Н. Мөнхнасан

Investor, Entrepreneur, Chairwoman of @Monpolymet, @Moncement, Director at Мөнх Тогтвортой Хөгжлийн Сан, YPO regional, UNICEF Mongolia Ambassador

[Н. Мөнхнасан @Nasaa88]

Ээж маань ингэж л мод тарьдаг үлгэр жишээч геологич доо ❤️ модыг тарих амархан ингэж сайхан ургуулах нь харин олон жилийн арчилгаа туршлага шаардана. Сэтгэлээсээ хийдэг ажил ийм л үр дүнтэй байдаг.

Техникийн болон биологийн нөхөн сэргээлт хийсэн талбайн болон байгуулсан нуурын намрын өнгө 🍂🍂🍂
Төв аймаг Заамар сум, Булган аймаг Бүрэгхангай сум

#монполимет_групп #Жишиг_Нөхөн_Сэргээгч_Үндэсний_Компани

[U.S. Embassy in UB @usembmongolia]

The Wastewater Recycling Plant, built under the @MCCgov Water Compact, will treat and supply up to 18 million cubic meters of recycled water annually to combined heating and power plants. U.S. Ambassador to Mongolia Richard Buangan visited the facility and learned more about its operations. Watch the video to learn more:

OUR WATER
OUR FUTURE 💧

#усныкомпакт
#MillenniumChallengeCorporation
#WaterCompact
@MCAMongolia2

[Н. Мөнхнасан @Nasaa88]

Монголын Цемент Үйлдвэрлэгчдийн Холбооноос жил болгон зохион байгуулдаг ЦементЭкспо 2026 арга хэмжээ үр дүнтэй зохион байгуулагдлаа.

Монгол Улсын бүтээн байгуулалт, барилгын материал үйлдвэрлэл нэн ялангуяа цемент үйлдвэрлэлийн салбарт төр, хувийн хэвшил, үйлдвэрлэгчид цуглаж болж бүтэж буй зүйлс болон бэрхшээл асуудлаа ярьдаг, эв нэгдлийг эрхэмлэн бусад үйлдвэрлэгчид, дэмжигчтэйгээ хамтран уламжлал болгож буй нь тун сайшаалтай бөгөөд салбарын хэрэгцээ шаардлагад нийцсэн үйл хэрэг юм. Өнөөдөр дотоодын хэрэгцээгээ бүрэн хангахуйц, 4.5 сая тонн цемент үйлдвэрлэх хүчин чадалтай 7-н үйлдвэр ажиллаж олон улсын стандартын шаардлагад нийцсэн чанар, төрөл бүрийн цементээр улс орныхоо бүтээн байгуулалтыг босголцож байна.

Үйлдвэрлэгчид төрөөс татаас, халамж хүссэнгүй. Харин "Үйлдвэрлэл ба логистикийг холбох нь" сэдвийн дор өрнөж, бүх үйлдвэрлэгчдэд тулгарч буй тээвэрлэлт, зам харгуйн бодит нөхцөл байдал, хүндрэл бэрхшээлийг хөндөж гарц шийдлийг эрэлхийлэв. Байгальд ээлтэй, тогтвортой үйлдвэрлэлийн асуудлыг ч мөн орхиогүй билээ.

Улсын хэмжээнд 2025 оны гүйцэтгэлээр барилга угсралт, их засварын ажил 11.7 их наяд төгрөгт хүрч, эдийн засагт үзүүлэх нөлөөлөл нэмэгдэж, эдийн засгийн тулгуур салбарын нэг болон хөгжиж байна. Цементийн үйлдвэрүүд өнөөдөр техник технологийн хувьд хөгжлийн дараагийн шатандаа гарч байгаа хэдий ч нөгөө талд бүгд автозам, төмөр замын тээврээс үйл ажиллагаа ихээхэн хамаарч байна бүтээгдэхүүний үнэ хэрэгдэгчдэд хэт өндөр зардал болж байна. Улс орны хөгжил бүтээн байгуулалтад хүртээмжтэй дэд бүтэц, уялдаа хобоотой хөгжлийн бодлого нэн чухал байсаар байна.

