n

من رُوس هل العارض مانيب بحيّ الله | #Abdu

[n @Nlr503]

﴿إِنّا لِلَّهِ وَإِنّا إِلَيهِ راجِعونَ﴾
بقلوب مؤمنة بقضاء الله تعالى وقدره إنتقل جدي حبيبي إلى رحمة الله تعالى أسأل الله أن يغفر له
ويسكنه الفردوس الأعلى

اللهم اجعل قبره في نورٍ دائم لا ينقطع
واجعله في جنتك آمن مطمئن
اللهم ارحمه رحمة تسع السماوات والأرض

[n @Nlr503]

جميع الكون قدامي و خلق اللّٰه بالاعداد
وأنت الثابت بـ قلبي وباقي الناس دوّاجه

[n @Nlr503]

جميع الكون قدامي و خلق اللّٰه بالاعداد
وأنت الثابت بـ قلبي وباقي الناس دوّاجه

[n @Nlr503]

عطاها الولي عقل وجمال ودلال وذوق
هني الحظيظ اللي من الناس تكتب له

على غيرها تفرق بالاسلوب و المنطوق
مـع زين خـد و خشم و شفـيتن ذبله

[n @Nlr503]

الجادل اللي ربت في كنف ذرب اليمين
شيـخٍ ليـا كـبـرت القـاله تـعزوى بـها

شيخٍ جمع غـاية الأنسـان دنـيا وديـن
ومن روس قومٍ تقـول وتـفتل أشنابها

مدلّعه. . والـدلع من خالق العالمين
اللي تغـدت منـه قـبـل يتـعشى بـها

تآسر وتطعن مثل طعنات غزوة حنين
سيف الغدر عينها والمـوت بـ أهدابها

[n @Nlr503]

ربعي اللي يحكمون الخطيمه و اللجـام
سعد عين اللي نصاهم وهو ماله عوين

هم شيوخ سبيع وقت الفزايع والهمام
لابـتي بـرقٍ تـلالا وسـط نـورٍ مـتـيـن

قد خذو جوله وصوله على عهد الأمام
و الثوابت والشواهد على حق ويقين

[n @Nlr503]

مافي يـدي جنة ولا في يـدي نار
وشلـون أبغفر ذنبـك اللي جنيته

تعبت أدور لك عذر بين الأعذار
لكن عذرٍ يقبلك ؟ — ما لقيتـه

[n @Nlr503]

لا أنتهى وقت العزاء من يعزيني ؟
الله يكفي شر ذا الوقت و أحزانه

أختلف عقبـه نظامي و روتيني
مثل قصـرٍ طاح ركنٍ من أركانه

راح مني ضامنٍ إنه . . بـ يأتيـني
مثل مايضمن لك المؤمن إيمانه

والله لولا موته إن ما يخليني
بس هاذي قدرة الله سبحانه

[n @Nlr503]

اللّٰه خلقها حشيمه من سلالة .. حشام
تاخـذ من الصمت عَز ومن الحيّا فالها

[n @Nlr503]

حل الفـراق و خاطـري منـك ما طاب
وأنا طـريح الحـبّ لا أخذ ولا أجـيـب

وأقـول يـا دار الخـطـا ويـن الأحبـاب
أحـباب قلـبٍ اللي جـروحه معاطيب

[n @Nlr503]

الـوقت لو زان لك يا صاح ما دامي
يا سـرع ما تعتـرض دربك بلاويـها

حتى وليفك . . لو هيّم بك هيامي
سيّـور الأيـام تـجـنح بـه عـواديها

[n @Nlr503]

فـي عـيـنـها مـا كُـل رجـال . . رجـال
وأقصى حدود الوصل في سلمها الصوت

زوّد عـلـى العـقـل والـحـسـن مـن آل
روسٍ لـهـم روسٍ عـلـى مـتـونـها بشوت

إليا رضـت موتوا يا أهـل روس الأموال
وإذا زعـلت جـربـت وش سـكرة المـوت

[n @Nlr503]

خـبّـر اللي طـامـعٍ في وطـنا
دونـها نثـني إلى جا الطلايب

واجـد اللي قبلكم قـد تمنى
حـربنا لي راح عـايف وتايب

ديـرة الإسـلام حـامينـها إنا
قـاصرينٍ دونها كل شـارب

#السعودية_العظمى

[N @N_ouf06]

عيفتني حبك و أنا كنت هاويك
أغليك لكن طابت النفس منك

أحنك من اللي يحسّك و أداريك
ولا صرت ما حنيتني كيف أحنك ؟

خليتني غصب عن القلب أخليك
واقاطعك و أجفاك و أصد عنك

هذا و أنا قلبي للحين .. يغليّك
لكن سمحت وطابت النفس منك

- علوش بن علوش

[n @Nlr503]

ويابنت ياللي جو لابوك الخطّاطيب
كـلٍ مـعلق بـك رجـاه ونـصـيبـه

أنتِ جـمالك من خيار الـرعـابيـب
وأبـوك شـيخٍ يرفـع الراس طيبـه

إن خيـروك بنـاطحين المـواجيـب
صيـري لنـطاح النـوايب خطيبـه

وتعطّـري بأرقى عطـور الخـراعيـب
وأرمي بمنسوع الجعد والفحي به

[n @Nlr503]

تحريت منك الوصل لو الرجى مقطوع
وطال الغياب وطاولت صدري العبـره

[n @Nlr503]

عسانا لاخسرنا مانخسر الا ضعيف الراس
و عسانا لا ربحنا نربح اللي . . ذايعٍ صيته

[n @Nlr503]

تعال لـ قلبٍ كن بابه بيوت رمـاح
منازل سبيع اللي بها يامن المّبلي

[n @Nlr503]

البـارحة كـلٍ رقـد يا بن فهـاد
وأنا عيوني نومها ما أهتنت به

هاضت هواجيسي على القلب ورّاد
في ساعةٍ . . كل العرب رقدت به

أقفى و خـلاني عنـه دوم نـشاد
سود الـليالي نحـته وأنتحت به

رحل عشيري وبدل بلاد بـ بلاد
و دارٍ بـدارٍ ثانيـة و سكنت بـه

- متعب الطواله

[n @Nlr503]

أونّ و ريـاح الـليـالي — تـوني
والبرد في جوفٍ كما الغار خاوي

أن قلت زانت خالف الوقت ظنّي
وأن قلت هانت عاجلتني بلاوي

أجـامل أيـامي ولا جامـلني
هامت بي الدنيا هيّام الخلاوي

الوقت جاير . . والليالي أسهرني
والحـزن ما بين الضلوع متـلاوي

عِماد القصيد - خالد الفيصل

[غازي القصيبي @Algosaibi_Ghazi]

كل ما عليك أن تفعليه
هو أن تبتسمي
ليضحك الوجود طربًا..
أو تعبسي
لتبكي الدنيا..
أو أن تقولي حرفا
فيرقص الكون فرحًا
ويرقص قلبي معه