نايف

احب اشارك تجاربي 🧀 للتواصل: [email protected]

[نايف @Naif_HD]

اقرب الفيديوهات لقلبي
https://t.co/a8aGw62oDu

[نايف @Naif_HD]

عالميا هذا القطاع يعاني (النشر الرقمي)
اعتماده الاساسي على:
- اعلانات رقمية (مثل قوقل: يوتيوب) الوطن العربي يعتبر من الاقل ربحية عالميا لكل ١٠٠٠ زيارة
- شراكات اعلانية (نموذج غير مستدام)
- بيع مباشر (اشتراكات ، merch) الى حد ما غير متقبل لدينا
- ترخيص حقوق البرامج

وشركات مثل vice,buzzfeed عانت عالميا

والنموذج الوحيد اللي نجح بالتنوع هو Timeout

قدم نموذج ربحي مختلف عن طريق تاسيس مصدر دخل جديد وهو Timeout market

اللي فعليا هو عبارة عن استغلال قوة العلامة التجارية لخلق مساحات عقارية قابلة للتاجير

ناهيك عن تكلفة التشغيل العالية للميديا عربيا مقارنة بغيرها

[نايف @Naif_HD]

هذي اول ساعة لي احبها ولها اكثر من ٣ سنوات معي الانيقة كاسيو😍

لاحظت كثير يتكلم عن الساعات هنا وحبيت اشارك

https://t.co/7s2PCAAx6d

[نايف @Naif_HD]

وش رايك نشوف منظور نايف بعد ١٠ سنين؟
نايف بدأ من حبه للشغله في وقت مفهوم الاعلانات ماكان موجود اصلا (الميزانية من المكافاة ٩٩٠)
وكانت الناس تستغرب هالنوع من المحتوى ولكن نايف كان مؤمن فيه.

والنتيجة الحمدلله كنت من الاوائل اللي ساهموا يدخلون هالنوع من المحتوى في السعودية واللي يساهم في قطاع التغذية اللي حجمه اليوم تقريبا حول ٩١ مليار ريال ولسى مشهد المطاعم بيتطور اكثر واجزم ان الرياض راح تكون وحدة من افضل الوجهات العالمية لسياحة الاكل مثلها مثل كوبنهاجن.

لكن اذا نايف اللي عمره ١٣ سنة بيدخل سوشل ميديا اليوم بقول له:

الشهرة ماهي هدف.
اذا ماتحب الشغله راح تتعب وممكن ياثر عليك نفسيا الناس ماترحم.
اذا انشهرت بتاخذ اضرار الشهرة قبل منفعتها من اعلانات وغيره.

بس وش هي اضرار الشهرة؟ المنافع كلن يعرفها

شفت اللي فجاه يتغير ويسوي اشياء غريبة عشان مشاهدات؟ تراك منت بعيد عنه لان فيه خوارزميات بناها اذكى عقول العالم عشان تاثر عليك وتهتم للتفاعل ولكن لازم تحمي نفسك وما تربط قيمتك بمشاهدات (نفسك،اهلك،اصدقائك، مجتمعك هم رقم ١ دايم )

-غلطة وحدة في السوشيال ميديا تنتشر أسرع من ألف شي صح،
بتعيش منتبه طول الوقت.
والخصوصية؟ إذا ما تحكمت فيها بتطلع للعلن… واللي يخوف انها غالبا منك أنت!

-إذا وفقك الله وانشهرت وانت صغير،
بيجونك يقولون: “اترك الدراسة” — لا تسمع لهم.

-إذا هدفك الفلوس بس، ركّز على دراستك وتخصص بالتقنية،
السوق يعطيك أكثر من الشهرة إلا لو كنت من أشهر 1% في المملكة.

-سمعت عن اللي ينجلطون من الاسهم؟ بالضبط هذا تاثير المشاهدات عليك

-حاول تفرق بين النقد البناء واللي قاعد يهاجمك مو اي احد يعلق عليك عدوا نجاح يمكن صدق انت غلطان

-تصالح مع ان في اي مكان تروح له ممكن احد يعرفك وانت ماتدري غريب الاحساس بس بتتعايش.