[Н. Мөнхнасан @Nasaa88]

Дорноговь аймгийн Монцемент үйлдвэрийн маань талбайд бидний тарьж ургуулж буй Сакура (бүйлс) мод маань 11 дэх хавартайгаа золгож байна. 🌸

[Н. Мөнхнасан @Nasaa88]

Өнөөдөр “Олон улсын эх дэлхийн өдөр” 🌍 🌱

Эх дэлхий бол бидний ганц гэр. Түүнийг хамгаалах нь том зүйл биш харин өдөр бүрийн сонголтоос эхэлдэг. Уур амьсгалын өөрчлөлт, байгалийн нөөцийн хомсдол, амьдрах орчны доройтол эдгээр нь биднээс хол зүйл биш, өдөр тутмын амьдралтай маань шууд холбоотой. Тиймээс том өөрчлөлт хүлээхээс илүү жижиг, зөв сонголтоос эхлэх нь чухал:
♻️ Илүүдэл хэрэглээгээ бууруулах
🌳 Байгаль хамгаалал, нөхөн сэргээлтийг дэмжих
⚡ Эрчим хүч, нөөцийг хэмнэлттэй ашиглах гэх мэт.

Монполимет Групп нөхөн сэргээлтийн бодлогын хүрээнд энэ чиглэлд нөхөн сэргээлтийн ажлыг тууштай хийж, өнөөдрийн байдлаар 480,000 гаруй мод тарьж ургуулаад байна. Эдгээр мод жил бүр ойролцоогоор 46 сая кг хүчилтөрөгч ялгаруулж бидний амьдарч буй орчинд бодитоор нэмэр болж буй нэг жишээ юм. Манай компаний нөхөн сэргээсэн талбай:

#EarthDay #SustainableDevelopment #ResponsibleMining #GreenFuture #monpolymet

[Ц.Халиун @xaliunad]

Bloomberg: ГШХО үргээгч орон. Монгол Улсын гадаадын шууд хөрөнгө оруулалт өнгөрсөн 15 жилд 68.1 хувиар агшсан байна. Дэлхийн Банкнаас энэ онд Монголын гадаадын хөрөнгө оруулалт 1.5 тэрбум ам.доллар хүрнэ гэж тооцсон нь 15 жилийн өмнө 4.7 тэрбум байсантай харьцуулахад харамсалтай дүн. Эсрэгээрээ энэ хугацаанд Азийн бусад хөгжиж буй орнуудын татсан гадаадын хөрөнгө оруулалт огцом өссөн байгаа нь зах зээлээ либералчлах бодлогын үр дүн гэж Амчам Монголын хэлэлцүүлгийн үеэр онцолж байлаа.

"Монголд хөрөнгө оруулах сонирхол өндөр хэвээр байгаа. Харин нэн яаралтай шийдвэрлэх асуудал нь хуулиудаа баталж, хэрэгжүүлэх явдал байна" гэж ОУСК-ийн Суурин төлөөлөгч Матью Ле Блан хэлсэн юм.

[Н. Мөнхнасан @Nasaa88]

Манай 2 дансыг лав одоо болтол нэгээгүй л байна. Эсрэгээр нь дансан дахь мөнгө аль хэдийн албадан татагджээ. Нээгээд ч нэмэр алга. Тэгсэн Гаалиас өчигдөр 1 сарын хугацаанд данс нээнэ гэхдээ төлбөр тооцоогоо дуусгахыг шаардсан бн. Хөрөнгө оруулалтын тухай хуулиар энэ салбарын тоног төхөөрөмж татвараас чөлөөлөгдөнө гэсэн заалтаа хэрэгжүүлэхийг бид шаардаад байгаа. Газрын тос боловсруулах, ХАА гээд үйлдвэрүүд энэ төрлийн татварт хөнгөлөлтөө хамгийн түрүүнд аваад явдаг. Ингэж хуулийг ялгавартай хэрэгжүүлж болох уу?

Бусдаар бол бид хуулийн дагуу татвараа цаг тухайд нь төлдөг, хариуцлагатай үйлдвэрлэл, ногоон хөгжлийг түүчээлэн салбартаа олон улсын сайн жишиг тогтоохын төлөө хичээн ажилласаар ирсэн үндэсний үйлдвэрлэгч, бүтээн байгуулагч хамт олон юм. Бидний дансыг хаах ямар ч шалтгаан байхгүй.

