OSAMA

#IT #mathematics #SQL #Power_BI #pc #pcgamer

[OSAMA @OSAMAITM]

ساعات العمل الطويلة لها دور أكيد بالسهر
دوامي السابق اطلع ١١ بالليل بعد دوام ١٠ ساعات طبيعي بسهر
الان اداوم ٨ اطلع ٤ ونص او ٥ مافيه وقت للحياة النهارية

لو كان الدوام بعد صلاة الفجر الساعة 5 بنلقى وقت زي ماكنا وحنا صغار الساعة ٢ او ٣ كلن فبيته يمديه يقيّل ويكون فعال اجتماعياً

[لـمى @heyilama]

اللايف ستايل السعودي من ناحية كثرة القهاوي، والسهر
أصبح مزع�� جدًا ��النسبة لي، لإن حتى لو قررت نظام نوم معين المجتمع بيجبرك تغيره في أقرب مناسبة
- الحياة تبدأ من ٨ المساء تقريبًا ! - .. ضروري نتغير، والقهوة موضوع فردي عاد الله يعيننا.

[OSAMA @OSAMAITM]

@drok_x @WedyanFawaz غريبة انا لي 6 شهور وعندي ٣ محافظ 10 بالمية للمجموع

[OSAMA @OSAMAITM]

@MAlSubaie21 هو شيء ممتاز ويقتل الملل والفتور الي يجي الواحد من وظيفته وشغله لأن فيه أشياء متجددة

كنت أرجع الساعة 5 والى النوم اذاكر كورسات بالبداية ممتع بعدين خلاص تبي تشوف الحياة برا

الي سويته صرت أدرس بالدوام خصوصاً فيه ساعات تضيع زي أول ساعة وآخر ساعتين

[OSAMA @OSAMAITM]

@malki49 التمويل التأجيري قريب للقرض الشخصي كنسبة اذا ماكان أقل واذا استبعدنا التأمين

الفارق بينهم نسبة المخاطرة أعلى بالتأجيري اذا تلفت السي��رة تصير خسارة كليّة

وكثير من البنوك ماتعطي قرض شخصي ولو عطتك بتكون 60 الف لكن لو تبي سيارة بتعطيك بقيمة 120 الف وهذا الي يخلي كثير يروح للتأجير

[OSAMA @OSAMAITM]

@QueenNOF_ بالنسبة لي اقدس المطعم او المكان حاط رقم وصرت اروح لهم اتصل يجهز طلبي اجيه القاه جاهز واخذه وامشي

حتى فيه محل اشتري دجاج منه اتصل عليه ويقطعه زي ما ابي اجيه جاهز

[OSAMA @OSAMAITM]

@Faisalal_10 @kashkof السي في يكون بالانجليزي
عندك دبلومين اترك واحد افضل والي كملت عليه البكالوريوس
مكرر التاريخ
احذف خبراتك السابقة واي شي ماله علاقة بالوظيفة الي تستهدفها

حاول تاخذ شهادة احترافية وتخصصك شبكات ccna مب صعبة عليك

الدورات مالها داعي والمهارات اغلبها مب ضرورية

وفقك الله

[OSAMA @OSAMAITM]

@omar2drive اذكر اول ماطلعت سيارتي ورحت اسوي لها تظليل عازل وحماية وجهية قلت له لاتبقي قرطاس واحد او كيس جيته بعد ٣ ايام لقيته ماشال الاكياس وسألته عنهم قال مافيه احد يشيل اكياس وماهو مصدق اني قايل له شيلهم😂

[OSAMA @OSAMAITM]

@R1_Lawyer اعترضت ورفض الاعتراض للأسف لانها رجعت لنفس القاضي والاستئناف مايقبل لان المبلغ اقل من 50 الف

القضية قبل سنتين والمبلغ الي ابيه مايتعدى 15 الف والحمدالله ربي عوضني عنها

[OSAMA @OSAMAITM]

@A1b1h تذكرت اعلانات الوظائف ر��اتب تنافسية وتأمين طبي وبيئة محفزة 😂😂😂

[OSAMA @OSAMAITM]

@alhadab نفس الي صار مع الوالدة

مرتين نقعد بالمستشفى فوق 6 ساعات علشان الموافقات يطلب الدكتور فحوصات م��ينة ترفع للتأمين يوافق على واحد ويرفض الباقي ثم تسويه ثم ترفع مرة ثانية يوافق على ثاني ويرفض الباقي وهكذا الين تخلص وتطلع روحك وبالاخير التأمين يوافق على كل شي بعد ماضيّع وقتك

[OSAMA @OSAMAITM]

أسوء شيء تحضر للمقابلة لك اسبوع وتجي المقابلة الأسئلة تكون بسيطة وبيسك وماحضرت لها تمام وتبدأ تخبط يمين ويسار

[OSAMA @OSAMAITM]

اهم شي واثقين أحد بهالخبرة بيقبل فيها 😂

مثل هذا مايقل 15000 اذا الشركة مش حالك

[توطيني @Tawteini]

📌 المسمى الوظيفي:#الرياض
أخصائي نظم وبنية تحتية تقنية (IT Infrastructure & Systems Specialist)
📍 الموقع: الرياض
🇸🇦 الجنسية: سعودي
الراتب : من ٧٠٠٠ الى ٨٠٠٠
خمس أيام عمل بالاسبوع

🎯 الهدف من الوظيفة
ضمان استقرار وكفاءة البنية التحتية التقنية للمنشأة، وإدارة الأنظمة والسيرفرات و��لشبكات، إضافة إلى تقديم الدعم الفني للموظفين وتطبيق معايير الجودة والأمن السيبراني.

