الحب إنتباه:
ويقول فيه سعد علوش :
«والله إنّي أعرفه زعلان ولّا راضي
من تلفّاته عليّ و من طريقة مشيه»•
و أيضا قال :
«و أعرف وش مودك لـ هاليوم من شعرك
لا طاح راضي و إذا مرفوع قوماني»
والله إني حره . . من مواكير الأحرار
معرٍب ساسي و راسي على العليّـا رسا
ماعطيت لجاهل الراي وجهات الإعتبار
ولاحسبت لـ نظرة الحسد بعيون النسـا
قيمتي في عين نفسي عمارٍ في عمـارٍ
و اللي متمني طيحتي من الخلق يخسى
يعرف أسمي ويعرف وقفاتي ويبخصني
ويدري اني فوق هقواته وفوق آماله
ويدري انه ما يزودني ولا ينقصني
لو تغني حنجرة الأبداع من مواله
ان نصيته في لزوم أقفى قفاية حصني
وان نصاني جيت من بينه وبين ظلاله
حاشمه عن سوء ظن و حاسبه من طيب فالي
أدري ان قلبه حنون و أدري ان روحه نبيله
لو تهب الريح من همي على صدرٍ شمالي
قصّر البال الطويل و اصبحت نفسه ثقيله
و لو يجي غيري مكاني ما يجي غيري بدالي !
" و لو يحبونه جميعاً ما يعوّض حبني له "