Монгол Улсад үйлдвэрлэл хөгжих боломж бололцоог татварын багц хуулийн шинэчлэлд дорвитой бөгөөд аж ахуйн нэгжүүдэд бодит дэмжлэг болохуйцаар оруулах мөн хууль хоорондын уялдааг сайжруулах хэрэгтэй байна.

[Ц.Халиун @xaliunad]

Хөрөнгө оруулалтын тухай хуулийн 11.2.1-г хэрэгжүүлж өгөөч гэж 11 жил яриж бгаа, мөн Улсын дээд шүүх салбарын яамыг судлан шийдвэрлүүлэхийг даалгасан бдаг. Харин Гааль болохоор хүчин төгөлдөр шүүхийн шийдвэр бсаар бтал данснаас шууд мөнгө татаж, бас хаасан хууль бус үйлдлүүд гаргасан. Өчигдөр ЕС-н мэдэгдлийн дагуу өнөөдөр нээж буй мэт боловч 1 сарын л хугацаатай бас энэ хугацаанд бүх төлбөрөө төл гэнээ. Арай л уу? Хувийн хэвшлээ дэмжээд бнуу дарамтлаад бнуу?

[Beate Dastel/ Биате Дастел @UNICEFRepMN]

НҮБ-ын Хүүхдийн Сангийн Хүүхэд хамгаалал, боловсролын Элч @nasaa88-даа төрсөн өдрийн мэнд хүргэе💙
Хүүхэд бүрийн сайн сайхны төлөө хамтдаа зүтгэж буй танд баярлалаа.

[Н. Мөнхнасан @Nasaa88]

Дэлхийн усны өдөр өнөөдөр тохиож байна. Монцемент говийн бүсд үйл ажиллагаа явуулдаг онцлогоос шалтгаалан усны нөөцийг хэмнэх, зөв зохистой ашиглахад онцгой анхаарч усныхаа 90% цэвэршүүлэн дахин ашигладаг. Өнөөдрийн байдлаар 99,000 тонн усыг цэвэршүүлэн, дахин ашиглаад байна.

[Н. Мөнхнасан @Nasaa88]

Энэ хаврын чуулганы гол хэлэлцэх асуудал нь Татварын багц хуулийн өөрчлөлт ба иргэд, хувийн хэвшлийнхэнд тодорхой хүлээлтүүд бий.

Ашгийн татварын босгыг 6 тэрбум төгрөгөөс дээш орлогод 25% гэж өндөр тогтоосоор ирсэн нь аж ахуйн нэгжүүдийг үйл ажиллагаагаа тэлэхээс илүүтэй хумих, хуваах бодлого руу түлхэж ирсэн. 6 тэрбум төгрөгийн ашигтай ажилласан жижиг дунд ААН-үүд 60 тэрбум, 600 тэрбум, 6 их наядаар нь хэмжигдэх ашигтай ажилладаг Оюу толгой болон бусад том компаниудтай ижил 25%-татвар төлдөг нь туйлын шударга бус бодлого юм. Үүнийг валютын ханшийн өсөлт, инфляц зэргийг харгалзан үзэж байгууллагын тэлэх боломжийг нэмэгдүүлэх үүднээс одоогийн шатлалт босгыг нэмэгдүүлвэл дунд ААН-үүдийг том групп компаниудтай адилтгахгүй, ачааллыг нь бууруулах, үр ашигтай ажиллахад уг нь алсдаа хэрэгтэй. Тэр чинээгээрээ үйл ажиллагаагаа тэлж, цалингийн түвшингээ нэмэх, эргээд иргэд бидний амьдралд бодит үр нөлөөг бий болгох юм. Нөгөө талаас Хөрөнгө оруулалтын тухай хууль болон татварын хууль хоорондоо уялдаагүй, зарим тохиолдолд татварын хууль нь хөрөнгө оруулалтын тухай хуулиа үгүйсгэсээр ирсэн асуудлыг тавихад “Хөрөнгө оруулалтын тухай хууль гол биш, татварын хууль давуу” гэх тайлбарыг төрийн албан хаагчдаас олонтаа сонсож байлаа. Гэтэл аж ахуйн нэгж, иргэдийн хувьд хууль хоорондоо эрэмбэлэгдэж бус, харин ижил тэгш, уялдаатай үйлчлэх ёстой гэсэн нэг л ойлголт л бий. Харин төр өөрийн төслүүдэд өргөн хүрээтэй татварын хөнгөлөлт, чөлөөлөлт олгож байхад, нөгөө талдаа хувийн хэвшилд хуульд заасан дэмжлэгээ бодитоор хэрэгжүүлдэггүй үзэмж, ялгаварлал ажиглагдсаар байна.