-بكره تكبر تبي تتزوج اعرف ان الشهرة محسوبة عليك موب لك

- شفت اللي طلعوا وتكلموا عن الاكتئاب او مشاكلهم النفسية ؟ الشهرة تسرع هالشي

- متى مادخل الغرور في نفسك وتحسب ان الناس مفروض تعاملك بشكل مختلف لانك مشهور؟
هنا الخطر الحقيقي — وقف وراجع نفسك

-شفت اللي سمعتهم سيئة كمشاهير ؟ بطريقة غير مباشرة بتكون محسوب منهم حتى لو انت عكس.
تصالح لا تحارب الفكره

-بيجتمع عليك تعب الشغل والشهرة بدون مردود لفترة طويلة

-اي شي تنشره اليوم محسوب عليك بعد سنين

-عادي جدا تنشر شي ونيتك سليمة تتفاجأ انه يستخدم بطريقة سيئة جدا وماعندك سيطرة.

السؤال الاخير:
مستعد تتحمل؟

[Intrepid 🏹 @im0hamd]

مشكلة ثورة السوشل ميديا وسهولة التواصل البشري والتوثيق وبقاء المحتوى المنشور إلى الأبد، أنك تكبر وتتغير… بينما نسخة منك قبل 10 سنوات ما زالت تُعرض وكأنها تمثلك اليوم.

أجزم أن نايف كان طالب جامعة يقضيها تقييمات مطاعم بالبريكات وماكان متوقع الناس بتشوفه هاللحظات بعد ١٠ سنوات 🤷🏻‍♂️

[نايف @Naif_HD]

@Abdulmalikcr @im0hamd يخوي لاتفضحنا ذا اللي مايدري عنه عشان كذا مبسوط انه حط الاكل😂😂

[نايف @Naif_HD]

@abo_nayef7 لقيت حسابه بتيك توك

https://t.co/zCfWlaa7UO

[نايف @Naif_HD]

@NedaaAlkhamis @grok is this AI generated video?

[رؤية السعودية 2030 @SaudiVision2030]

النجاحات كثيرة… والطموح ما يوقف..
وكل خطوة، وراها شعب هو أساس الرؤية.
اطلع على التقرير السنوي لـ #رؤية_السعودية_2030.
#رؤية_أنت_أساسها

[نايف @Naif_HD]

@ALHABIBMINT لايفوتك

[نايف @Naif_HD]

فرن ابو جمعة واحد من اقدم المخابز اللي تقدم فطاير في الرياض لاكثر من ٤٤ عام

احد الاماكن السرية في الرياض واللي لازم تزورها

#مطاعم_الرياض #اكل #فطائر

[نايف @Naif_HD]

@imulqa جرب بتر تشكن وادعيلي

[نايف @Naif_HD]

ثامر الصيني يسوي ريفيو لcoda وبيكري sj باللغة الصينية

[نايف @Naif_HD]

@NASEER_OB ١٠ مليون ريال في صندوق مؤشرات

[نايف @Naif_HD]

مطعم شكن اول من بدأ ساندويتش الدجاج المقلي بشكله الجديد وكسر الدنيا

اليوم راجع بخلطه محسنه ووجبة جديدة اللي هي الشيكر

#مطاعم_الرياض#شكن #دجاج_مقلي

#اعلان

[نايف @Naif_HD]

تجربة اكل بكتيريا نافعة

[نايف @Naif_HD]

نوفو novu للوافل البلجيكي محل متخصص بالوافل
وعندهم عجينتين مميزه شي للحالي ونكهاتهم الرهيبة مثل نكهة الكاسترد والبيكان

وفطور ووافل مالح بعجينة مختلفة ومخصصة لهالاكلات

عجينتهم مميزه والنكهات رهيبة غير هذا كله منزلين مشروبين شتوية جديدة

تيراميسو و هوت شوكلت كل واحد الذ من الثاني
#اعلان

[نايف @Naif_HD]

بلاكوس مطعم ايطالي لذيذ وبدون موسيقى

[نايف @Naif_HD]

صدفة خير من الف ميعاد مطعم mr.asado burger
تحب برجر اللحم المشوي يقدم وحده من الذها في الرياض

[نايف @Naif_HD]

هوت شوكلت مختص من salve