M

"ما طالَ ليلٌ ، أو تداعَت كُربَة
إلَّا ولُطــفٌ الله مِنـــك قريبُ"

[M @OoSH340]

لازم تشع ان قالها الله امانيك
مهما غفت في ليل الأقدار شمسك

لا يشغلك عن فرحة الجاي ماضيك
و لا يسرقك من واقعك صوت هجسك

و لا تيأس ان يبست منابت مساعيك
بكرا يسيل الغيم و يطول غرسك

[M @OoSH340]

التشاؤم ما يجيب إلا الغثاثة
والتفاؤل لـأكبر أحلامك يحقق

والسعادة خذ قواعدها ثلاثة :
لا تدقق لا تدقق لا تدقق

[M @OoSH340]

خوة الناقص عواقبها وخيمة
اما حدك للردى واﻻ تردى

انتبه تعطي ضعيف النفس قيمة
وان عطيته قدر ﻻتعطيه جدا

[M @OoSH340]

@kkueduksa الله يرحمه ويغفرله ويسكنه فسيح جناته

[M @OoSH340]

ولا تندمنا على ما عطينا
لو كنت ماتسوى ربع ماجاك

وان كان ودك بالكلام اليقينا
علم يطب بخاطرك ويتعداك

مهو خطاك انك تكبر علينا
هذا خطانا فوق حجمك عطيناك

حنا على طيب التعامل ربينا
والطيب ما يصلح لمثلك وشرواك

حنا الكرم مخلوق منا وفينا
بديهة ما هو لأجل نكسب رضاك

[M @OoSH340]

عهودنا مثل الجبال الجلاميد
ماهي غصونٍ للهبايب تثنّا

[M @OoSH340]

يابوي ماخليت لي شي ابنيه
يابوي درب الطيب كله ختمته

في سكتك تكثر علي المشاريه
وتصغر مواقيفي بفعلٍ رسمته

اتعب على ضلعٍ طويله مراقيه
واليا وصلت إلا انت قبلي وسمته

[M @OoSH340]

جاني وكأنه جايب الناس وياه
واحد ولكنه عن الناس يكفي

[M @OoSH340]

مثل ما للخصومة شأن يبقى للفضيلة شأن
مانيب اللي تخونه شيمته لامن نقص وده

[M @OoSH340]

عتابنا طيّب ومشروهنا . . ذرب
وان وصلت حدود الملام اختفينا

[M @OoSH340]

وين التراحيب القديمه والهلا ؟
وين العيون اللي تغورق وتهمل ؟
وين الشغف ؟ والمرحبا ؟ والمسهلا ؟
والخاطر اللي لا يكل ولا يمل ؟
يعني معرّضني لواهيب الخلا
يعني ما عاد ارسم على لاماك امل ؟

[M @OoSH340]

من تمام المروءة
أن تكون قادرًا على الإحراج، ثم تتعفَّف عنه وأن تستطيعَ كشفَ عيب أحدهم، ثم تختار أن تستره؛ وأن تملكَ كلمةً لو أطلقتها لأوجعت، فتحبسها حياءً ورحمةً، وأن تعرفَ مواضعَ الزلات فتتجاوزَ عنها..
ترجو بها رضى الله ورحمته.

[M @OoSH340]

اعط الحقوق لراعي الحق لا اخطيت
وحاول مثل ما تاخذ الـحـق ، تعطي

مـاهوب عيب ان قلت مخطي وزليت
العيب تنكـر زلـتـك ، وانـت مخطي

[M @OoSH340]

أدري إنك ف اللزوم المعتبر متواجد
خابرك سيفٍ شطير و وقفتك ضامنها

لا تقول . . اني تعديتك فـ امور واجد
والله اني ذاخرك لـ أمور اكبر منها .

[M @OoSH340]

تكثر حشود المشاريه والخاطر عيوف
ما يطاوع قولة الوقت لا عيّا طعه

من تضحكه الليالي تصحيه الصدوف
لا يهمّل صاحب الضيق في وقت السعه

والله إني ما اتضيعف ولا أحب الضعوف
جعل يومٍ ياخذ العز ياخذني معه

[M @OoSH340]

من عز نفسه زاد رفعه وقيمه
لو ان رزقه مثل رزق اشقر الريش

يا صاحبي .. ودروبنا مستقيمه
لو فتشت عنا نقاط التفاتيش

بعض النفوس تصد لو هي محيمه
تقبل وهي ضميا وتقفي معاطيش

اما نمر و يعقب السيل ديمه
مرور الطف من هبوب الرشاريش

[M @OoSH340]

كان ودك تدس المرّ بالحالي
حالف اني لـ أمشّي الوضع ما كنّه

واجد اشكال مرتني على فالي
تترك الفرض .. وتسولف عن السنه

[M @OoSH340]

بشروا راعي الصبر حلمه قريب
لو يطول الوقت لا يفقد رجاه

[M @OoSH340]

وش عاد لو تلبس حرير يجرا
ومتوجٍ تاج الذهب بالزراري

[M @OoSH340]

بعض الناس من كثر ما هو مهزوز شخصية لو تمدحه يحسبك تطقطق عليه