𝕆𝕄𝕊

[𝕆𝕄𝕊 @OMS_94]

ان رحلت فيوم طالبكم عذر
والسموحه منكم يا الوافيين

هكذا الدنيا وكلن له عمر
ما يعيش الانسان ع طول السنين

وان لفاني الموت مالي من مفر
ياتي الانسان في ساعه وحين

كم لي راحوا قبلنا من دهر
وكم فقدنا ناس عندنا غاليين

[𝕆𝕄𝕊 @OMS_94]

وجيلي بختمه والكل يشهد
باني منك جاسيت المريره

تحملت الشقى بحيلٍ تهدد
لعل اليوم في فرقاك خيره

[𝕆𝕄𝕊 @OMS_94]

خلي البال بالراحه توسد
ولا يدري بحالٍ لي عسيره

ياكيف النوم يحلى له ويرقد
وانا عيني من اسبابه سهيره

ابات الفكر ياخذني ويبعد
يحسسني بالامٍ كثيره

مشاهد ترتسم والنفس تجحد
واعيش الوقت بحداث مثيره

الم واحزان ماتبرح تعود
وقبضان الاسى مالك اسيره

[𝕆𝕄𝕊 @OMS_94]

وحبي فارق الروح اوتلحد
بلا ذنبٍ جناه ولا جريره

وحلمٍ فيك يامسرع تبدد
سرابٍ لاح في وقت الظهيره

على الله حفاظٍ يمهد
طريجٍ تسلكه وتبدا تسيره

وانا ذاليوم عن دربك بحيد
كفاني منك ايامٍ عسيره

[𝕆𝕄𝕊 @OMS_94]

يا ظبي رابي على مفلى وسيح
لا تلد بعين واسهامك رماح

ادري اني فاللزم هباب ريح
بس قلبي من عنى الهجران طاح

يا وليفي كان لك قلبن شحيح
حطني في درب عقباته رباح

[𝕆𝕄𝕊 @OMS_94]

اه انا ونيت ونات الجريح
لي بطى عوقه ومنه ماستراح

لو كتمت وقلت منك ما ببيح
بينت فيني علامات الجراح

يطري في بالي قراحك يالنضيح
وعاوجنك البحتري من يوم فاح

[𝕆𝕄𝕊 @OMS_94]

رمش عينك يكسر الشاعر وتاريخه يهده
كيف ياللي طاح في غبة هواك من البداية

للرواية فصل ثاني لا تكوني مستبده
وان بغيتيني بطل مذكور بفصول الرواية

[𝕆𝕄𝕊 @OMS_94]

هو مسندي عند الرخا والشوش
تلقاه عني فاللزم لطاش

هذا الندا للاندلس مبهوش
في حاضر الماضي بقاها ماش

دارٍ لها التاريخ فيه خدوش
يومٍ غدينا للطمع مهباش

هذا وعذري جان ياكم روش
لانه عشاني ضي نوره ولفلاش

[𝕆𝕄𝕊 @OMS_94]

يا بوعلي خطيت لك منقوش
على طروسٍ بالذهب نقاش

قم يا نديبي شلله مطروش
ووصل دياره لو ورا لحراش

قله عزيز وعزكم بعروش
والكم غلا ما حاز حوزه لاش

بين الحنايا ساكن ومفروش
وانته من خيار العرب لنواش

كل المكارم حزتها وتحوش
وفي حزة الحزة لكم مدغاش

[𝕆𝕄𝕊 @OMS_94]

وانا عقبهم مستصيب ابلوش
حتى صوابي من عقبهم طاش

والقلب اصبح عقبهم بنعوش
قم ثيبني يا بوعلي بنعاش

وانته سنادي يوم انا مدغوش
عليك بالله لا بعد تنحاش

وبلغ سلامي للذي معطوش
قلبي عليهم والحشا والياش

بو العز ماله فالمثل غطروش
هو محزمي يوم الثقل تغاش

[𝕆𝕄𝕊 @OMS_94]

ان قلت انا بنساه واعف
ما يعيض غيره مول مخلوف

في وسط قلبي دايم ايلف
وفي كل ساعه لازم ايلوف

مصطاب متعذب ومتلف
حالي نحل واتغير اليوف

من دون وصله مول ماكف
مهما امنعتني عنه الظروف

صادق ولو تبغيتي احلف
غيره في هذا الكون ما اشوف

[𝕆𝕄𝕊 @OMS_94]

فـ دبي جفته كيف بوصف
جنه ملك في موكب ايطوف

والي يشوفه احتار وقف
اربع اشاير لين بيطوف

ان كنت مسرع لازم اتخف
جند وحرس عداله اصفوف

وعلى يمينه كم مشرف
ماتروم حتى صوبه اتشوف

ماله مثل في الناس يوصف
فايج على الوصوف بوصوف

[𝕆𝕄𝕊 @OMS_94]

والمحبه للفتى بأخلاف ظني
كم غريمٍ في الهوى حرم الوصالي

كم بكيت وكم انوح وكم احني
كم صفقت الكف فوق الكف خالي

هايمٍ في الحب ما تدرون عني
عن هوى الخلان قلبي هوب سالي

نجمتين وظبيةٍ ترعى السمني
زعفران وحيةٍ صادت غزالي

[𝕆𝕄𝕊 @OMS_94]

تيمني يا علي خردٍ لفني
زايراتٍ ولعني بالمقالي

بالسلام وبالتحية بادرني
من قبل لا اييب وارد للسوالي

باشرني بالتعطف والتأني
وايلسن عندي يلين العود مالي

كل ما ردت النظر فيهن غشني
نور شمس ونور بدري الكمالي

يوسفيات الحسن حمر الوجني
سيدات الفن ربات الجمالي

[𝕆𝕄𝕊 @OMS_94]

وان فرغنا بانعود وبانثني
وانتظرنا عقبها ايام وليالي

يا ملا يا ليت بيفيد التمني
باتمناهن يصيرن لي حلالي

طول عمري ما بنوح ولا بغني
باندمج في حبهن في سيح خالي

لكن ظروف الليالي عاكسني
البخت والحظ سعده ما صفالي

يا ملا كاس المراره جرعني
وارتشفت الصبر كنه قند حالي