ثلاثاء 17 نوفمبر ، أما بعد وكالعاده /
لك بالصدر مربى وبالعين مجلاس
وحب نمى بين الضلوع النحايل
وش عاد أبي بالناس واللي وراء الناس؟
ونتي مليتّيني جمال ، وجّمايل
راسي على لاماك يطبخ حميه
راس إحموي ما هو من الذل مصموخ
محبتك مثل الكفوف النديه
يطمع بها فرسان وقروم وشيوخ
كنك قصيده ؟ شامخه نخبويه
من شاعر حربي مردد ومطنوخ
بالفاتنه !! يا ام الوصوف .. القويه
انتي قمر ؟ ولا القمر منك منسوخ
الزين "هذا يبهج الراعبيه
لنك على ما قيل مزه وصاروخ
ماني بغابط غير نجد العذيه"
اللي حموها القوم لباسة الجوخ
تروف لـعيونك !! وتقسى عليه
وانا من الغيره على قلبي شروخ
صحيح ماجتنا الليالي على الكيف
مره تجينا ثقال ومره خفافي
الحال مايحتاج نشده وتوصيف
ماكل يومٍ ينحسب لي عوافي
ظروفنا تشبه سحابٍ من الصيف
بعد المطر تهب صلف السوافي
وليا نشدنا من يحب السواليف
قلنا بخير ولا لحقنا خلافي