Өөрөөр хэлбэл, хууль батлах нь хангалтгүй — түүнийг уялдаа холбоотой, ажиллах орчинтой нь хамт цогцлоох нь бодлого тодорхойлогчдын үндсэн үүрэг юм.
Шинээр хэлэлцэгдэх гэж буй хуулийн төсөлд:

• ашгийн татварын босгыг нэмэгдүүлэх, шатлах
• ЖДҮ-тэй холбоотой зохицуулалтыг сайжруулах,
• гаалийн НӨАТ-ыг хойшлуулах,
• татварын өртэй компанийн дансны 20%-ийг шууд битүүмжлэхгүй байх зэрэг өөрчлөлтүүд орсон боловч дараах чухал асуудлууд орхигдсон хэвээр байна:

1. Алдагдлыг шилжүүлэн тооцох зохицуулалт
Их хэмжээний хөрөнгө оруулалт шаарддаг төслүүдийн хувьд алдагдлыг ирээдүйд шилжүүлэн тооцох хугацааг 4–8 жил, 50%-иар хязгаарлаж байгаа нь бодит нөхцөлд нийцэхгүй. Төслийн онцлогоос хамааруулан илүү уян хатан болгох шаардлагатай.

2. ХХОАТ-н хөнгөлөлтийг хөдөлмөрийн хөлсний доод хэмжээтэй уялдуулан тогтмол өөрчлөгдөх байдлаар зохицуулах нь ажиллах хүчний бодит орлого, инфляцийн өөрчлөлттэй нийцэх шийдэл болно.

3. Орлого-зардлын тэгш бус татварын суурь
Борлуулалтыг аккруэл (accrual) сууриар тооцох атал худалдан авалтыг мөнгөн сууриар хүлээн зөвшөөрч байгаа нь татварын шударга байдлын үндсэн зарчмыг алдагдуулж байна.

4. Даатгалын зардлын хязгаарлалт
Сайн дурын даатгалыг татвар ногдуулах орлогын 15%-иар хязгаарлаж байгаа нь үйлдвэр, томоохон объект бүхий аж ахуйн нэгжүүдийн эрсдэлийн хамгаалалтад сөргөөр нөлөөлнө.

5. Нийгмийн даатгалын зохицуулалт
Хувь хүн аж ахуйн нэгжид үйлчилгээ үзүүлэх бүрт НДШ ногдуулах зохицуулалт нь иргэдийн орлого олох боломжийг хязгаарлах эсвэл татвараас зайлсхийх нөхцөлийг бий болгож байна.

6. Сэргээгдэх эрчим хүчний бодлогын зөрчил
Эрчим хүчний хомсдол нүүрлэсэн энэ үед сэргээгдэх эрчим хүчний тоног төхөөрөмжийг НӨАТ-аас чөлөөлөх жагсаалтаас хасах нь салбарын хөгжилд ноцтой саад учруулна. Энэ нь бодлогын түвшинд зөрчил үүсгэж байна. УИХ-н даргын санаачилсан “чөлөөлье” аян үр дүнгүй болох вий. Эдгээр асуудлуудыг зайлшгүй эргэж харах шаардлагатай.

Бусад улс орны жишээг харвал, саяхан Япон улс хэрэглээний татварын ачааллаа бууруулах бодлогын арга хэмжээ авч, эдийн засагтаа амьсгалах орон зай бий болгохоор ажиллаж байна. Харин манайд махны үнэ 30 мянга давж, иргэдийн амьдралд шууд дарамт болж байхад бодитой, шуурхай зохицуулалт хараахан алга.

Тиймээс татварын шинэчлэлийг зөвхөн орлого төвлөрүүлэх хэрэгсэл гэж харалгүйгээр төр засаг ард иргэд, ААН-үүдээ дэмжиж, олон төрлийн татварын дарамтыг багасгах цаг нь аль хэдийнээ болсон.

