عبيد بن نذاخ

جيت للدنيا كبير وبفارقها كبير.

[عبيد بن نذاخ @Ob6048]

لامرو على بالي ونا ماعلي خلاف
تبالت أحوالي ليت فالبال مامرو

[المنشد! حسين مفرش @A7bK7111]

اقسى مراحل حياتي مفترقها اللي
لزت عليه الظروف وجيته اجباري

عبيد نذاخ الوايلي
@Ob6048

#صباحكم
#جرام_ذهب
#اغسطس
#نجران_الآن

[خالد جميل @muuup7]

ريتويت لعلها المُنجية🤎

[عبيد بن نذاخ @Ob6048]

@samo_1811 صح بدنك يالامير اسعدني مرورك الطيب

[عبيد بن نذاخ @Ob6048]

منا مستعد اخسر من اعوام عمري عام
وانا قبل ما اخسر منك في يوم ميعادي

خسرت اختباري بعد شوفك بست ايام
سنة ٩٩ في ثالث اعدادي

[عبيد بن نذاخ @Ob6048]

انا طبت بعد الصحف جفت من الاقلام
اعيش الحياه بواقعيه وانا هادي

تنازلت عن زيف العلاقات والاحلام
وشفت المهم بعيني اقل من عادي

حياتي مهمه مابقى غيرها شي هام
ولافيه غيري يصنع ارضاي واسعادي

[عبيد بن نذاخ @Ob6048]

العلوم اللي لها روس الرجال تنكس
خلك من حدودها وعدودها متشطر

كنسل اللي مايشوفك زين واكس واكس
لاترجى الراحلين ولا تداري خطر

[عبيد بن نذاخ @Ob6048]

اجتهد والحال لو حدك تتكس تكس
كان من بعض الوجيه ابرك وجيه الفطر

وانشغل في ذاتك بذاتك ولاتتوكس
للهروج اللي في التاريخ ماتتسطر

الحظوظ ارزاق واخطوط السنين تعكس
من يصعر خده لصدماتها يتسطر

اللبيب اللي جمع من كل طيب ومكس
لين ثبت له مع لجواد ذكر معطر

[ناصر بن نذاخ @a9wwk]

تعال علمني وش اللي في الايادي
الحلم فاتك صدق ولا الحلم فاتك !

مستوعب ان الناس ماتفهمك عادي
الغير مستوعب عدم فهمك لذاتك

[ناصر بن نذاخ @a9wwk]

لايم الشرهة اللي ما لها فيك لايم
دام نفسي حزينة وانت نفسك حزينة

المشاريه مثل الحب والحب دايم
البدايــات زيـنة و النهايــات شينة

[ناصر بن نذاخ @a9wwk]

-

الصباح اللي يمر و ما يمرك
ودّه انّه ليل و أن الليل فاني

انتظرك اليوم هذا لين حَرّك
واضح انّه ينتظرك بيوم ثاني

#صش #رث #حق #بل

[عبيد بن نذاخ @Ob6048]

للي داقش البارح وكنها مداقش ولف
ماقد مرمرتك الحاجه اللي ورى الحاجه

حظك زين في جمع الدراهم وفعلك خلف
ولاتدري ان ظروف الايام حواجه

على كثر مالك ماتجي منك دقة سلف
والا غيرها يزتاع قلبك من اخلاجه

[عبيد بن نذاخ @Ob6048]

ماتسوى علي معك الخصومه ونزع الشلف
مايحرجني الا الطيب اللي من احراجه

من مبطي وهو يدحن بجمبه ويكتم بلف
ظروفه وفالفزعات ماعقد احجاجه

فلا تختبر صبري وانا حالف لي حلف
عندك واحدً ماغير الوقت منهاجه

والله لو مانا على زماني صبور وصلف
يمكن ينفجر راسي على قو ما اواجه

[عبيد بن نذاخ @Ob6048]

تحدنا الشيمه على بعض المجامل فالكلام

اللي لو انا مانجامل فيه حسّينا هله

[عبيد بن نذاخ @Ob6048]

صوتك الهادي مزاج وشوف وجهك وصفه
غير وصفات الطبيب وغير وصف الراقي

خذت نصف الزين ومن النصف الاخر نصفه
لك ثلاث ارباع والباقين لهم الباقي

[ناصر بن نذاخ @a9wwk]

-

عن سحرك الأخّاذ يا الأخّاذ
يحتاج الاستيعاب تعويذة

#صش #رث #حق #بل

[عبيد بن نذاخ @Ob6048]

@a9wwk امتلك شي مايعنيك امتلاكه
والعنيد اللي تقول ان فيه ركه

قبلك اللي حاولو يثنو حراكه
وانكفو اماوصلوا ل اسمه ونكه

[عبيد بن نذاخ @Ob6048]

@a9wwk

من هجوس اللي الى حاكاك حاكه
بيدك الامر اربطه. والا تفكه

الدريك أحيان ما عنده دراكه
كنها طاحت على راسها بلكه

[عبيد بن نذاخ @Ob6048]

@a9wwk القطامي فك بنده واشتراكه
ون لقيته في طريقه ذاك ذكه

ابتعد بعد السليل من سكاكه
لاتغيشم ضحكه ماقلت بكه