نـوف

﴿ تَوَفَّنِي مُسْلِماً وَأَلْحِقْنِي بِالصَّالِحِينَ ﴾ ❥

[نـوف @NoufHA_]

عَلِيمٌ بِذاتِ الصدّورِ
رَحيمٌ بِهَا
❣️

[نـوف @NoufHA_]

طالت عليك الليالي يالقوي الشديد
اللي جروحك عتاق و ذكرياتك شقى

لو كان قسمي من افراح الليالي زهيد
مسامح اللي يروح و قابل اللي بقى

الله عطاني مشاعر .. ما عطاني حديد
تستفقد الراحلين أهل الطهر و النقى

اللي عليهم حنيني كل مده يزيد
الله يبيح الفراق اللي ماعقبه لقى.

[نـوف @NoufHA_]

و أقسم لي الخير و الخيرة و عقلٍ رشيد
و أغفر لي اللي مضى من العمر .. و اللي بقى.
🤍

[نـوف @NoufHA_]

توكلت على الذي يعلم و يرى مالا تراه العيون
توكلت على الذي يطمئن بقربه قلبي و إليه ترجع الأمور 🤍

[نـوف @NoufHA_]

يارب في خاطري حاجة و ممتنّك
أنا الذي دورة الأيام .. تـومي به

فإن كان ذنبي يعوق اللي أبي منّك
اغفر ذنوبي و حقّق لي ما ودّي به.

[نـوف @NoufHA_]

عسى ترضي غرورك غيبتي كان الغلا ما ارضاك
و انا لا طاب قلبي .. خطوتي ماهي بـ تعصاني

لا يضنيك الحنين و لا تعنّي فالسراب خطاك
ترى اللي جابني لك نفسه اللي عنك وداني

و لا انت اسف على فرقاي و لا اسف على فرقاك
تساهلنا الجفا .. لين انجرح كلٍ من الثاني.

[نـوف @NoufHA_]

يـا رب و كل المتاعب بأمرك تهون
يـا رب و كل الأماني بأمرك تكون 🤍

[نـوف @NoufHA_]

اخترتك و مرّ العمر ما تخيّرت
ذكّرني بموقف معك ما وقفته
اقول كل ما قالوا انك تغيّرت
هو ما تغيّر بس أنا ما عرفته.

[نـوف @NoufHA_]

قرّ عيني بمـا أَودّ يارب🤍

[نـوف @NoufHA_]

مرات اقول الخطا مني و انا السبّه
و مرات أقول السبب قسوة مقاديري
َ
و ياعيني اللي تهل الدمع و تصبه
على فراقٍ سرق فرحة تباشيري
َ
تقول سامح زمانك و الحزن خبّه
و اقول منهو يعوضني مخاسيري؟
َ
و شلون اسامح زماني و اللي أحبه
خذاه غيري و انا أولى فيه من غيري.

[نـوف @NoufHA_]

من آخر اللي بقوله و اختصار الكلام
خوفي من اني اخسرك مرحلة طفتها

من شفت ما عاد في وجهك حيا و احترام
عيوبك اللي ما كنت اشوفها .. شفتها

الخاطر ان طاب من حاجه عليها السلام
لو انها اغلى من عيوني علي .. عفتها.

[نـوف @NoufHA_]

هقيتك بالهوى ملفى و هقيتك ضحكة المهموم
خساره خيبه الهاقي .. غرامك وين ودّاني ؟

ادور بعدك المنفى و اطيح بـ غيبتك و اقوم
و ادور راحتي دونك .. و ابي منك تناساني

تبي تفقد تبي تنسى تبي تشتاق صح النوم
انا مثل العمر لا رحت .. ما بعد العمر ثاني.

[نـوف @NoufHA_]

ربـي .. إنك العليم بي و بأحوالي
فأرح بالي و قلبي.. و اجبرني بِما دعوتك به🤍

[نـوف @NoufHA_]

على البال لو ما الله كتب لي معك وصال
أشيل لك بضلوعي شيٍء ماهو على بالك.

[نـوف @NoufHA_]

تذّكرني ليا ضاق المكان و شانت ظروفك
تراني مثل طيّات الذهب ما يختلف لوني

[نـوف @NoufHA_]

اللهـم بشرني بالذي أنتظره منك و بلغني المتسع واليسر في كل اموري ❥

[نـوف @NoufHA_]

انا طيب و متعافي قبل تسأل عن الأحوال
بسولف لك و انا ادري تهمك آخر اخباري

لقيت اللي ينسيني غيابك .. يا خلي البال
تخيّل ذكرياتك في وجوده .. مالها طاري !

نفض عن قلبي غبارك و ضحكني على الأطلال
محى صورتك من عيني و شال اسمك من افكاري

سقى روحي بعد قسوة جفافك، عطفه الهمّال
شفى جرحك على يده و اخذ من غيبتك ثاري

مثل ما كنت تخطي و اقبل اعذارك قبل تنقال
يسامح كل غلطاتي .. قبل لا يسمع اعذاري

فدا وصله جفاك الممتلي فقد و تعب و اهمال
بداية فجره الغايم .. نهاية ليلك الساري !

غرامه دار و بلاد .. و غرامك غربه و ترحال
وصلت الموطن الآمن بعد ما طالت اسفاري

قضى عمري و مشواري معك بين الغرق و الجال
معه توه العمر يبدا .. معه يا حلو مشواري.

[نـوف @NoufHA_]

لعلك سَعيت
لعلك دعيت
لعلها آتيه 🤍

[نـوف @NoufHA_]

انا ما جيت أبي حاجه .. لأنك كل حاجاتي
انا جيتك اجدد لك وفاي و بعدها بسري

يخونك ظنك احياناً و تظلم طيب نياتي
و انا باقي على خبرك .. و انا ماني على خبري

انا لو كانت احلامي حقيقة او خيالاتي
تراك انت الوحيد اللي .. تمنيته انا عمري

عشان الله تخليني معك في كل حالاتي
ترا لو جيت للواقع .. من اللي يعشقك كثري؟

[نـوف @NoufHA_]

اللهم اني اعوذ بك من فواجع الأقدار و من فقد الأهل و الأحباب و من حزن القلب و حرقة الشعور ، اللهم اكفنا شر الدنيا و شر الفقد و شر الفاجعة.
يـارب اني استودعتك نفسي و اهلي و من احب ❥