[Bureau of East Asian and Pacific Affairs @USAsiaPacific]

Bringing together Mongolia’s influential business leaders across real estate, mining, IT, consumer goods, and finance underscores the strength of U.S.-Mongolia commercial ties and our shared commitment to economic prosperity and investment growth. -MGD

[Н. Мөнхнасан @Nasaa88]

Ойрх Дорнод болон АНУ-ын хоорондын мөргөлдөөн түлшний нийлүүлэлтэд сөргөөр нөлөөлж, хоёр хөршөөс шууд хамааралтай манай улсын хувьд ялангуяа өндөр эрсдэл үүсгэх нөхцөл бүрдэж болзошгүй байна. Дотоодын үйлдвэрлэл сул хөгжсөн бидний хувьд эдийн засгийн тусгаар тогтнол, хараат бус байдлыг бэхжүүлэх цорын ганц бодит гарц нь аж үйлдвэржилтийг эрчимжүүлэх явдал юм.

Гэвч үйлдвэрлэлийг дэмжсэн, ойлгомжтой, тогтвортой хууль эрхзүйн орчин байхгүйн жишээ: Хөрөнгө оруулалтын тухай хуульд газрын тос, хөдөө аж ахуй, ноос ноолуур, барилгын материалын үйлдвэр байгуулахад импортын тоног төхөөрөмжийг гаалийн албан татвараас чөлөөлнө гэж заасан байдаг ч ялгавартай хэрэгждэг. Тэр нь төрийн өмчит зарим төслүүдийг тусгай, нэг удаагийн хуулиар дэмжин хэрэгжүүлж буй нь хууль тэгш, шударга үйлчлэх зарчим алдагдаж буйн тод жишээ юм.

Нөгөөтээгүүр, дэлхий нийтэд асуудлыг энхийн замаар шийдвэрлэх хандлага суларч, хүчний бодлого давамгайлах шинж ажиглагдаж буй энэ үед бид тусгаар тогтнолоо хамгаалах дотоод нэгдлээ улам бататгаж, үндэсний эрх ашгаа нэгдмэл байр сууринаас хамгаалах нь нэн чухал байна. Аливаа гаднын бодлого, нөлөөлөлд автахгүй байх дархлааг эдийн засгийн чадавх, дотоодын үйлдвэрлэл, бодлогын тууштай байдал л бий болгоно.

Иймд эдийн засгийн хараат бус байдлыг дэмжиж, төрөлжүүлэн, иргэдийнхээ амьдралын чанарыг дээшлүүлэхийн тулд үйлдвэрлэлээ бодитой дэмжих, түүнд саад болж буй хууль эрхзүйн орчныг нэг мөр ойлгомжтой, ил тод, тэгш хэрэгждэг болгох шаардлагатай байна.

[Н. Мөнхнасан @Nasaa88]

Хот хоорондыг холбосон ганц хурдны галт тэрэгтэй болчих юмсан.. 2025 онд эдийн засаг 6.8 хувиар өслөө гэнэ.. бодит амьдрал дээр энэ өсөлт бодит хүртээмж байна уу, иргэдийн амьдралын чанарт мэдрэгдэж байна уу, улс орны өрсөлдөх чадварыг бодитоор нэмэгдүүлж байна уу. Энэ өсөлтийг бид яаж дэд бүтэц, үйлдвэрлэл, бодит хөгжил болж хувирах нь жинхэнэ шалгуур шүү дээ.

Эрдэнэтээс Улаанбаатар руу явахад багахан цас ороход л зам хаагдаж, хөдөлгөөн хэдэн цагаар зогсдог хэвээр. Дэлхий нийт болхоор хөгжөөд урагшлаад нисээд хурдлаад сансар огторгуй руу хүртэл давхиад байдаг. Бид 30 жил түүхий эдээ экспортолж хэдэн их наядаар нь орлого бүрдүүлсэн ч суурь дэд бүтэц, хурдны авто зам, орчин үеийн төмөр зам, логистикийн шийдлүүдээ эхлээд шийдэж байж л хөгжинө гэдгийг бүгд л мэднэ дээ.

