي من أسباب عبره

ويلاه أنا من ضيقةٍ تبرى الحال
مافاد صبر القلب وإن زاد صبره
.....
.....

[نايف المطيري @NafiQlbi]

اللي يقول الناس للناس مخطي
أكثر هموم الناس من سبه الناس

ب أحقادهم والكذب تاخذ وتعطي
لا عندهم مبدا ولا فيهم إحساس

[نايف المطيري @NafiQlbi]

يالله يالي لغيرك ما ارتفع كفي
يآللي خلقت البشر والنار والجنه

طـالـبك رزق يـسد النـوب ويكفي
عن حاجة الناس والحقران والمنه

[نايف المطيري @NafiQlbi]

ايــــــــــــــــــــه

دنيــا غـثاها مالقينا لها علاج
الا مع السجهه وگثر المداجي
في ديرتن مابها لانت وابراج
جوِ خـــــلا فيه الهبايب علاجي

[نايف المطيري @NafiQlbi]

اللهُم إجعل كل من غادر الحياة له حياة أجمل ،وإجعل قبره نورًا وضياءً .

[نايف المطيري @NafiQlbi]

الفجر قرب وأنا عد النجوم السوارى
سبت مواااجيع عساها تزينى
لو كان به دكتور قريب وطوااري
ماني محصل وصفت الغايبينى
اللهم ارحم من فقدناهم..؟

[نايف المطيري @NafiQlbi]

الموت حق ولا جزعنا من الموت
بس ��لفراق يعذب القلب والروح
.
ولا ردت الاقدار دمعه ولا صوت
مرحوم ❓💔💔 محلل ومسموح

[نايف المطيري @NafiQlbi]

حنا مع اللي يرفع الراس طاريه
الصاحب اللي ماتربى على العيب
.
اللي على طيب المراجل مساعيه
يستاهل التقـدير ويستاهل الطيب

[نايف المطيري @NafiQlbi]

ولا خسرنا غير من يشبه فعول أوخيته
راع النميمه و الحسد خسارته دنيا و دين
لا هو رفيقن لي ولاني راغبن نوعيته. ٢

[نايف المطيري @NafiQlbi]

حنا کسبنا معرفه روس الرجال الطيبين
ولا خسرنا غير من يشبه فعول أوخيته
راع النميمه و الحسد خسارته دنيا و دين. ١

[نايف المطيري @NafiQlbi]

الخوي فــي سلمنا مــايعّد الا رفيق
نحتضي لابــان شانــه وياصل مطلبه
ون زهمنا ساعت الضيق والله مايضيق
نجلب الأرواح من دونه ويبشر بسعده.