الخاطر المنكسر والضيقه اللي تزيد
متى انطلق من غثاها وامتثل ل الشفاء
احتاج وقت و شخص ومكان بعيد
حتى اهدى وأْستعيد العافيه وأَغفى
الوقت في كل يوم يجيب جرح جديد
من غير جرح الغياب وغير جرح الجفاء
مات الشغف والحماس وضاع قاف القصيد
والجانب المشرق اللي كنت أعيشه طفى.
أحنّها حتى من البيت الضعيف
ما تستحق إلا البيوت الهايلة
مزيونةٍ في عينها الموت المخيف
و أندى و أرق من الغصون المايلة
اليا وطت جرد القفور تصير ريف
كنّها من مزون السحايب سايلة
نامت ..
ولانام الفجر
وجوالها ب أحضانها
الصبح ودّه ينولد من تحت رمش أجفانها
حتى النسايم .. ما تبي تربك لحاف منامَها
تمشي على أطراف السرير خوف تفزّ أحلامها
❤️
خذني على وين ما تلقى بنظراتك
الله ياذا الشعور اللي تملكني
عوّدت قلبي على صوتك وضحكاتك
أسهر عليها إلين النوم يدركني
مافيه أحد في البشر سوّا بي سواتك
اسمك اذا مر بين الناس يربكني