[Н. Мөнхнасан @Nasaa88]

Ковидын үеэс хойш хэдхэн жил өнгөрч байхад дахиад Нипах нэртэй шинэ вирус гарсан тухай мэдээлэл гарч байгаа энэ үед бид эрсдэлийг урьдчилан харж, ухаалгаар хандах шаардлагатайг сануулж байна..

Энэтхэгийн Баруун Бенгал мужид бүртгэгдсэн энгийн иргэдээс гадна эмнэлгийн ажилтнууд халдвар авсан тохиолдлууд байгаа аж. Амьтнаас хүнд, мөн хүн хооронд дамжих боломжтой, одоогоор эмчилгээ, вакцингүй, хүндэрвэл амь насанд аюултай гэж мэдээлэгдэж байна. Мөн үүнтэй холбоотойгоор зарим улс нисэх буудал, хил дээр эрүүл мэндийн хяналтаа хүртэл чангатгаж эхэлсэн байна.

[Н. Мөнхнасан @Nasaa88]

Монцемент Билдинг Материалс ХХК нь сүүлийн 10 жилийн хугацаанд 672 тэрбум төгрөгийн орлогыг дотоодын ханган нийлүүлэгч, байгууллагуудад төвлөрүүлэн үндэсний үйлдвэрлэл, дэд бүтцийн салбаруудыг тогтвортой дэмжиж байна. Гэтэл данс хааснаар яаж байдал сайжрах вэ?

Нөгөө талдаа хувийн хэвшил, иргэдийн төлсөн татварын зарцуулалт шаардлагатай хүрэх ёстой газартаа хүрч байна уу, татварын зарцуулалтад олон нийтийн хяналт, ил тод байдлыг эргээгээд шаардах хэрэгтэй байна.

#Moncement #Монцемент #ҮндэснийҮйлдвэр #ТогтвортойХөгжил

[Н. Мөнхнасан @Nasaa88]

Төсөв хүндэрсэн нэрийдлээр гааль, татварын байгууллагууд ААН-үүдийн данс тооцоог хааж, дотроос нь мэдэгдэлгүйгээр мөнгийг нь авч, татварын шалгалтуудыг шил дараалан орж байгаа талаар компаниуд мэдэгдээд эхэлсэн байна.

Төсөв хүндрэх гол шалтгаан нь ААН-үүдийн татвараа төлөхгүй байгаа гэхээс илүү төрийн данхар бүтэц, үрэлгэн зардал, ашиггүй ажилладаг ТӨХК-үүд, тэдгээрийн зардал, эрүүл мэнд, нийгмийн даатгалын сангуудын дампуурал, ач холбогдлын эрэмбээрээ хойгуур байх хэрэгтэй хэрэггүй төслүүд гээд эдгээр нь энэ төсвийг хүндрүүлж байгаа бус уу??

Хөрөнгө оруулалтын тухай хуулийн дагуу чөлөөлөгдөх ёстой барилгын материал үйлдвэрлэлийн чиглэлд импортоор оруулж ирэх тоног төхөөрөмжийг гаалийн болон НӨАТ-с чөлөөлнө гэсэн зүйл заалтыг хэрэгжүүлэхийг шаардан Монцемент, ЕСХБ б10 гаруй жил үе үеийн Засгийн газарт хүсэлтүүд, шаардлагууд хүргүүлсэн. 3 шатны шүүхээс Засгийн газрын хуралдаанаар хэлэлцэгдэх ёстой гэсэн хүчин төгөлдөр шийдвэр байсаар байтал Гаалийн байгууллагаас зарим банкууд дахь мөнгөн хөрөнгийг нь огт мэдэгдэлгүй хурааж авсан байгаа юм.

Данс тооцоо хаахгүй, үйл ажиллагаа хэвийн явуулах хэрэгтэй гэж Засгийн газар мэдэгддэг бол нөгөө талдаа татвар, гаалийн байгууллагууд эсрэг үйлдэл явуулж байгаа нь тун ойлгомжгүй.
ААН-үүдийн төлж буй татвар багадаагүй, харин төр төсвөө хүндрүүлчихээд одоо ААН-үүдийнхээ үйл ажиллагааг зогсоох нь зөв шийдэл биш баймаар!