عا طول رح وقّفَك عا إجر ونص
ممنوع لا تصرخ. ولا تعوّي
رح روّضك في مهنتي مختص
وخلّيك متل القط بتنوّي
بتعرف انا لّي فيك شو بسوّي
التاريخ كلمة واضحة في النص
الهيكل سقط في دمعتك لا تغص
الخراب الثالث صفحتو طوّي
بنيل الشّهادة كتار مشتاقين
والموت حق منعشقو عادي
منموت ومنحيا بسبيل الدِّين
وخير العمل بيكون زوّادي
هيكي خلقنا وهيك معتادين
ساعة رضى ولا ذل طول سنين
ما العُمر فترة واقصر زيادي
ما بسألك يا خي شو دِينك
شو ما كنت لو كنت لبناني
شو بشرتك باللون ما بهينك
المهم انّو تكون انساني
تأمّل بها المكتوب ع جبينك
دِينين هنّي ما الن تاني
دين العدل والحق بيعينك
ودين الظلم والجور بتعاني
تطلّع بغزّة بعرفك مينك
مع دين الله خالق الرحمان
او دين تاني دين شيطاني
ما بحب كرّر في كلامي وعيد
عا منصّة اكس مَنّي بعيد
معقول كون بعيد بس شوي
وحبابنا بالقلب بالتاكيد
آخيتني وما بحسدك يا خي
الحسد عندي شر منو جديد
بتاكل لحم خيّك لبعدو ني
شو بعد منّي بدّك وبتريد
الجرح نازف صار بدو كي
الشّجرة لما فيها ظل ولّا فَي
فيها ضرر اكتر ما عم بتفيد
#جنوب_لبنان
@nesrlbikaa@NizarFrancis1 عيد مبارك خيي نسر ينعاد عليك وعلى عيالك
باليُمُن والبركة وعلى استاذنا وحبيبنا خيّنا
ابو شربل وعلى عيالو اجمعين بالخير والصّحة❤️🙏🙏
@NizarFrancis1 من دون فرح بستقبلك يا عيد
ولا تقول انّي فيك ما بهتم
لا فرح عندي ولا ثوب جديد
وفي ناس عم تسبح بنهر الدّم
#غزه_تقاوم
صباح النور خيي نزار فطر مبارك
ينعاد علينا وعليك بالخير والعافية❤️🙏
@ayanaser1996 انتي يا سرّي بهوايا
ما اقدر عليكي عزوف
انتي يا جرحي ودوايا
منحواجبك تخشى السيوف
انتي في الدنيا رواية
يا محبّتي بقلبي العطوف
انتي كلّي منل بداية
وانتي نهايتي بكل الظروف
آية محبّتي🌹🙏