يوليو

متذوق ل الشعر ومحب للهلال💙

[يوليو @Niops_]

اذا العلاقة قل فيها .. الاحترام
حافظ على باقي وقارك وانسحب

الحب بالافعال ماهو بـ الكلام
امّا كذا " والاّ نصيحة لا تحب " .

[يوليو @Niops_]

دايم يجي قبل المفارق علامات
« أما ثقل ، وإلا جفا ، أو تمادي » .

[يوليو @Niops_]

لا صرت ماتمشي مع الناس محتاج
ولا جاك في بيتك من الناس ديان

ولا شلت في جيبك مواعيد وعلاج
هذي غناةٍ ما تقدر بالأثمان .

[يوليو @Niops_]

تجاهل الجاهل على شان ترتاح
واسمع من العارف لا منّه تكلّم

لا تندفع تنطح لك صياح بصياح
اصمت وحاول تستفيد ،، وتعلّم .

[يوليو @Niops_]

عليك بالدعوه قبل مغرب الشمس
جمعه وفيها ساعةٍ مستجابه

دعواك للي يسمع القول والهمس
ما خاب ظن اللي وقف والتجابه .

[يوليو @Niops_]

اليوم جمعه والعرب تطلب الخير
والعبد ماله غير ربه : و دينه !
ٰ
" يارب ترزقني بجنتك لا غير " ..
وانت الكريم اللي ماتبخل يدينه !

[يوليو @Niops_]

على باب عفوك خاضعين النظر راجين
بـ يـوم ٍ عليه أفضال الأيام . . . مجتمعه

نسآلك بـ عفوٍ منك " منا لـ يوم الدين "
و حظٍ ينال الصفح .. في ساعة الجمعه .

[يوليو @Niops_]

الخميس ١٨ يونيو، اما بعد /

اللّهُ يصبّحك ب أشراق الصباح الجديد
ياللي لك الشوق لا يهدى .. ولا ينتهي

غيرك من الناس .. علمناه يلعب بعيد
ولا أنت ف القلب تلعب مثل ما تشتهي

[يوليو @Niops_]

انا لا نصحتك مانصحتك بليا داع
ماودي عليك الناس تضحك ثناياها

علي الحرام ان ودي انك طويل ذراع
وتاصل مواصيل الرجال وتعداها .

[يوليو @Niops_]

من معطيات التجارب واختصار الكلام
انجح عقول الخلايق فالزمن اربعه
َ
من فضل الصمت لا زادت هروج الانام
ومن ينثر الطيب لا شاف العرب تجمعه
َ
ومن شاف زله رفيقه في طريقة و شام
ومن بر في والدينه ...بره بينفعه

[يوليو @Niops_]

العمر وقفات والدنيا دروس وعبر
والعاقل اللي عرف الايام وحمولها

من جادل الجاهلين يضيع له في بحر
فلا تخاطب الناس الا بمستوى عقولها

ثنتين خذها معك يا من يهمك لامر
وصى عليها الحكيم لطيب مفعولها

لا تمدح العود لين يحط فوق الجمر
ولا تمدح الناس حتى تظهر فعولها

[يوليو @Niops_]

العمر نصفين والسجهه نصيفه
سج يا قلبي وسجي يا عيوني

[يوليو @Niops_]

اكبر خطا في حق نفسي ارتكبته
إني اعتبرتك ي أسود الوجه رجال .

[يوليو @Niops_]

لا تبالغ بـ المحبه وتصدمك الظروف
ولا تعمّق بـ المشاعر ؟ وخلك واقعي .

[يوليو @Niops_]

انا والله المخطي وانا والله الغلطان
بعد ما عطيتك منزلٍ مانت كفوله .

[يوليو @Niops_]

ماني بحاجة بشر أنا بحاجة شعور
محتاج خلوة مع نفسي وفوقي مطر

[r @rg1i8]

حلالاه لو ألقاك عقب البطى والشوق
و اوريك حالٍ سمّه البعد و الفرقا .

[Falah @Falah7l]

يا ليتني
يا سعود عندي جناحين
واهجّ لا ضاقت عليّ .. الوسيعه

[يوليو @Niops_]

ما راح أوقف ولا أتراجع عن العهود
لو الزمن جار أو زادت قسوة الجفا

هي الأولى والأخيرة وكل معنى الوجود
وإن طال البعد يبقى حبها في الدم بقى

ما نساها قلبي ولا يومٍ عرف البرود
هي نبضي وهي عمري وهي سرّ البقا

[يوليو @Niops_]

ما راح أوقف ولا أتراجع عن العهود
لو الزمن جار أو زادت قسوة الجفا

هي الأولى والأخيرة وكل معنى الوجود
وإن طال البعد يبقى حبها في الدم بقى

ما نساها قلبي ولا يومٍ عرف البرود
هي نبضي وهي عمري وهي سرّ البقا