عزيز ولد اخوي (6 سنوات) يحسب انه يحب حضني لأنه يحبني،
كل ما في الأمر اني احضنهم واحط ايدي على جبينهم (عشان يرخون جبينهم)
وامسح على خدودهم (ويسترخي الخد)
واضغط ب رفق على المنطقة مفصل الفك (ويسترخي الفم والخد)
و ادلك الاكتاف (يقل التوتر)
والعضلات الكبيره (الأفخاذ و الـ calves)
اخليه يحضن مخده من الأمام ويعطيني ظهره وأسويله مساج خفيف للظهر،
اخليه يرجع لحظني بظهره و اقوله "اخذ نفس كبير" وياخذ اكثر من مره و بعد رابع مره (في مرحلة الزفير) اضغط على البطن برفق (بيضغط على الحجاب الحاجز وبدوره يضغط على الرئه من الاسفل و يظهر كل ما في الرئة من هواء قديم مُخَزَن)
"لاتضغطون البطن كثير - مرتين يكفي للطفل"
بعدها اضرب ب شكل خفيف على منطقة القلب و الصدر،
اضرب على الظهر،
على اسفل عظم الترقوه،
مع تركيز وضع اليد على القلب لأطول فتره ممكنه،
وانهيها بالضغط على السواعد و وضع كفة يدي على كفة يده مع حظن يدي الأخرى لها (يحب هالحركة وايد مادري ليش)
وانهيها ب جملة "أنا موجوده متى ماتبي حضن لأني احبك وانت شاطر واحبك حتى وانت شيطان ماتسمع الكلام اهلك"
هني عملنا تهدئه للجهاز العصبي،
نظفنا الرئه من شوائب قديمه عن طريق تنفس سريع،
توكيد الاتصال الحسي وتعزيز الأمان عن طريق وضع كفة يدي ب كفة يد الطفل،
مع التقبل النفسي الكامل له حتى لو كان مش شطور!
والاهم .. تتركونه يجلس بحضنكم إلى ان يكتفي يشبع حب .. وبروحه يقوم!