🛠 المهام والمسؤوليات

الإشراف على غرفة السيرفرات وضمان عمل أنظمة UPS والتبريد بكفاءة.
متابعة السويتشات، الكاميرات، وأجهزة الشبكة.
إدارة Windows Server 2019 وخدمات Active Directory وDNS.
إدارة وحدات التخزين NAS وتنفيذ النسخ الاحتياطي.
تقديم الدعم الفني وصيانة أجهزة الكمبيوتر والطابعات.
إدارة الشبكات (Switching & Routing) وأنظمة IP Phones.
إدارة المخزون التقني ورفع طلبات الشراء حسب الاحتياج.

🎓 المؤهلات والمتطلبات

بكالوريوس (علوم الحاسب، تقنية المعلومات، هندسة الحاسب أو ما يعادلها).
خبرة من 2 – 5 سنوات في إدارة الأنظمة والبنية التحتية.
خبرة في:

Windows Server 2019
NAS
Odoo

معرفة قوية ببروتوكولات الشبكات والسويتشات وكاميرات المراقبة.
خبرة في برامج الحماية والنسخ الاحتياطي.
معرفة بقطع الكمبيوتر والسيرفرات وأنظمة UPS.

��� المهارات الشخصية

سرعة الاستجابة.
التفكير التحليلي واتخاذ إجراءات استباقية.
مهارات تواصل ممتازة.
الدقة والانتباه للتفاصيل.

📨 التقديم على الوظيفة

إيميل :
[email protected]

[OSAMA @OSAMAITM]

@eng_23l كل مرحلة عيشها بوقتها لاتعيش ايام الجامعة وانت شايل هم الوظيفة طبيعي راح تُحبط

الجامعة ركز على دراستك
بعد التخرج ركز على البحث عن وظيفة
لقيت وظيفة ركز على تطوير نفسك ومهاراتك

[OSAMA @OSAMAITM]

يوم أشوف المحتوى العربي ب ريديت قاعد يزيد وكل شي له صب هنا نتحسّر على المنتديات والارث الي كان فيها لكني سعيد جداً ان ريدت رجعّت هالشي ❤️

[OSAMA @OSAMAITM]

@AbuJojo لأن الشركات عندنا نوعين

النوع الأول واللي فيها الأغلب عائلية مافيها حوكمة وأسهل شي يستغني عنك

النوع الثاني تلقاها مدرجة بسوق الأسهم او مليارية ولكن بيد شخص واحد متنفذ يخليها قريبة للعائلية

غالبية ا��قيادات عندنا لا أريكم إلا ما أرى

استثني الشركات الكبيرة زي ارامكو وسابك وstc

[OSAMA @OSAMAITM]

@THEWOLFOFTASI الشركات خصوصاً الي عندها مصانع عليها رقابة عالية وتشديد من قبل هيئة الامن السيبراني وعليها عقوبات تصل لسحب الترخيص ومن ضمنها حماية حسابات الشركة بالتواصل الاجتماعي وتفعيل التحقق الثنائي

والتحديثات وطلباتهم تكون شبه اسبوعي

لذلك ماشفنا اختراق لحساب شركة سعودية

[OSAMA @OSAMAITM]

@omar2drive هذي تهون لك مكان تقدر تمشي فيه

لكن تخيل تمشي مع رصيف وتضطر تنزل للشارع علشان واحد يرمم ومستحوذ على الرصيف حاط سواتر شينكو خصوصاً شارع عام

زي بالصورة ماهي بالسعودية لكن مالقيت الا هذي الصورة

[OSAMA @OSAMAITM]

@MuzunAlonezi أنتي أدرى منا بنقطة الموظف بالجهات غير الربحية صعوبة تجيه عروض وظيفية مستقبلاً وهي بالنهاية توافيق ماهو بالضرورة كلامي صحيح

[OSAMA @OSAMAITM]

@DRciesar @youm1996 هل أنا ذكي وأشطر واحد؟ أبداً حتى لغتي كانت سيئة وتطورت مع الوقت وانا ادرس IT
مريت بمنعطفات كثير ولكن ربك كريم

فكر بالأساس الي عندك اليوم وابني عليه حتى لو استدعى تتخلى عن الطب وتبني مسار مهني آخر

خصوصاً حنا بوقت تحتاج لغة ممتازة وبتلقى فرص وكطبيب لغتك أكيد ممتازة

[OSAMA @OSAMAITM]

@DRciesar @youm1996 قصتي ممكن تكون حافز لك ومافيه شي مستحيل
تخرجت 2018 على أمل تعيين ولكن ماكتب ربي اجتاز الرخصة المهنية وتوظفت بوظيفة بسيطة امشي اموري
2020 درست بكالوريوس تقنية معلومات
2024 انفصلت من وظيفتي
2024 تخرجت
2025 توظفت بالبكالوريوس الثاني وبراتب الي تخرج وتعيّن 2018 ماوصله للآن